James 4:1 - The New Testament in Islander Creole

¹ Bot, dah weh mek unu fait ahn kwaaril mongs unuself fah? Dah no sieka weh unu lov plezha so moch? Yees sah, dah aala dehn bad tingz weh unu waahn so moch weh deh tier unu op fahn iinsaida unu.

James 4:1 Iomraidhean Croise

Matthew 15:19

Bikaaz dah fahn iinsaida di porsn haat aal di doty tinkin kom out weh mek im du aal di bad ting dem, laik kil, komit adolchry, gat seks bitout marid, tiif, tel lai fi get somting, ahn bring dong sombady repyutieshan.

John 8:44

Unu dah fi unu uon faada weh dah di devl; ahn dah unu waahn du weh him waahn unu fi du. Him dah wehn wan mordara fahn di fos, ahn him neva waahn gat notn fi du wid di chruut, bikaaz nat wan piis a chruut deh iina him. Wen di devl tel lai, ihn deh du'ih bikaaz dah so him fi lai, sieka him dah di faada ah aal di lai dem.

Romans 7:23

Bot Ah si seh mi bady deh fala wan difrent laa; ih deh fait gens di Laa iina mi main. Dat mek Ah bii laik wan prizna tu di laa weh mi bady deh fala, weh deh mek Ah sin.

Romans 7:5

Now, di Laa yuuztu stuor wi op fi du aal kain a bad tingz, weh wi bady wehn kaal fah fi wi du. Ahn demde bad tingz weh put wi pahn wan ruod big nof fi ker wi tu distrokshan!

Romans 8:7

Ahn so, wen sombady jos deh tink aal di taim bout weh dehn sinful nietyo waahn du, dat mek dem ton God enimy. Dehn no gwain du weh God Laa seh wi fi du —di chruut dah seh, dehn kyaahn du'ih!

Galatians 5:17

Bikaaz, weh wi hyuuman nietyo waahn du, dah no weh di Holy Spirit waahn. Ahn weh di Holy Spirit waahn du, dah no weh wii waahn. Unu si, dah aalwiez wan fait bitwiin weh wi hyuuman nietyo waahn, ahn weh di Holy Spirit waahn. So den, ih mek'ih haad fi du weh unu riily waahn du.

Colossians 3:5

So den, unu fi get rid ah aala demde sinful tingz now weh deh trai kanchruol unu. Unu fi kil aala dehn fiilinz, laik dem weh gat fi du wid eny kain a sin weh gat fi du wid seks. Ahn unu no fi liv eny kain a slak laif weh ful a los, nar kiip eny kain a bad tinkin iina unu main. Ahn unu no fi bii griidy, bikaaz dat miin seh unu deh waaship tingz muo an unu waaship God.

2 Timothy 2:23

Ahn no gat notn fi du wid dehn fuulish aagyoment weh di pipl dem, weh no andastan notn, get iina; bikaaz yu nuo seh demde kain a pipl aalwiez end'op iina kwaaril.

Titus 3:3

Bikaaz wii yuuztu bii fuulish tu. Wi neva yuuztu obie God, ahn wi neva pie im non main. Wi dah wehn sliev tu evryting weh wi gat di fiilin fi du ahn weh mek wi fiil gud. Wi liv wi laif deh huol malis gens pipl, ahn deh groj weh dehn wehn gat. So, di pipl dem wehn hiet wi, ahn wii wehn hiet dem bak!

Titus 3:9

Bot yu no fi get miks'op iina fuulish taak ahn aagyoment weh no gat non sens ataal. Wen di pipl dem deh aagyo naansens bout dehn lang lis a niem bout wi griet, griet, griet granfaada dem; or wen dehn deh kwaaril ahn fait bout demde kain a tingz weh di Jewish Laa seh wi shuda du, yu no fi gat notn fi du wid dat! Bikaaz aal dah kain a aagyoment no wot notn ataal, ahn ih no help nonbady niida.

James 1:14

Bot temtieshan gwain kom tu evry wan a wi, wen fi wi uon wikid haat haal wi wan-said ahn swiit-taak wi fi sin!

James 4:3

Ahn wen unu du aks, unu no get notn, bikaaz unu aks fi di rang riizn dem. Unu aks fi demya tingz weh gwain beta unu uon plezha dem.

1 Peter 1:14

Obie God, bikaaz unu dah fi him pikniny. Ahn no go bak, go liv dehn uol wikid wiez weh unu yuuztu liv —demde taim unu neva nuo no beta.

1 Peter 2:11

Mi dier fren dem, unu dah no fi disya worl; unu dah farina ahn strienja. So, Ah deh waan unu: unu no fi giv iin tu dehn sinful fiilin weh deh fait gens unu uon suol!

2 Peter 2:18

Demde pipl buos bout demself wid wod weh no miin notn ataal. Ahn dehn yuuz dehn doty kain a laif fi trap demya pipl weh jos wende trai get-weh fahn liv datde kain a laif deh.

2 Peter 3:3

Fos, unu hafy andastan seh iina di laas diez som pipl gwain kom, weh gwain tek unu, mek papishuo. Dehn gwain liv uova bad ahn dehn uon laif gwain kanchruol wid los!