James 5:13 - The New Testament in Islander Creole

¹³ So bredrin, if enywan a unu gat troblz, mek dehn prie! If enybady hapy, mek dehn sing priez tu God!

James 5:13 Iomraidhean Croise

Matthew 26:30

Den dehn sing wan hims, ahn aftawod dehn gaan op pan Alivz Mountin.

Luke 22:44

Jesus haat wehn uova hevy, so ihn prie haada fahn di batam a ihn suol. Ihn fiil ih so moch til ihn swet wende drip aafa im, jos laik som big drap a blod pan di grong.]

Luke 23:42

Den ihn seh, “Memba mi, Jesus, wen yo staat ruul iina yo Kingdom.”

1 Corinthians 14:15

So, weh Ah fi du? Ah gwain prie wid mi spirit, bot Ah gwain prie wid mi main tu. Ah gwain sing priez tu God wid mi spirit, bot siem wie Ah gwain sing priez wid mi main tu.

1 Corinthians 14:26

So den, unu weh dah mi fren dem, dis dah weh Ah deh seh: Wen unu kom tugeda fi waaship, wan porsn gwain sing, wan gwain tiich, wan neks wan gwain tel somting weh God shuo im, wan gwain gat wan mesij iina difrent langwij, ahn wan nada wan gwain intorprit weh him seh. Jos mek evryting weh unu du bii fi mek aal di pipl iina di chorch get stranga.

Ephesians 5:19

Ahn inkorij wan anada wid di saamz ahn hims ahn spiritwal sang. Unu fi sing ahn mek myuuzik iina unu haat fi priez di Laad!

Hebrews 5:7

Memba seh: wen Jesus wende liv dong yah pahn ort, ihn hala out tu God haad wid di livin ai-waata, ahn beg im fi siev im fahn det. Ahn sieka weh Jesus wehn ombl ihnself ahn obie God, di Laad wehn hier ihn prayaz.

James 5:10

Luk pahn di uol taim prafit dem weh yuuztu priich egzakly weh di Laad God wehn tel dem, iivn duo dehn wuda sofa plenty far ih. Demde man weh wehn gat plenty pieshens, dah wehn wan gud egzampl fi unu.

Revelation 14:3

Di wan hundred ahn forty-four thousand pipl dem wende stan op fronta God chruon ahn fronta di four livin kricha dem ahn di elda dem. Demya pipl wende sing wan nyuu sang weh ongl dem kuda wehn laan ahn sing. Dehn dah di pipl dem fahn outa di worl weh Christ wehn pie fah wid ihn blod.

Revelation 7:10

Den, wid wan vais aala dem baal out haad seh: “Rijais bredrin! Wii don get siev chruu di powa fahn fi wi Faada God weh sit pahn ihn chruon, ahn chruu di Lam!”