James 3:2 - The New Testament in Islander Creole

² Dah chruut seh aala wi “bok wi fut” mek mistiek iina difrent kain a wie evry now ahn den. Bot, if enybady kyan kanchruol dehn tong aal di taim, den dehn porfek ahn dehn kyan kanchruol di huol a dehn bady tu.

James 3:2 Iomraidhean Croise

Matthew 12:34

Bot unu jos laik som sniek iina graas! So how yo gwain seh somting gud, if yo no gat notn gud iina yo haat? Bikaaz enyting weh wan man ful'op ihn haat wid, dat dah weh gwain kom outa ihn mout!

Matthew 12:37

Bikaaz chruu weh unu seh, unu gwain get weh unu merit; ahn sieka unu uon wod dem, unu gwain get kandem.”

Romans 3:10

Dah jos laik weh di Skriptyo seh: “Nonbady no rait iina God sait, nat iivn wan porsn.

Romans 7:21

So den, dis dah weh Ai fain iina mi laif: Wen Ah waahn du rait, Ah end'op deh du bad.

1 Corinthians 9:27

Ai triit mai bady rof, ahn kiip'ih aanda kanchruol. If Ah no du dat, mii miself maita get push out fahn di ries afta Ai don priich tu ada pipl —ahn dat Ai no waahn du nontaim!

Galatians 3:22

Bot di Skriptyo seh di huol worl deh aanda di powa a sin. So den, wi kyan ongl get di gif weh God wehn pramis wi weh biliiv, if wi chros iina ihn son, Jesus Christ.

Galatians 5:17

Bikaaz, weh wi hyuuman nietyo waahn du, dah no weh di Holy Spirit waahn. Ahn weh di Holy Spirit waahn du, dah no weh wii waahn. Unu si, dah aalwiez wan fait bitwiin weh wi hyuuman nietyo waahn, ahn weh di Holy Spirit waahn. So den, ih mek'ih haad fi du weh unu riily waahn du.

Colossians 1:28

So wi priich bout Christ tu evrybady. Wi yuuz aala di wizdom weh God gi wi fi waan ahn tiich dem, so dat wi kyan bring evrybady fronta God az Christ falowa dem weh don gruo'op iina how dehn tink, bikaaz dehn dah wan wid Christ.

Colossians 4:12

Epaphras, weh dah fahn fi unu gruup ahn weh deh sorv Christ Jesus, sen ihn griitin tu. Aal di taim ihn deh prie fi unu wid aala ihn haat. Ihn deh prie seh unu gwain neva stap deh chros iina God, ahn dat unu gwain stan strang far im iina evryting, ahn dat unu gwain nuo aal weh ihn waahn unu du, ahn den unu wi du'ih.

James 1:26

Bot if unu biliiv seh unu dah gud chorch pipl, ahn stil yet unu kyaahn huol unu tong, unu ongl deh fuul'op unuself, ahn unu rilijan no gud fi notn ataal!

James 1:4

Ahn sieka weh unu no gi'op, unu gwain bii laik weh God waahn unu fi bii, so dat unu no gwain shaat a notn weh pliiz im.

James 2:10

Memba: enybady weh obie evryting weh di Laa seh, bot dehn mes'op pahn wan likl paat a ih, dehn gilty a brok aala di komaanment dem iina di Laa!

1 Peter 3:10

Bikaaz ih rait dong iina di Skriptyo seh: “If unu waahn mek unu laif hapy, ahn liv wan gud laif, unu no fi taak bad tingz, ahn unu no fi tel non lai niida.

1 Peter 5:10

Bot, afta unu don sofa fi wan likl wail, di God a Gries —weh kaal unu fi bii wan wid Christ Jesus fi shier ihn gluory weh gwain laas fareva— him gwain mek unu bii aal weh unu supuoz fi bii. Ahn ihn gwain mek unu strang, ahn ihn gwain help unu so unu no gwain shieky iina unu fiet.