James 5:9 - The New Testament in Islander Creole

⁹ Ahn bredrin, unu no fi grombl gens wan anada niida, bikaaz God gwain joj unu if unu du dat. Wach yah! Di Joj deh rait bai di duo rait now, redy fi joj unu.

James 5:9 Iomraidhean Croise

Matthew 24:33

Rait so, wen unu si aal demya tingz weh Ah deh tel unu bout staat hapm, unu wi nuo seh di taim deh nier, ahn ih gwain staat kwika an weh unu tink.

Mark 13:29

Rait so, wen unu si aal demya tingz weh Ah tel unu bout staat hapm, unu wi nuo seh di taim deh nier, ahn ih gwain staat kwika an weh unu tink.

Mark 6:19

Herodias wehn hiet John ahn wehn waahn kil im, bot ihn kudn, bikaaz Herod wehn rispek im. Ihn fried fi John, bikaaz ihn wehn nuo seh John dah wehn wan gud ahn huoly man. So ihn kiip im sief. Herod wehn laik hier John taak, no main if ih bada ihn kanshans.

1 Corinthians 10:11

Aala demde tingz wehn hapm fi mek wi nuo weh gwain hapm tu wi tu, if wi du weh dehn wehn du. Ahn aala dis get rait dong iina di Skriptyo fi waan wi, bikaaz wi deh liv iina di laas diez dem.

1 Corinthians 4:5

So unu no fi joj nonbady bifuor di rait taim kom. Unu fi wiet til di Laad kom. Dah him dah di wan weh gwain bring out dehn tingz weh deh iina di daak now. Ahn den ihn gwain mek evrybady nuo weh deh iina evrybady haat. Dat dah wen God gwain priez evrybady akaadn tu how dehn dizorv fi get priez.

2 Corinthians 9:7

So den, evrybady fi mek'op dehn uon main az tu ho moch dehn gwain gi. Ahn dehn no fi tink haad fi gi, nar fiil laik enybady deh presha dem fi gi, bikaaz God lov di wan weh hapy fi gi!

Galatians 5:14

Bikaaz aal weh di Laa deh seh wi fi du, kom op tu wan komaanment: “Unu fi lov unu nieba jos laik how unu lov unuself!”

Galatians 5:26

Ahn no mek wi get proud deh ron gens wan anada, ahn deh jalas wan anada niida.

James 4:11

Lisn, bredrin, unu no fi kritisaiz wan anada niida. Bikaaz, wen unu kritisaiz wan anada, or joj wan anada, unu deh kritisaiz di Laa a God ahn unu deh joj'ih tu. Ahn, if unu deh joj di Laa, den unu no gwain bii laik wan weh deh kiip'ih, bot unu deh mek unuself di joj a ih!

James 4:12

Memba seh: dah ongl wan Porsn deh weh mek di Laa, ahn him dah di chruu Joj. Him dah di Wan weh kyan siev unu or distrai unu. So dah huu unu, fi joj unu nieba den?

James 5:10

Luk pahn di uol taim prafit dem weh yuuztu priich egzakly weh di Laad God wehn tel dem, iivn duo dehn wuda sofa plenty far ih. Demde man weh wehn gat plenty pieshens, dah wehn wan gud egzampl fi unu.

James 5:7

Bot bredrin, unu fi bier'op pieshens til di taim wen di Laad kom bak. Luk how di faama hafy wiet fi di rien kom, wen ihn plaant out di siid dem. Ahn den ihn hafy wiet agen fi di rien kom, jos bifuor taim fi riip. Unu no si how pieshent ihn wiet fi di lan gi'im ihn gud krap? Ihn gat plenty pieshens.

1 Peter 4:5

Bot jos memba seh demde kain a pipl gwain hafy gi akount tu God weh gwain joj aala dem, di livin ahn di ded!

1 Peter 4:9

Ahn unu fi uopm unu huom tu wan anada bitout deh komplien nontaim.

Revelation 3:20

Lisn! Ah deh stan op rait yah deh nak pan unu duo. Enybady weh hier mi vais ahn uopm di duo, Ah gwain kom iina ihn hous. Ahn mii ahn him gwain sidong ahn iit tugeda.