James 5:16 - The New Testament in Islander Creole

¹⁶ So den, unu fi kanfes unu sin dem tu wan anada, ahn prie fi wan anada so dat unu kyan get hiil. Memba seh, wen wan porsn weh rait wid God prie, dat uova powaful ahn tingz gwain hapm!

James 5:16 Iomraidhean Croise

Matthew 21:22

Yo gwain get enyting weh yo aks fah iina yo prayaz, if yo ongl gat fiet.”

Matthew 3:6

Ahn John baptaiz aala di pipl dem weh wehn kanfes dehn sin.

Mark 1:5

Ahn aal di pipl fahn Jerusalem ahn fahn aal uova Judea lan gaan dong dah di Jordan riva, gaan hier John priich. Ahn aala di pipl dem weh wehn kanfes dehn sin, John wehn baptaiz dem.

Luke 9:6

So di apasl dehn gaan fahn wan plies tu anada deh priich di gud nyuuz, ahn deh kyuor di pipl dem evry weh.

John 9:31

Wi nuo seh God no lisn tu sina, bot ihn lisn tu dem weh rispek im ahn du weh ihn seh.

Acts 10:38

God wehn pik out Jesus fahn Nazareth fi bii di Mesaya ahn ihn gi'im di Holy Spirit ahn powa. Den Jesus gaan aal bout di plies deh du gud ahn ihn kyuor aal weh wende aanda di kanchruol a di devl, bikaaz God wende wid im.

Acts 19:18

Dongtu wan paila dem weh staat biliiv iina Jesus —ahn weh yuuztu praktis uobya— kom out iina di uopm ahn kanfes ih; ahn dehn ker dehn blak-aat buk dem ahn bon dem op fronta evrybady. Wen dehn kalkyuliet ho moch di buk dem kaas, ih wuda wehn kom op tu bout fifty thousand silva mony.

Acts 8:24

Den Simon seh tu Peter ahn John, “Ah beg yo, prie tu di Laad fi mi, so non a di tingz weh yo seh kuda hapm tu mi, no hapm!”

Romans 3:10

Dah jos laik weh di Skriptyo seh: “Nonbady no rait iina God sait, nat iivn wan porsn.

Romans 5:19

Wen dah wan man disobie, dat mek evrybady iina di worl ton sina. Bot, sieka wan ada man, weh wehn du weh God tel im fi du, God mek evryting rait bitwiin him ahn plenty ada pipl!

Colossians 1:9

Dat dah wai wi neva stap deh prie fi unu fahn di fos die wi wehn hier bout unu. Di chruut dah seh, wi aalwiez prie seh God wi shuo unu evryting ihn waahn unu fi du, ahn dat unu gwain gat aal di wizdom ahn andastandin weh di Spirit gi tu ihn pipl dem.

1 Thessalonians 5:17

Neva stap prie.

1 Thessalonians 5:23

Di laas ting Ah gwain seh, bredrin, dah: wii deh prie seh di God weh gi wi piis wuda mek unu bii laik himself —huoly ahn gud iina evrywie! Ahn wi prie seh him wuda kiip unu spirit, suol ahn bady kliin fahn sin, so wen di Laad Jesus Christ kom bak, ihn no gwain fain non faalt iina unu ataal.

1 Thessalonians 5:25

Ahn bredrin, unu no fi farget fi prie fi wii tu.

Hebrews 11:4

Tink bout demya egzampl, bredrin: Dah wehn bikaaz a Abel fiet iina God, mek him aafa op wan beta sakrifais tu God an weh ihn breda Cain wehn aafa op. God wehn aksep Abel sakrifais, fi shuo seh Abel dah wehn wan raichos man. Ahn alduo Abel ded lang-lang taim abak, ihn stil yet deh taak tu wi bout weh ih miin fi gat fiet iina God.

Hebrews 11:7

So den, dah wehn bikaaz a Noah fiet iina God, mek God waan im bout somting weh ihn neva si hapm yet. Ahn Noah bil wan big-big buot weh him ahn ihn famaly get siev iina. Noah fiet iina God wehn shuo seh di ada pipl dem iina disa worl wehn wikid, bot dat Noah wehn raichos iina God sait.

Hebrews 12:13

Ahn kiip deh waak pahn dehn trak ruod weh ongl striet, so dat demde pipl weh dehn fut wiik ahn weh deh fala unu, no gwain get wiika; bot reda dehn gwain get hiil!

Hebrews 13:18

Ahn no farget fi prie fi wi tu, bikaaz wi shuor seh wi kanshans klier, sieka wi waahn du di rait ting aal di taim.

1 Peter 2:24

Ahn Christ himself ker fi wi sin dem iina fi ihn bady pahn di kraas, so dat wi kuda ded tu sin ahn liv fi weh rait. Dah chruu di kot ahn di bruuz dem weh ihn wehn sofa fi wi, wii kyan get hiil.

1 John 3:22

wi gwain get evryting weh wi aks im fah, bikaaz wii deh du weh him wehn komaan wi fi du, ahn dat dah weh pliiz him.