James 5:8 - The New Testament in Islander Creole

⁸ So den, aala unu hafy bii pieshent tu; ahn kiip'op unu haat gud, bikaaz di Laad gwain suun kom bak!

James 5:8 Iomraidhean Croise

Luke 21:19

So no gi'op ahn unu suol gwain siev!

John 21:22

Jesus tel im, “If Ah waahn him liv til Ah kom bak, wat mek yu waahn nuo weh gwain hapm tu im? Weh yu fi du, dah fala mii.”

Romans 8:25

Bot, if wi deh huop fi weh wi no get yet, wi no main fi wiet far ih ataal.

Galatians 5:22

Bot, if wi mek di Holy Spirit kanchruol wi laif, den dis dah weh gwain kom outa fi wi laif: lov, hapinis, piis, pieshens, ahn kainis. Ahn wi gwain triit wan anada gud, ahn di pipl dem gwain kyan dipen pahn wi tu.

Philippians 4:5

Ahn unu fi mek evrybady si seh unu dah wan jentl set a pipl. Memba seh: di Laad deh nier!

1 Thessalonians 1:10

Dehn tel wi tu seh unu deh wiet pahn God Son fi kom fahn hevn —Jesus— weh God don riez'op bak fahn di ded, ahn now ihn deh siev wi fahn God raat weh gwain suun kom!

1 Thessalonians 2:19

Aftaraal, wen di Laad Jesus kom, dah huu gwain mek wi fiil gud bot unu? Unu dah wai wii kyan buos. Unu dah fi wi huop; unu gi wii jai; ahn unu gwain bii laik wan kroun a gluory fi wii wen wi stan tugeda fronta di Laad Jesus wen ihn kom bak.

1 Thessalonians 3:13

Wen unu du dat, Christ gwain mek unu haat strang, ahn nonbady gwain kyaahn fain non faalt wid unu ataal. So den, unu gwain bii kliin ahn huoly fronta fi wi God ahn Faada pahn Dat Die wen di Laad Jesus kom bak wid aala di pipl dem weh dah fi him.

2 Thessalonians 3:5

So, wi seh tu unu: mek di Laad ihnself gi unu muo ahn muo beta fiet ahn andastandin a God lov; ahn dat him wi shuo unu how fi kiip aan iina di fiet ahn no gi'op nontaim, wail unu deh fala di egzampl a Christ.

James 5:3

Unu guol ahn silva don rosty. Ahn dah rostinis gwain bii wan wiknis gens unu, ahn bon'op unu flesh laik faiya. Stil yet unu don siev'op plenty richiz iina demya laas diez.

James 5:9

Ahn bredrin, unu no fi grombl gens wan anada niida, bikaaz God gwain joj unu if unu du dat. Wach yah! Di Joj deh rait bai di duo rait now, redy fi joj unu.

1 Peter 4:7

Bredrin, unu main! Di en a di worl suun kom, so unu hafy get siiryos ahn kanchruol unuself, so dat unu kyan prie gud.

Revelation 22:20

Ahn di Wan weh deh shuo seh dem tingz yah dah chruu, him deh seh, “Fi chruut, Ai suun kom!” Amen. Kom, Laad Jesus!