James 3:14 - The New Testament in Islander Creole

¹⁴ Bot iina unu haat, if unu grojful ahn gat red ai, ahn ongl kansaan bout unuself, den unu no fi buos bout aal weh unu nuo. Dat dah no di rait wie niida.

James 3:14 Iomraidhean Croise

Matthew 27:18

Pilate seh dis bikaaz ihn wehn nuo seh dehn wehn han Jesus uova fi ihn gi'im di det sentens sieka dehn wehn jalas afta him.

John 16:2

Dehn gwain chruo unu outa di sinigag dem, ahn di taim gwain kom wen dem weh kil unu gwain tink seh dehn deh du'ih fi pliiz God.

Acts 13:45

Bot wen di Jewish rilijos liida dem si di huol paila pipl weh kom, dehn wehn get uova jalas, so dehn staat seh Paul deh tel wan huol paila lai, ahn dehn insolt im op tu.

Acts 26:9

“Now, Ai wehn yuuztu tink di siem kain a wie dat Ai shuda du evryting Ah kud gens dem pipl weh wende fala Jesus fahn Nazareth.

Acts 5:17

Bot di Hai Priis ahn evrybady weh deh wid im, weh dah wehn paat a di Sadducee gruup, wehn uova jalas.

Acts 7:9

“Bot Jacob son dem wehn groj dehn yonga breda Joseph, ahn dehn wehn sel'im fi sliev dong dah Egypt lan. Bot God wende wid im,

Romans 1:29

Dehn haat ful'op wid aal kain a wikidnis; dehn du uova bad tingz tu wan anada; dehn gat red ai ahn groj weh ada pipl gat; dehn waahn kil'op wan anada, ahn fait wid wan anada; dehn griidy, ahn dehn tink ahn seh ongl bad tingz bout wan anada.

Romans 13:13

Mek wi liv wan kliin laif laik pipl weh deh iina di die-lait. Wi no fi liv wan slak laif ahn sliip roun. Wi no fi bii jronkin man. Wi no fi deh go dah non wail paaty ahn du aala demde kain a wikid tingz niida. Ahn wi no fi fait wid pipl, nar groj weh ada pipl gat.

Romans 2:17

Now den, wat bout unu weh seh, “Ai dah wan Jew!” Unu deh chros iina di Laa, ahn unu deh buos seh unu dah di pipl dem weh God ihnself don pik.

Romans 2:8

Bot fi ada pipl weh jos deh liv fi demself ahn dehn no waahn obie di chruut —demde kain a pipl weh ongl waahn du weh rang— God gwain shuo dem how ihn uova beks wid dem, ahn ihn gwain ponish dem gud!

1 Corinthians 13:4

Unu si, wen unu lov ada pipl, unu gwain gat pieshens wid dem. Unu gwain bii kain tu dem ahn unu no gwain jalas afta dem. Unu no gwain tink tuu moch a unuself, ahn unu no gwain bii proud ahn triit ada pipl bad.

1 Corinthians 3:3

bikaaz unu kiip aan deh liv laik dis worl deh kanchruol unu! Unu waahn weh di ada pipl dehn gat, ahn unu aagyo wid wan anada tu, ahn neva grii wid wan anada. Unu dah jos laik di pipl dem iina disya worl fi chruut.

1 Corinthians 5:2

Ahn fi si, unu stil yet proud a unuself? Dah how dis kyan bii! Insida dat, unu shuda sary ahn ben dong unu hed iina shiem! Bredrin, unu shuda put out dah man weh deh liv laik dat fahn mongs unu.

1 Corinthians 5:6

Ih no rait fi unu buos bout how unu so spiritwal. Unu neva hier bout di seyin weh seh, “Jos wan likl bit a iis mek di huol bred duo riez?” Ah shuor seh unu wehn hier'ih.

2 Corinthians 12:20

Bot Ah fried seh, wen Ah go si unu, Ah no gwain laik how Ah fain unu ahn unu no gwain laik how Ai hangl di sityuwieshan dem niida. Bikaaz, Ah fried seh Ah gwain fain plenty kwaaril, ahn jalasy, ahn tempa deh flai, selfishnis, ahn slanda, gasip, ahn praid —ahn som pipl deh go aan uova bizy-bady tu.

Galatians 5:15

Bot if, insida shuo lov, unu deh bait'op ahn tier op wan anada laik di wail animal dem, den unu beta wach out unu no end'op deh distrai wan anada!

Galatians 5:20

dehn waaship di aidal dem ahn dehn du uobya tu. Dehn ton enimy wid wan anada, dehn kyaahn grii wid nonbady; dehn jalas afta wan anada, dehn get beks, ahn dehn selfish bitwiin demself. Den, dehn split'op iina fi dehn uon likl gruup dem, ahn aala dem gruup deh gens wan anada.

Galatians 5:21

Dehn groj wan anada, dehn jrink lika ahn get jronk, dehn gat plenty wail paaty, ahn dehn du ada uova bad tingz laik demde. Unu nuo seh Ah don waan unu aredy, ahn Ah deh waan unu agen: Demde kain a pipl weh liv dah kain a laif no gwain gat non paat iina God Kingdom ataal!

Galatians 5:26

Ahn no mek wi get proud deh ron gens wan anada, ahn deh jalas wan anada niida.

Galatians 6:13

Bot, iivn dem dehnself, weh biliiv seh unu hafy get sorkomsaiz, dehn no kiip aala di komaanment dem weh rait iina di Laa! Dehn ongl waahn unu get sorkomsaiz so dehn kuda buos tu evrybady seh dehn get unu fi du weh dehn wehn waahn.

Philippians 1:15

Som a di pipl dem duo, dehn deh priich bout Christ outa bad main; dehn jalas ahn aalwiez laik aagyo. Bot som ada wan; aal dehn waahn du dah priich di Gud Nyuuz klier-klier!

Philippians 2:3

Ah prie seh unu no du notn outa selfishnis nar breginis, bot unu fi bii ombl ahn no fi tink seh unu beta an enybady els.

1 Timothy 2:4

Dah him weh waahn siev aal di pipl dem, ahn waahn iich porsn kom fi nuo di chruut.

1 Timothy 6:4

den datde porsn ton tuu proud, ahn ihn no andastan notn ataal! Demya kain a pipl jos laik aagyo ahn fait uova wodz. Ahn dat bad, bikaaz dat deh mek di pipl dem jalas wan anada. Ih mek dehn get beks ahn taak bad bout wan anada. Ih bring separieshan mongs di pipl dem ahn mek dehn tink seh ada pipl waahn du dem bad tingz.

Titus 3:3

Bikaaz wii yuuztu bii fuulish tu. Wi neva yuuztu obie God, ahn wi neva pie im non main. Wi dah wehn sliev tu evryting weh wi gat di fiilin fi du ahn weh mek wi fiil gud. Wi liv wi laif deh huol malis gens pipl, ahn deh groj weh dehn wehn gat. So, di pipl dem wehn hiet wi, ahn wii wehn hiet dem bak!

James 1:18

Dah wehn God ihnself baan wi chruu ihn Wod weh dah chruut, so wi kuda get di fos plies mongs aala ihn kricha dem!

James 3:16

So, wen-eva unu si pipl red ai ahn deh ongl tink bout dehn uonself, unu gwain fain kanfyuuzhan ahn aal kain a wikidnis deh go aan.

James 5:19

So, bredrin, di laas ting Ah gwain seh dah, if wan a unu strie fahn di chruut ahn wan nada wan a unu bring im bak,