James 3:15 - The New Testament in Islander Creole

¹⁵ Dat kain a “wizdom” no kom fahn God iina hevn! Ih kom fahn dong yah iina di worl, fahn unu uon sinful nietyo ahn fahn di devl ihnself!

James 3:15 Iomraidhean Croise

Luke 16:8

Iivn duo di man neva aanes, di maasta admaya di tiifin manija, bikaaz ihn wehn smaat; far, di pipl dem weh dah fi dis worl —wen dehn deh diil wid dehn uon kain a pipl— dehn smaata an di pipl dem weh dah fi God.”

John 3:17

God neva sen ihn Son iina di worl fi kandem di pipl dem, bot fi dem get siev chruu him.

John 8:44

Unu dah fi unu uon faada weh dah di devl; ahn dah unu waahn du weh him waahn unu fi du. Him dah wehn wan mordara fahn di fos, ahn him neva waahn gat notn fi du wid di chruut, bikaaz nat wan piis a chruut deh iina him. Wen di devl tel lai, ihn deh du'ih bikaaz dah so him fi lai, sieka him dah di faada ah aal di lai dem.

Acts 13:10

“Yuu, son a di devl! Yuu weh ful ah aal kain a bad trik ahn wikidnis; yuu dah di enimy a evryting weh gud! Wen yuu gwain stap twis'op di Laad wiez?

Romans 1:22

Dehn seh dehn gat sens, bot dehn ton out fi bii fuul-fuul!

1 Corinthians 1:27

Bot God pik di siem tingz, weh pipl iina disya worl tink no mek non sens ataal fi shiemin demya pipl weh gat di wizdom a dis worl. Ahn ihn pik demya pipl weh no gat non powa ataal fi shiemin dehn pipl weh tink dehn strang.

1 Corinthians 2:14

Di man or uman, weh no gat God Spirit iina dem, kyaahn andastan demya tingz weh ihn Spirit tiich wi, bikaaz demya tingz dah ongl fuulishnis tu dem. Dah ongl God Spirit kyan mek di pipl dem andastan demya tingz.

1 Corinthians 3:19

Bikaaz, weh di pipl dem fahn disya worl tink dah wizdom, dah no non wizdom ataal iina God sait! Ih dah laik weh rait dong iina di Skriptyo seh, “Di Laad deh kech demya pipl weh tink dehn smaat iina dehn uon smaatnis.”

1 Corinthians 3:3

bikaaz unu kiip aan deh liv laik dis worl deh kanchruol unu! Unu waahn weh di ada pipl dehn gat, ahn unu aagyo wid wan anada tu, ahn neva grii wid wan anada. Unu dah jos laik di pipl dem iina disya worl fi chruut.

2 Corinthians 1:12

Wan ting deh, weh wi proud bout: wi kanshans klier-klier seh wi wehn aalwiez diil wid unu iina wan aanes, ahn sinsier, ahn gadly wie wen wi wende wid unu. Wi wehn aalwiez dipen pahn God gries, ahn no pahn wi uon hyuuman wizdom. Ahn dat dah how wi ak wid evrybady, speshaly unu.

2 Corinthians 11:3

Bot, Ah fried seh sombady gwain liid unu astrie fahn di chruu lov weh unu gat fi Christ, siem laik how di sniek wehn trik Eve!

Philippians 3:19

Ahn demde kain a pipl deh hed striet fi hel! Dehn ongl tink pahn wat dehn kyan put iina dehn bely, ahn dehn proud a dehn shiemful, doty wiez. Ahn aal weh deh pahn dehn main dah di tingz dem weh deh iina disya worl.

2 Thessalonians 2:9

Disya Wikid Wan gwain kom wid di powa weh Satan gi'im, ahn ihn gwain du aal kain a faals mirakl, ahn sain, ahn wandaz; ahn ihn gwain fuul'op plenty pipl.

1 Timothy 4:1

Now, God Spirit taak klier-klier, seh juurin demya laas diez, som a di pipl dem gwain stap biliiv di chruu tiichin bout Christ weh wii biliiv. Dehn gwain fala di wikid spirit dem, weh waahn fuul'op di pipl dem ahn fala demya tiichin weh di diimon dem deh tiich.

James 1:17

Memba: evry gud ahn porfek gif kom fahn op iina hevn, fahn fi wi Faada weh mek aal di lait weh deh. Ahn him neva chienj nontaim, laik wan shaduo deh chienj.

James 1:5

So, if eny a unu no gat di andastandin weh God gi, unu fi aks him fi gi'ih tu unu; ahn ihn gwain gi unu nof. Ahn di Laad no gwain get beks wid unu niida!

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

Jude 1:19

Ahn dah demya siem pipl yah deh kaaz divizhan mongs unu. Dehn mek aal di wikid tingz weh dehn waahn, kanchruol dem. Unu si, demde kain a pipl neva gat God Spirit iina dem nontaim ataal.

Revelation 12:9

So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.

Revelation 2:24

Bot di res a unu iina Thyatira, unu no du demde wikid tingz weh Jezebel tiich. Unu no nuo notn bout dehn wikid tingz weh som pipl kaal ‘Satan diip siikrit.’ So, Ah no waahn put no muo bordn pahn unu.

Revelation 9:11

Dehn gat dehn king tu weh dah wehn di ienjel, weh wehn inchaaj a di diip-diip huol. Di Jew dem kaal dat ienjel, “Abaddon,” ahn di Greek pipl dem kaal im, “Apollyon.” Dat miin, “Di wan weh mash'op evryting ahn evrybady!”