James 3:13 - The New Testament in Islander Creole

¹³ Wan nada ting, bredrin: enybady deh mongs unu, weh waiz ahn gat gud sens? Den, mek dem shuo ih bai di gud wie dehn liv. Dehn hafy smaat nof fi no priez'op dehn uonself, wen dehn du dehn gud work.

James 3:13 Iomraidhean Croise

Matthew 11:29

Du weh Ah waahn unu fi du, ahn laan fahn mi, bikaaz Ah ombl ahn Ah gat plenty pieshens, ahn unu gwain fain res fi unu suol.

Matthew 21:5

“Tel Zion daata, ‘Luk, fi unu King deh kom tu unu; ihn gwain kom ombl ahn deh sidong pahn wan danky, ahn pahn wan kuolt, wan yong danky.’ ”

Matthew 5:5

Dem weh ombl now, bles; bikaaz di ort gwain bii fi dem.

Matthew 7:24

“So, enybady weh hier weh Ah tiich im, ahn den ihn obie, dah jos laik wan smaat man weh bil ihn hous pahn di rak.

1 Corinthians 6:5

Ai deh seh dis fi mek unu fiil shiem! Unu waahn tel mi seh unu no gat nonbady mongs unu weh gat wizdom fi joj, wen unu breda dem gat tingz gens wan anada?

2 Corinthians 10:1

Now, Ah hier seh, som pipl mongs unu seh Ai wiik wen Ah dedeh wid unu, ahn strang ongl wen Ah deh faar fahn unu! Bot Ai, Paul, deh beg unu iina di niem a Christ weh kain ahn ombl: Unu no fi push mi fi get rof wid eny a unu wen Ah kom ahn si unu fies tu fies. Bikaaz, Ah shuor seh Ah kyan taak haad tu demde pipl deh, weh deh seh mii ahn mi fren dem ongl go aan laik aadinary pipl iina disya worl ahn notn muo an dat!

2 Corinthians 8:24

So den, shuo iich wan a dem unu lov fi pruuv tu di ada chorch pipl dem seh wi gat aal di raits fi buos bout unu.

Galatians 5:23

Wi gwain ombl, ahn wi gwain kyan kanchruol wiself iina evryting. Ahn, wen wi deh du demya gud ting evry die, dah weh di Laa deh, weh wi gwain brok? Non ataal!

Galatians 6:1

So, bredrin, if enybady slip ahn du somting rang, unu weh di Holy Spirit deh kanchruol, fi help im get bak pahn di rait trak. Ahn mek shuor seh unu du'ih iina wan gud ahn piisful wie. Unu fi main unuself fi no get iina temtieshan ahn faal iina som sin tu.

Galatians 6:4

So mek aala unu egzamin unu uonself, fi si how unu deh liv. If unu du gud, den unu gwain kyan fiil gud bout unuself —ahn unu no gwain hafy deh luk pahn weh sombady els deh du fi kompier.

Ephesians 4:2

Unu no fi tink seh unu muo beta an sombady els. Ahn no bii rof wid ada pipl niida, bot gat pieshens wid dem. Shuo unu lov wid evrybady ahn help dem.

Philippians 1:27

Bot no mata weh hapm, unu fi ak iina wan kain a wie weh gwain shuo seh unu deh chros iina di Gud Nyuuz bout Christ. Den, weda Ah go, go si unu or jos hier bout unu, Ah gwain nuo seh unu deh get lang tugeda uova gud iina wan spirit, ahn unu deh fait tugeda fi di fiet, weh kom fahn weh unu chros di Gud Nyuuz. Ahn dat wuda bii gud!

Colossians 3:12

So den, bikaaz God wehn pik unu out fi bii fi him uon speshal pipl weh ihn lov, mek unu haat go out tu wan anada. Unu fi bii kain ahn ombl, ahn triit wan nada gud, ahn gat pieshens wid wan anada.

1 Timothy 4:12

Yu no fi mek nonbady luk dong pahn yu bikaaz yu yong. Insida dat, yu fi shuo demya pipl weh chros iina Christ di wie dehn shuda bihiev, bai how yu yoself deh taak, how yu deh stan op fi di gud ting dem, how yu deh lov pipl, how yu deh chros iina Christ, ahn how yu deh liv wan kliin laif.

1 Timothy 6:11

Bot yuu, Timothy, yu dah wan man weh wehn gi'yo laif fi du weh God waahn yu fi du. So, yu no fi gat notn fi du wid demde kain a tingz. Insida dat, trai haad fi liv rait evry die, ahn fi liv fi pliiz God fi chros him wid aal yo haat, ahn lov di pipl dem. Ahn yu fi trai haad evry die fi stie chruu tu di Laad tu, iivn wen di haad taim dem kom, ahn fi triit evrybady wid pieshens.

2 Timothy 2:25

Ihn no fi taak haad nar rof, wen ihn deh tiich dem pipl weh no grii wid im. Bikaaz mieby som taim God gwain gi dem di chaans fi ton fahn dehn sin dem, ahn kom fi nuo di chruut.

Titus 3:2

Ahn tel dem no fi taak bad bout nonbady, bot dehn fi bii piisabl pipl, weh frenly ahn weh triit evrybady iina wan ombl wie.

Hebrews 13:5

Unu no fi lov mony niida; bot satisfai wid weh unu gat. Bikaaz di Laad wehn pramis wi seh: “Ah gwain neva lef unu; Ah gwain neva abandon unu.”

James 1:21

So unu shuda get rid ah aala di dotinis ahn wikidnis weh so kaman mongs unu. Ahn iina wan ombl wie, unu fi aksep di Wod weh God wehn plaant iina unu —dat siem Wod weh kyan siev unu suol.

James 2:18

Bot now sombady kuda seh, “Som pipl gat fiet, ahn som ada pipl gat akshan.” Bot, Ai seh tu dat porsn: “Yu shuo mi fi yo fiet bitout akshan, ahn Ai gwain shuo yuu mai fiet bai di gud tingz weh Ai deh du!”

James 3:1

Bredrin, plenty a unu shudn trai fi bii tiicha, bikaaz unu nuo seh God gwain joj aala wi weh deh tiich muo haada an evrybady els!

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

1 Peter 1:15

Insida dat, unu fi liv wan huoly laif iina evryting weh unu du; jos laik God, weh pik unu fi bii fi him uon pikniny, bikaaz him huoly.

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!

1 Peter 2:9

Bot unu dah di speshal pipl dem weh God wehn pik out. Unu dah priis weh dah fi God, di King. Unu dah wan nieshan weh God set wan-said fi ihnself. God bring unu fahn outa daaknis ahn put unu iina fi him wandaful lait. Now unu hafy tel evrybady aal di wandaful tingz weh God wehn du.

1 Peter 3:4

Insida dat, unu byuuty fi kom fahn iinsaida unu: di byuuty a wan jentl ahn kwaiyet spirit weh no gwain fied-weh, bot gwain laas fareva! Iina God sait, dat dah di byuuty weh preshos tu im.