James 3:18 - The New Testament in Islander Creole

¹⁸ So den, bredrin, evrybady weh help mek piis mongs ada pipl, dehn deh plaant di siid a piis ahn dehn gwain riip plenty gud ting fahn dat.

James 3:18 Iomraidhean Croise

Matthew 5:9

Dem weh henda prablem ahn trobl, bles; bikaaz dehn gwain kaal dem God pikniny.

John 4:36

Lisn! Di wan, weh deh gyada di tingz dem weh wehn plaant, deh get ihn pie aredy; ihn deh gyada fruut aredy fi laif weh no gwain don nontaim ataal. So den, di wan weh plaant ahn di wan weh gyada kyan rijais tugeda.

Galatians 6:8

If dah man deh du ongl weh fi him uon sinful haat waahn, den aal weh ihn gwain pik, dah det ahn distrokshan! Bot, if di man liv how di Holy Spirit waahn him fi liv, den ihn gwain pik laif weh no gwain don nontaim chruu dah siem Spirit.

Philippians 1:11

Ahn Ah prie fi Jesus Christ mek unu kantinyo deh du di rait ting dem, fi unu kyan get aal di gud weh ongl kom fahn him. Dis gwain mek di pipl dem ana God muo ahn muo ahn priez im tu!

Hebrews 12:11

Now, non a wi no injai ponishment wail wi deh go chruu'ih, bikaaz ih hot wi. Bot lietaraan, if di ponishment mek wi laan fi obie, den wi gwain laan fi du weh rait ahn liv iina piis.

James 1:20

Unu si, wen wan man get beks, ihn kyaahn du di gud tingz weh God waahn him fi du.