James 5:10 - The New Testament in Islander Creole

¹⁰ Luk pahn di uol taim prafit dem weh yuuztu priich egzakly weh di Laad God wehn tel dem, iivn duo dehn wuda sofa plenty far ih. Demde man weh wehn gat plenty pieshens, dah wehn wan gud egzampl fi unu.

James 5:10 Iomraidhean Croise

Luke 13:34

“Ai Jerusalem, Jerusalem pipl, unu weh kil di prafit dem ahn lik dong wid rak dem weh di Laad sen tu unu! Plenty taim Ah wehn waahn bring unu tugeda, laik how wan hen gyada ihn likl chikin dem aanda ihn wing, bot unu neva waahn Ah du'ih!

Luke 6:23

Get glad wen dat hapm ahn daans wid jai, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.

Acts 3:21

Bot fos Jesus gwain stie op dah hevn til di taim kom fi ihn mek evryting nyuu. God wehn anouns dis chruu ihn huoly prafit dem fahn lang taim abak.

Acts 7:52

Dehn wehn gat eny prafit weh fi unu ansesta dem neva triit bad? Dehn wehn kil plenty a di mesinja dem weh God sen, weh fahn lang taim wehn anouns seh fi him Raichos Sorvant wehn gwain kom. Ahn now unu ton di wan dem weh sel'im out ahn morda im!

Hebrews 13:7

Ahn unu no fi farget unu liida dem weh wehn fos tiich unu God Wod. Memba weh kain a laif dehn wehn liv, ahn trai gat fiet laik dem wehn gat.

James 4:11

Lisn, bredrin, unu no fi kritisaiz wan anada niida. Bikaaz, wen unu kritisaiz wan anada, or joj wan anada, unu deh kritisaiz di Laa a God ahn unu deh joj'ih tu. Ahn, if unu deh joj di Laa, den unu no gwain bii laik wan weh deh kiip'ih, bot unu deh mek unuself di joj a ih!

James 5:13

So bredrin, if enywan a unu gat troblz, mek dehn prie! If enybady hapy, mek dehn sing priez tu God!

James 5:7

Bot bredrin, unu fi bier'op pieshens til di taim wen di Laad kom bak. Luk how di faama hafy wiet fi di rien kom, wen ihn plaant out di siid dem. Ahn den ihn hafy wiet agen fi di rien kom, jos bifuor taim fi riip. Unu no si how pieshent ihn wiet fi di lan gi'im ihn gud krap? Ihn gat plenty pieshens.

James 5:9

Ahn bredrin, unu no fi grombl gens wan anada niida, bikaaz God gwain joj unu if unu du dat. Wach yah! Di Joj deh rait bai di duo rait now, redy fi joj unu.