James 3:1 - The New Testament in Islander Creole

¹ Bredrin, plenty a unu shudn trai fi bii tiicha, bikaaz unu nuo seh God gwain joj aala wi weh deh tiich muo haada an evrybady els!

James 3:1 Iomraidhean Croise

Matthew 10:24

“Wan disaipl neva beta an ihn tiicha, ahn wan sorvant neva beta an ihn maasta niida.

Matthew 23:13

Den Jesus kantinyo deh seh, “How haad unu gwain gat'ih, unu tiicha a di Laa ahn Pharisee pipl, unu hipokrit! Unu deh henda pipl fahn go iina di Kingdom a Hevn. Unu uonself neva gwain go iin, nar mek nonbady els go iin niida.

Matthew 23:14

[How haad unu gwain gat'ih, unu tiicha a di Laa ahn Pharisee pipl, unu hipokrit! Unu laik tek uova di hous fi di puor uman dem weh dehn hozban ded. Bot stil yet unu ton roun ahn waahn shuo aaf wid lang prayaz. Fi dat unu gwain get muo ponishment fi di bad tingz weh unu du!]

Matthew 9:11

Wen di Pharisee pipl si wat wende hapm, dehn komplien tu Jesus disaipl ahn aks dem seh, “Bot how fi unu tiicha kyan stan fi iit wid demde kain a pipl?”

Luke 16:2

So di rich man sen gaan kaal di man ahn aks im, ‘Dah wada Ah deh hier bout yo? Gi mi wan akount ah aal weh yo du fi mi, bikaaz yuu kyaahn work laik mi manija no muo.’

Luke 6:37

“Yo no fi joj, fi dehn no joj yu! Ahn yo no fi kandem, fi dehn no kandem yu! Fargiv, ahn yo gwain get fargivnis tu.

John 3:10

Jesus ansa im ahn seh, “Yuu dah wan big taim rilijos tiicha fahn Israel ahn yuu no andastan demde tingz?

Acts 13:1

Now, iina di chorch dah Antioch yo wehn gat som prafit ahn tiicha, laik Barnabas ahn Simeon —weh dem kaal Naiger tu— ahn Lucius fahn Cyrene, ahn Manaen —weh wehn gruo'op wid Herod, di ruula— ahn Saul tu.

1 Corinthians 12:28

Ahn dah di siem wie ih stan iina di chorch. God put evrybady iina ihn plies. Fos, ihn pik out som fi bii apasl; sekant, unu gat di prafit dem; den third, di tiicha dem. Den God wehn pik som fi du mirakl, ahn som neks wan fi gat di gif fi hiil pipl. Den unu gat demde pipl weh help ada pipl, ahn demde pipl weh gat di gif fi plan tingz gud ahn get di pipl dem fi work tugeda. Ahn den, unu gat demde pipl weh ihn gi di gif fi taak iina difrent kain a langwij.

2 Corinthians 5:10

Bikaaz aala wi gwain hafy stan fronta Christ fi mek im joj wi. Ahn den, iich wan a wi gwain get weh wi dizorv fi evryting weh wi wehn du iina dis laif, weda gud or bad.

Ephesians 4:11

Dah him huu wehn gi demya gif tu di pipl dem. Ihn pik som pipl fi bii apasl, ahn som fi bii prafit, ahn som a dem ivanjelis. Ahn ihn pik som ada pipl fi bii pastya ahn tiicha tu.

1 Timothy 1:7

Dehn waahn tiich di pipl dem bout God Laa laik if dehn so nuo ih, bot dehn no andastan dehn uon wod dem, nar andastan weh di Laa miin. Bot stil yet dehn deh taak bout'ih wid plenty kanfidens.

1 Timothy 2:7

Ahn so, dat dah wai God wehn pik mii ahn sen mi fi bii ihn gud nyuuz kariya ahn wan apasl, fi tiich dehn pipl weh dah no Jew how dehn fi chros iina Christ, deh shuo dem di chruu wie fi get siev. Ahn Ai deh tel unu di chruut; Ah no deh tel non lai ataal!

2 Timothy 1:11

God don pik mii fi tel di pipl dem evrywie dis Gud Nyuuz ahn ihn sen mi fi bii wan apasl ahn wan tiicha tu dem.

Hebrews 13:17

Ahn obie demde pipl weh deh uova unu —put unuself aanda dehn aada. Bikaaz, dah dem weh deh wach uova unu suol, ahn lietaraan dehn hafy gi akount tu God! So, no mek dem fiil sad, az dehn deh du dehn work, bot mek dem hapy fi du'ih! If unu no du dat, demde pipl gwain kyaahn help unu nontaim.

James 1:16

So, bredrin, unu weh Ah lov so moch, unu main ahn no mek nonbady fuul unu op!

James 1:19

Ahn memba dis tu, bredrin: iich wan a unu shuda hory fi lisn. Bot tek unu taim bifuor unu taak, ahn no hory fi get beks niida.

James 3:10

Imajin bredrin! Priez ahn kosn deh kom outa di siem mout. Dis no rait, yu nuo.

1 Peter 5:3

Ahn no deh baas'op di pipl dem weh deh iina unu kier niida; bot reda, bii wan egzampl tu dem,