James 4:8 - The New Testament in Islander Creole

⁸ Kom nier tu God, ahn ihn gwain kom nier tu unu tu. Unu sinaz, wash unu han dem! Ahn unu hipokrit, unu fi kliin unu doty haat tu!

James 4:8 Iomraidhean Croise

Matthew 12:33

“So, beta mek'op unu main: if di fruut a wan trii gud, den ih kom fahn wan gud trii, ahn if ih bad, den ih kom fahn a bad wan. Bikaaz evrybady shuda nuo wan gud trii bai di fruut weh ih bier.

Matthew 15:2

“Wai fi yo disaipl dem no fala fi wi uol taim rilijos kostom laik evrybady els? Dehn no wash dehn han dem bifuor dehn iit!”

Matthew 27:24

Pilate si seh ihn kudn get notn ataal fi help Jesus; di ongl ting ihn si seh gwain hapm, dah wan big skaandal gwain suun brok out. So ihn tek som waata ahn wash ihn han dem fronta di pipl dem, ahn seh, “Ai inosent fahn enyting weh hapm tu dis man. Dah unu unuself gwain rispansabl fi wat gwain hapm.”

Acts 15:9

Him no mek non kain a distinkshan bitwiin wii ahn dem; bikaaz God mek dehn haat kliin chruu fiet, siem wie laik wii.

2 Corinthians 7:1

Mi dier fren dem, sins God mek aala demya pramis tu wi, mek wi kiip faar fahn enyting weh gwain mek wi bady ahn wi spirit doty wid sin. Mek wi du wi bes fi liv wan huoly laif iina evrywie so dat wi kyan shuo rispek tu him!

1 Timothy 2:8

So den, Ah waahn aal di man dem evrywie fi prie. Dehn fi bii pipl weh gi God aredy dehn laif, ahn weh deh liv far im. So, wen dehn lif op dehn han fi prie, dehn no fi get beks wid nonbady, ahn dehn no fi stie deh aagyo wid nonbady niida.

Hebrews 10:22

So den, mek wi go rait iin tu God deh chros im wid wan chruu haat; bikaaz wi wikid kanshans don get sprinkl wid Christ blod fi mek wi kliin iina ihn sait ahn wi bady get wash wid kliin-kliin waata.

Hebrews 7:19

bikaaz di Laa, weh God gi Moses, kudn mek notn porfek. Bot now, God gi wi somting beta fi luk ahed tu, ahn dat dah weh gwain mek wi kom nier tu God!

James 1:8

Bikaaz dat shuo seh unu neva kyaahn mek'op unu main bout weda unu biliiv God or nat —ahn unu no shuor bout notn weh unu deh du.

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

1 Peter 1:22

Now, az breda ahn sista iina Christ, unu kyan gat chruu lov fi wan anada, bikaaz unu obie di Gud Nyuuz weh dah di chruut, ahn so now unu kliin fahn sin. So den, si tu it dat unu riily lov wan anada wid aala unu haat.

1 Peter 3:21

Ahn datde flod waata dah laik di waata a wan parabl fahn wi baptizam weh siev wi now. Baptizam dah no fi wash aaf di dort fahn aafa wi bady, bot dah di pramis weh wi mek tu God seh wi gwain waak kliin, so dat wi kyan nuo seh wi no gilty iina fi him sait. Ih siev wi chruu weh Jesus Christ wehn du, wen ihn riez bak op fahn di ded.

1 John 3:3

Ahn aala dem weh gat dis huop iina dehn haat, gwain kiip demself huoly, jos laik how Jesus huoly.