James 5:7 - The New Testament in Islander Creole

⁷ Bot bredrin, unu fi bier'op pieshens til di taim wen di Laad kom bak. Luk how di faama hafy wiet fi di rien kom, wen ihn plaant out di siid dem. Ahn den ihn hafy wiet agen fi di rien kom, jos bifuor taim fi riip. Unu no si how pieshent ihn wiet fi di lan gi'im ihn gud krap? Ihn gat plenty pieshens.

James 5:7 Iomraidhean Croise

Matthew 16:27

Di Son a Man gwain kom wid ihn ienjel dem iina ihn Faada gluory, ahn ihn gwain gi evrybady wat dehn merit aafa wat dehn don du.

Matthew 16:28

Hier dis chruut weh Ah deh tel unu: Som a unu weh deh yah no gwain ded til dehn si seh di Son a Man deh kom iina ihn Kingdom.”

Matthew 24:27

Bikaaz jos how unu si di laitnin deh flash kraas di skai fahn di iis tu di wes, dah rait so di Son a Man gwain kom bak, ahn den dehn wi si'im gud.

Matthew 24:44

Jos so, unu fi aalwiez redy tu, bikaaz pahn di siem owaz weh unu no espek di Son a Man fi kom, dah dat taim ihn gwain kom bak.

Luke 18:8

No man! Ah deh tel unu: ihn gwain gi dem jostis faas. Bot wen di Son a Man kom bak, unu tink ihn gwain fain eny pipl pan ort weh gat fiet yet?”

Luke 21:27

Den, dehn gwain si di Son a Man deh kom bak iina wan kloud wid plenty powa ahn gluory.

Luke 8:15

Ahn di siid weh faal pahn gud grong, dah laik dem weh hier di mesij ahn kiip'ih iina dehn haat ahn du aal weh God seh. Ahn den dehn kiip aan deh du gud tingz, no mata wat.”

John 21:22

Jesus tel im, “If Ah waahn him liv til Ah kom bak, wat mek yu waahn nuo weh gwain hapm tu im? Weh yu fi du, dah fala mii.”

John 21:23

So wan taakin staat spred mongs di res a Jesus falowa dem seh, dah disaipl deh neva wehn gwain ded. Main, Jesus neva seh, dah disaipl neva wehn gwain ded, bot ihn wehn seh, “If Ah waahn him liv til Ah kom bak, weh mek yu waahn nuo weh gwain hapm tu im?”

Romans 15:4

Memba seh: evryting weh wehn rait dong iina di Skriptyo fahn lang taim abak wehn rait dong fi tiich wi tudeh, so wi gwain kyan luk ahed wid pieshens tu weh gwain kom, sieka di huop weh di Skriptyo gi wi.

Romans 2:7

Now, fi demde pipl weh kiip aan deh du gud ahn deh luk tu God fi ihn priez ahn ana —fi demde pipl weh waahn laas fareva— dah tu demde kain a pipl, God gwain gi laif weh neva gwain en nontaim.

1 Corinthians 1:7

Ahn bikaaz a dat, unu gat aala di gif dem weh unu niid weh di Holy Spirit gi unu, wail unu deh wiet fi di taim wen di Laad Jesus Christ gwain apier.

Galatians 5:5

Bot az fi wii, God Spirit mek wi nuo di chruut seh God gwain mek wi rait wid him, sieka wi fiet iina Jesus Christ. Ahn dis dah weh wi deh wiet fah, fi chruut.

Galatians 6:9

So, mek wi no get taiyad deh du weh rait, bikaaz wen di rait taim kom, wi gwain get dah pie weh dah fi wi, if wi no gi'op.

Colossians 1:11

Ahn wi deh prie seh God wid aala ihn maity powa, gwain mek unu get muo stranga tu, so dat unu gwain kyan bier'op aanda evryting wid plenty pieshens.

1 Thessalonians 1:3

Wi no farget fi seh tanks tu wi Faada fi di wie how unu deh liv. Far, unu laif shuo seh unu chros iina Jesus, ahn ih shuo how unu deh work haad far im bikaaz unu lov im. Wi tank God tu seh bikaaz unu kiip aan deh stan strang sieka di huop weh unu gat iina di Laad Jesus Christ.

1 Thessalonians 2:19

Aftaraal, wen di Laad Jesus kom, dah huu gwain mek wi fiil gud bot unu? Unu dah wai wii kyan buos. Unu dah fi wi huop; unu gi wii jai; ahn unu gwain bii laik wan kroun a gluory fi wii wen wi stan tugeda fronta di Laad Jesus wen ihn kom bak.

1 Thessalonians 3:13

Wen unu du dat, Christ gwain mek unu haat strang, ahn nonbady gwain kyaahn fain non faalt wid unu ataal. So den, unu gwain bii kliin ahn huoly fronta fi wi God ahn Faada pahn Dat Die wen di Laad Jesus kom bak wid aala di pipl dem weh dah fi him.

Hebrews 6:15

Ahn so, afta Abraham wiet ahn chros God fi wan lang-lang taim, ihn get weh God wehn pramis im!

James 4:11

Lisn, bredrin, unu no fi kritisaiz wan anada niida. Bikaaz, wen unu kritisaiz wan anada, or joj wan anada, unu deh kritisaiz di Laa a God ahn unu deh joj'ih tu. Ahn, if unu deh joj di Laa, den unu no gwain bii laik wan weh deh kiip'ih, bot unu deh mek unuself di joj a ih!

James 5:10

Luk pahn di uol taim prafit dem weh yuuztu priich egzakly weh di Laad God wehn tel dem, iivn duo dehn wuda sofa plenty far ih. Demde man weh wehn gat plenty pieshens, dah wehn wan gud egzampl fi unu.

James 5:3

Unu guol ahn silva don rosty. Ahn dah rostinis gwain bii wan wiknis gens unu, ahn bon'op unu flesh laik faiya. Stil yet unu don siev'op plenty richiz iina demya laas diez.

2 Peter 3:4

Demya pipl gwain mak unu, ahn aks unu: “Jesus neva pramis fi kom bak? So, dah weh paat ihn deh now? Him no deh yah, man! Unu stupid, bikaaz fi wi ansesta dem fahn lang taim abak don ded ahn evryting deh di siem wie fahn di biginin ah weh di worl wehn mek!”