James 3:6 - The New Testament in Islander Creole

⁶ Unu main: di tong dah wan faiya tu! Ih deh rait deh mongs di ada paats a di bady, bot ih ful'op a wikidnis weh kyan mes'op di huol a wan porsn, ahn kaaz wan bliez weh kyan distrai di huol a dehn laif! Ahn ih get dah faiya striet fahn hel!

James 3:6 Iomraidhean Croise

Matthew 12:24

Bot wen di Pharisee pipl dem hier dis, dehn staat seh, “Dah Beelzebul gi'im powa fi ron out di bad spirit dem. Beelzebul dah di baas ah aal di bad spirit dem.”

Matthew 5:22

Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Mark 7:15

Dah no notn weh wan porsn iit weh spail im; bot weh spail im dah di tingz dem weh kom outa im.”

Luke 16:24

Ihn hala out, ‘Faada Abraham! Gat morsy pan mi no! Sen Lazarus fi dip ihn finga hed iina waata ahn kom kuul dong mi tong; Ah deh sofa plenty iina disya faiya!’

Acts 20:30

Ih gwain kom tu di paint weh —rait fahn mongs unu— unu gwain gat som weh gwain twis'op di chruut fi trai win di biliiva dem pahn fi dehn said.

Acts 5:3

Bot Peter tel im seh, “Ananias, how yuu mek Satan kanchruol yo main, man! Yuu deh tel di Holy Spirit wan lai, wen yo kiip bak som a di mony fi yoself ahn den yu priten seh yo wende gi aala ih!

Acts 6:13

Ahn di wiknis dem, weh wende tel lai, seh, “Dis man aalwiez taak gens disya huoly Templ ahn Moses Laa.

Titus 1:11

Sombady hafy stap dem man! Bikaaz aal dehn deh du dah fuul'op wan paila famaly, deh tiich demde kain a tingz weh dah no chruut. Main, aal dehn waahn, dah yo mony!

James 2:7

Dah no dem weh deh taak bad bout di gud niem a di Wan weh unu bilang tu? Dah wehn demde siem pipl, man!

James 3:7

Pipl kyan tiem aal kain a animal ahn bord ahn reptail dem, ahn demde tingz weh deh liv iina di sii tu.

2 Peter 3:3

Fos, unu hafy andastan seh iina di laas diez som pipl gwain kom, weh gwain tek unu, mek papishuo. Dehn gwain liv uova bad ahn dehn uon laif gwain kanchruol wid los!

3 John 1:10

So den, wen Ah kom, Ah gwain taak bout evryting weh him deh go aan wid. Ah gwain tel unu bout di teribl ting dem weh him seh bout wi, ahn di lai dem weh ihn deh tel. Ahn if dat neva bad nof, ihn no waahn welkom di biliiva dem wen dehn kom niida. Ihn gaan so faar fi iivn stap dehn pipl weh waahn welkom dem, ahn trai fi ron dem outa di chorch if dehn du dat!

Revelation 12:9

So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.

Revelation 13:14

Ahn sieka demya mirakl weh di sekant biis, weh wehn gat di powa fi du fronta di fos biis, ihn fuul'op aal di pipl dem pahn di ort. Ahn dah sekant biis aada dem fi mek wan statyo fi shuo ana tu di fos biis —weh wehn kot bad wid wan suod, bot ihn alaiv stil.

Revelation 18:23

Ahn no muo lamp lait gwain deh shain deh agen. No muo man ahn uman gwain get marid deh agen, niida. Ahn dehn bizniz man —weh dah wehn di grietis iina di worl, weh wehn fuul'op di nieshan dem wid dehn uobya— now aala dem gaan!

Revelation 19:20

Bot dehn kech di biis ahn di faals prafit. Him dah di wan weh wehn du dehn mirakl fronta di biis. Wid demya mirakl ihn wehn fuul'op di pipl weh wehn gat di maak fahn di biis ahn weh wehn waaship ihn statyo. Ahn dehn pich di biis ahn di Faals Prafit alaiv iina wan liek wid faiya weh deh bon wid solfa.