John 1:1 - The New Testament in Islander Creole

¹ Iivn fahn bifuor God mek enyting ataal, di Wan weh dehn kaal di Wod wehn egzis, ahn him wende rait dehso wid God. Bot no ongl dat, him dah wehn God ihnself!

John 1:1 Iomraidhean Croise

Matthew 1:23

“Wan vorjin gwain get pregnant ahn gat wan son, ahn dehn fi kaal im Immanuel, weh miin, ‘God deh wid wi.’ ”

Luke 24:53

Ahn so, dehn kantinyo deh priez God iina di Templ evry die.

John 1:14

So, di Wod ton hyuuman ahn ihn kom, kom liv mongs wi. Ahn wii wiself wehn si wid wi uon two ai how ihn wandaful, fi huu gluory kom bikaaz ihn dah di Wan ahn ongl Son a God. Dah him weh shuo wi plenty kainis ahn lov weh wi no dizorv, ahn ihn tel wi di chruu mesij fahn God.

John 1:18

Nonbady neva si God yet; wi ongl nuo im chruu ihn ongli'is Son weh deh nier tu di Faada. Dah him mek wi nuo how God di Faada stan.

John 1:2

Yees, him wende rait dehso wid God fahn di biginin.

John 16:28

Yees, Ah kom fahn di Faada ahn kom iina di worl; ahn now Ah gwain lef disa worl ahn go bak tu di Faada agen.”

John 17:5

Ahn now, Faada, gi mi di siem gluory —aal di ana weh yo wehn gi mi wen Ah wende wid yo— fahn bifuor di worl wehn iivn staat mek.

John 20:28

Thomas ansa im ahn seh, “Mi Laad ahn mi God!”

John 8:58

Jesus tel dem, “Ah deh tel unu di chruut: bifuor Abraham wehn iivn baan, mii wehn egzis!”

Romans 9:5

Di Jewish pipl dah di disendant dem fi som a wi muos impuotant ansesta dem. Ahn, wen Christ kom yah az wan hyuuman, him dah wehn wan Jew tu weh ruul uova evryting. So den, mek wi priez fi wi Laad God, fareva ahn eva. Amen!

Ephesians 3:9

God pik mi fi mek evrybady andastan how him gwain mek disya siikrit plan hapm. Dah God —di Kriyieta a evryting— weh wehn kiip fi him siikrit plan dem aanda kova fahn di biginin a taim op til now.

Philippians 2:6

Iivn duo him wehn gat God egzak nietyo, ahn ihn wende pahn di siem levl wid God, ihn neva tink seh, “Mii gwain tek'ih.”

Colossians 1:15

Az fi Christ, iivn bifuor God wehn mek enyting ataal, God Son wende egzis. Ahn him wehn muo beta ahn grieta an evryting weh mek! Nonbady kyaahn si God, bot wi kyan si Jesus weh dah egzakly laik ihn Faada.

Colossians 1:17

So den, God Son wende bifuor evryting, ahn dah him wehn huol evryting tugeda.

1 Timothy 3:16

Dis dah di siikrit bout fi wi fiet, ahn nonbady kyaahn aagyo gens ih: Christ wehn kom iina di worl az wan hyuuman, ahn God Spirit pruuv seh him wehn raichos. Di ienjel dem si'im, ahn di pipl dem wehn taak bout im iina aal di difrent nieshan dem. So dat, iina di worl plenty pipl kom fi chros iina him —di Wan weh God wehn tek op dah hevn.

Titus 2:13

Wi fi liv laik dat, wail wi wiet fi dat Blesed Die weh wi deh huop fah, wen wi gwain si di gluory a wi griet God ahn Sievya, Jesus Christ.

Hebrews 13:8

Memba seh: Jesus Christ neva chienj. Ihn dah di siem yestideh, tudeh, ahn fareva!

Hebrews 7:3

Now, di Skriptyo no seh notn bout Melchizedek muma nar ihn pupa niida, nar ihn uol pierans dem, nar di biginin a ihn laif, nar di en. Him dah laik di Son a God, so him gwain bii wan Priis fareva.

2 Peter 1:1

Dis leta dah fahn mii, Simon Peter, weh dah wan sorvant ahn wan apasl a Jesus Christ. Ah deh rait dis leta tu aala unu weh shier di siem preshos fiet weh wi gat. Ahn dah fiet wehn kom fahn Jesus Christ, wi God ahn Sievya, bikaaz him dah di Wan weh mek wi kliin iina ihn sait.

1 John 5:20

Ahn wi nuo tu seh, di Son a God don kom ahn ihn gi wi andastandin fi wi kyan nuo di chruu God. Ahn wii liv iina di Wan weh dah chruu, weh dah ihn Son, Jesus Christ ihnself. Dah him dah di chruu God, ahn dah him dah laif weh no gwain don nontaim ataal.

1 John 5:7

So, dehn gat three wiknis weh tel wi bout Jesus:

Revelation 1:11

Di vais tel mi seh, “Rait dong iina wan buk, John, weh yu si, ahn den sen ih tu di seven chorch: dem weh deh iina Asia: Ephesus, Smyrna, Pergamum, ahn Thyatira, Sardis, Philadelphia ahn Laodicea.”

Revelation 1:17

Ahn wen Ah si'im, Ah faal dong dah ihn fut —flat pahn mi fies— jos laik wan ded-ded man! Den, ihn put ihn rait han pahn mi ahn tel mi seh, “No fried, John! Ai dah di Fos ahn di Laas.

Revelation 1:2

ahn John tel wi evryting weh ihn wehn si. So, dis dah di mesij weh God sen, ahn di chruut weh Jesus Christ shuo im.

Revelation 1:8

Di Laad God Aalmaity tel wi seh, “Ai dah di Alfa ahn di Omega, di Fos ahn di Laas. Ah wehn deh yah bifuor di worl wehn mek; Ah deh yah now; ahn Ah gwain kom bak tu disya worl agen. Ah gat aal di powa uova evryting!”

Revelation 19:13

Di kluoz weh ihn wende wier wehn kova iina blod, ahn ihn taikl dah wehn “Di Wod a God.”

Revelation 2:8

“Rait dis mesij tu di ienjel fahn di chorch iina Smyrna: Dis dah di mesij fahn di Wan weh dah di Fos ahn di Laas, di Wan weh ded ahn deh liv agen. Ihn seh:

Revelation 21:6

Den, agen ihn seh, “Evryting finish! Ai dah di Alfa ahn di Omega. Ai dah di biginin ahn di en. Ah gwain gi waata tu aal di pipl dem weh torsty. Ahn Ah gwain gi dehn frii waata fi jrink fahn di plies weh di waata weh gi laif deh ron.

Revelation 22:13

Ai dah di Alfa ahn di Omega, di fos ahn deh laas. Ai dah di Wan weh staat evryting; ahn Ai dah di Wan weh gwain en evryting!”

Revelation 3:14

“Rait dis mesij tu di ienjel fahn di chorch iina Laodicea. Dis dah di mesij weh di ‘Amen’ sen. Fi chruut, him dah di Wan weh wi kyan chros iina, ahn weh deh taak di chruut aal di taim bout God. Dah fahn him kom aal weh God don mek. Ihn seh: