James 4:11 - The New Testament in Islander Creole

¹¹ Lisn, bredrin, unu no fi kritisaiz wan anada niida. Bikaaz, wen unu kritisaiz wan anada, or joj wan anada, unu deh kritisaiz di Laa a God ahn unu deh joj'ih tu. Ahn, if unu deh joj di Laa, den unu no gwain bii laik wan weh deh kiip'ih, bot unu deh mek unuself di joj a ih!

James 4:11 Iomraidhean Croise

Luke 6:37

“Yo no fi joj, fi dehn no joj yu! Ahn yo no fi kandem, fi dehn no kandem yu! Fargiv, ahn yo gwain get fargivnis tu.

Romans 2:1

So den, unu man weh mek unuself wan joj, unu no gat non ekskyuus ataal fi di bad tingz weh unu deh du. Ih no mata huu unu, bikaaz enytaim unu joj ada pipl —fi di siem bad tingz weh dehn deh du— unu deh joj unu uonself!

Romans 2:13

Jos bikaaz som pipl get fi hier weh di Laa seh, dat no mek dem rait wid God. Bot dem weh du weh di Laa seh, dah dem weh stan rait iina God sait.

Romans 7:7

Wel den, weh wi fi seh? Di Laa sin? Nuo sah! Di Laa no sin ataal, bikaaz Ah wudn nuo weh dah sin, if di Laa neva shuo mi. Ah wudn nuo seh ih no rait fi waahn somting weh sombady els gat, if di Laa neva seh, “Unu no fi groj notn weh sombady els gat.”

1 Corinthians 4:5

So unu no fi joj nonbady bifuor di rait taim kom. Unu fi wiet til di Laad kom. Dah him dah di wan weh gwain bring out dehn tingz weh deh iina di daak now. Ahn den ihn gwain mek evrybady nuo weh deh iina evrybady haat. Dat dah wen God gwain priez evrybady akaadn tu how dehn dizorv fi get priez.

2 Corinthians 12:20

Bot Ah fried seh, wen Ah go si unu, Ah no gwain laik how Ah fain unu ahn unu no gwain laik how Ai hangl di sityuwieshan dem niida. Bikaaz, Ah fried seh Ah gwain fain plenty kwaaril, ahn jalasy, ahn tempa deh flai, selfishnis, ahn slanda, gasip, ahn praid —ahn som pipl deh go aan uova bizy-bady tu.

Ephesians 4:31

So, unu no fi gat non kain a bitanis iina unu haat, ahn no fi get so beks til unu get outa kanchruol! Unu no fi baal out pan wan anada, nar insolt'op wan anada, nar shuo non kain a hietful fiilin dem tu wan anada niida.

1 Timothy 3:11

Siem wie wid di diikan dehn waif dem: dehn fi bii rispektabl, so di pipl dehn kyan luk'op tu dem tu. Ahn dehn no fi laik gasip ahn seh bad tingz bout ada pipl. Dehn fi kanchruol demself gud ahn du weh dehn fi du evry die.

2 Timothy 3:3

Dehn no gwain kier fi notn ataal bout nonbady, ahn dehn no gwain gat non morsy pahn nonbady niida. Dehn gwain taak bad bout wan anada ahn huol wan anada laif chiip. Demya kain a pipl gwain kyaahn kanchruol demself. Dehn gwain go wail if enybady get iina dehn wie, ahn dehn gwain hiet evryting weh gud.

Titus 2:3

Iina di siem wie, yu fi tiich di uolda uman dem fi liv laik wan uman weh waahn du evryting weh God waahn im fi du. So, dehn no fi gasip bout ada pipl, ahn dehn no fi jrink tuu moch wain. Insida dat, dehn fi tiich weh gud ahn prapa.

James 1:16

So, bredrin, unu weh Ah lov so moch, unu main ahn no mek nonbady fuul unu op!

James 1:19

Ahn memba dis tu, bredrin: iich wan a unu shuda hory fi lisn. Bot tek unu taim bifuor unu taak, ahn no hory fi get beks niida.

James 1:25

So den, unu fi kiip deh stody di porfek Laa a God, dah Laa weh gi unu friidom. If unu hier'ih ahn kiip deh memba it, ahn den du weh ih seh, God gwain bles unu iina aal weh unu du.

James 2:8

So den, bredrin, unu gwain du di rait ting if unu obie dah wan porfek komaanment iina di Skriptyo weh seh, “Lov unu nieba jos laik how unu lov unuself.”

James 5:10

Luk pahn di uol taim prafit dem weh yuuztu priich egzakly weh di Laad God wehn tel dem, iivn duo dehn wuda sofa plenty far ih. Demde man weh wehn gat plenty pieshens, dah wehn wan gud egzampl fi unu.

James 5:7

Bot bredrin, unu fi bier'op pieshens til di taim wen di Laad kom bak. Luk how di faama hafy wiet fi di rien kom, wen ihn plaant out di siid dem. Ahn den ihn hafy wiet agen fi di rien kom, jos bifuor taim fi riip. Unu no si how pieshent ihn wiet fi di lan gi'im ihn gud krap? Ihn gat plenty pieshens.

James 5:9

Ahn bredrin, unu no fi grombl gens wan anada niida, bikaaz God gwain joj unu if unu du dat. Wach yah! Di Joj deh rait bai di duo rait now, redy fi joj unu.

1 Peter 2:1

So bredrin, unu fi stap deh du di tingz dem weh hot ada pipl, ahn deh trai fuul dem op. Unu no fi bii wan hipokrit, nar jalas afta nonbady, nar taak bad bout dem niida!