James 4:4 - The New Testament in Islander Creole

⁴ Main, unu wotlis pipl weh no fietful tu di Laad, unu no nuo seh, wen unu deh ton fren wid di worl unu kyaahn bii God fren no muo? So enybady weh mek'op dehn main fi jain wid di worl ahn du fi dehn wikidnis, dah porsn mek demself wan a God enimy!

James 4:4 Iomraidhean Croise

Matthew 12:39

Bot Jesus seh tu dem, “Unu dah laik wan uova bad jinarieshan weh on'fietful aal di taim, bikaaz unu kiip deh aks fi wan sain, bot unu no gwain si non sain ataal apaat fahn weh wehn hapm tu di prafit Jonah.

Matthew 16:4

Unu dah laik wan uova bad jinarieshan, weh on'fietful aal di taim, bikaaz unu kiip deh aks fi wan sain, bot unu no gwain si non sain ataal apaat fahn weh wehn hapm tu Jonah.” Den Jesus lef dem deh, ahn gaan weh.

Matthew 6:24

“Nonbady kyaahn sorv two maasta. Ihn gwain iida hiet wan ahn lov di ada, or ihn gwain lif op wan ahn put dong di ada wan. So, unu kyaahn lov God ahn mony di siem taim.

Luke 19:27

Bot aala dem weh neva laik mi, ahn neva waahn mi fi bii king fi ruul dem, bring dem rait yahso ahn kil dem fronta mi.’ ”

John 15:19

If unu wehn dah fi disa worl, den di pipl fahn disa worl wi lov unu jos laik how dehn lov dehn uon. Bot unu dah no fi disa worl, bikaaz Ai don pik unu fahn outa di worl, ahn dat dah wai dehn hiet unu.

John 17:14

Ah don tel dem di siem wod dem weh yu wehn tel mii, bot di pipl fahn disa worl wehn hiet mi falowa dem, bikaaz dehn no dah fi ih, jos laik how Ah no dah fahn disa worl niida.

John 7:7

Di pipl iina disya worl no gat non riizn fi hiet unu, bot dehn hiet mii, bikaaz Ah kom rait out ahn tel dem bout aal di rang tingz weh dehn deh du.

Romans 5:10

Wi dah wehn God enimy, bot ihn don bring wi bak tu ihnself ahn mek wi bii fi him fren, wen ihn Son ded fi wi. Ahn now weh wi don kom bak tu God, wi iivn muo shuor seh ihn gwain siev wi, bikaaz Jesus deh liv iina wi!

Romans 8:7

Ahn so, wen sombady jos deh tink aal di taim bout weh dehn sinful nietyo waahn du, dat mek dem ton God enimy. Dehn no gwain du weh God Laa seh wi fi du —di chruut dah seh, dehn kyaahn du'ih!

1 Corinthians 1:20

So den, mek Ah aks unu somting: Weh dehn pipl deh now, weh tink seh dehn gat plenty wizdom? Weh demde pipl weh tiich Moses Laa deh? Ahn weh demde pipl deh iina disya worl weh kyan aagyo gud? Ai gwain tel unu: God don shuo seh aal di wizdom weh di pipl dem gat iina disya worl dah ongl fuulishnis tu him!

1 Corinthians 1:21

God mek'ih so dat di pipl dem iina disya worl kyaahn get fi nuo him chruu fi dem uon wizdom nontaim. Insida dat, ihn yuuz disya suo-kaal fuulish mesij weh wi priich fi siev dehn pipl, weh deh chros iina him.

Galatians 1:10

Unu tink seh Ai deh trai fi pliiz pipl? Nuo sah! Ai deh trai fi pliiz God! If Ai wende liv fi pliiz pipl, den Ai wudn deh sorv Jesus Christ.

James 1:27

Memba, di kain a rilijan weh God luk pan az kliin ahn porfek dah laik dis: ih luk afta dehn pikniny weh no gat non muma nar pupa, ahn di uman dem weh dehn hozban ded. Ahn dat kain a rilijan wi kiip wi frii fahn get doty fahn di worl tu.