James 3:16 - The New Testament in Islander Creole

¹⁶ So, wen-eva unu si pipl red ai ahn deh ongl tink bout dehn uonself, unu gwain fain kanfyuuzhan ahn aal kain a wikidnis deh go aan.

James 3:16 Iomraidhean Croise

Mark 3:25

Ahn if wan famaly fait mongs demself, dah famaly gwain mash'op.

Acts 19:29

Den wan kroud staat gyada op dehnself —ahn bifuor yu nuo ih— rayat staat iina di sity. Di kroud grab Gaius ahn Aristarchus, two Macedonia man weh wende travl wid Paul, ahn tugeda dehn rosh aaf wid dem tu di luokal stiedyom fi dehn trai dem.

Romans 2:8

Bot fi ada pipl weh jos deh liv fi demself ahn dehn no waahn obie di chruut —demde kain a pipl weh ongl waahn du weh rang— God gwain shuo dem how ihn uova beks wid dem, ahn ihn gwain ponish dem gud!

1 Corinthians 14:33

Memba: God waahn unu fi du evryting iina wan aadaly ahn piisabl wie. Iina di siem wie, iina aal di chorch dem weh God pipl dehn miit,

1 Corinthians 3:3

bikaaz unu kiip aan deh liv laik dis worl deh kanchruol unu! Unu waahn weh di ada pipl dehn gat, ahn unu aagyo wid wan anada tu, ahn neva grii wid wan anada. Unu dah jos laik di pipl dem iina disya worl fi chruut.

2 Corinthians 12:20

Bot Ah fried seh, wen Ah go si unu, Ah no gwain laik how Ah fain unu ahn unu no gwain laik how Ai hangl di sityuwieshan dem niida. Bikaaz, Ah fried seh Ah gwain fain plenty kwaaril, ahn jalasy, ahn tempa deh flai, selfishnis, ahn slanda, gasip, ahn praid —ahn som pipl deh go aan uova bizy-bady tu.

Galatians 5:20

dehn waaship di aidal dem ahn dehn du uobya tu. Dehn ton enimy wid wan anada, dehn kyaahn grii wid nonbady; dehn jalas afta wan anada, dehn get beks, ahn dehn selfish bitwiin demself. Den, dehn split'op iina fi dehn uon likl gruup dem, ahn aala dem gruup deh gens wan anada.

James 3:14

Bot iina unu haat, if unu grojful ahn gat red ai, ahn ongl kansaan bout unuself, den unu no fi buos bout aal weh unu nuo. Dat dah no di rait wie niida.

1 John 3:12

Wi no fi bii laik Cain, weh dah wehn fi di Bad Wan, ahn weh kil ihn breda. Ahn wai Cain wehn kil im? Bikaaz evryting weh Cain wehn du, wehn wikid; ahn evryting weh ihn breda wehn du, wehn rait iina God sait!