James 2:18 - The New Testament in Islander Creole

¹⁸ Bot now sombady kuda seh, “Som pipl gat fiet, ahn som ada pipl gat akshan.” Bot, Ai seh tu dat porsn: “Yu shuo mi fi yo fiet bitout akshan, ahn Ai gwain shuo yuu mai fiet bai di gud tingz weh Ai deh du!”

James 2:18 Iomraidhean Croise

Romans 14:23

Bot, if sombady dout iina dehn haat wen dehn iit eny kain a fuud, den dehn deh kandem dehn uonself, bikaaz dehn no biliiv dem deh du weh rait. If wii du somting weh wi no biliiv rait, wi deh sin.

Romans 3:28

So den, wi nuo seh evryting rait bitwiin wii ahn God, bikaaz wi deh chros iina him; dah no bikaaz wi du weh di Laa tel wi fi du.

Romans 4:6

Dat dah weh David miin wen ihn rait bout di porsn weh God aksep. Ihn seh evryting rait bitwiin God ahn dah porsn, iivn duo dah porsn no du notn fi mek God aksep im, bot bikaaz ihn chros iina God. David seh dat dah di porsn weh get blesin, wen ihn seh:

Romans 8:1

So den, God no gwain kandem nonbady weh dah wan wid Christ Jesus,

Romans 9:19

So, wan a unu maita aks mi seh, “If dat dah weh God du, den dah how kom God kuda bliem wi? Nonbady kyaahn win gens God!”

1 Corinthians 13:2

Ahn, if Ah kuda prafisai ahn andastan aal di siikrit tingz fahn God ahn nuo evryting weh deh fi nuo; ahn, if Ai wehn gat fiet weh kuda muuv di mountin dem —bot Ai no gat lov fi nonbady— Ai dah no notn ataal!

2 Corinthians 5:17

Lisn: wen enybady dah wan wid Jesus Christ, dehn ton wan nyuu porsn; ahn dehn dah no di siem agen, bikaaz dehn uol wie a livin gaan, ahn evryting get nyuu-nyuu!

2 Corinthians 7:1

Mi dier fren dem, sins God mek aala demya pramis tu wi, mek wi kiip faar fahn enyting weh gwain mek wi bady ahn wi spirit doty wid sin. Mek wi du wi bes fi liv wan huoly laif iina evrywie so dat wi kyan shuo rispek tu him!

Galatians 5:6

Bikaaz, wen wi dah wan wid Jesus Christ, ih no mata if wi sorkomsaiz or no sorkomsaiz. Weh riily impuotant dah wi fiet iina Christ, ahn dah dat fiet weh mek wi gat lov.

1 Timothy 1:5

Insida dat, unu fi tiich di biliiva dem how dehn kyan get riil lov fi wan anada. Ahn datde lov kom fahn wan kliin haat, wan klier kanshans, ahn wan chruu fiet.

Titus 2:7

Ahn yuu tu, Titus, yu fi bii wan gud egzampl iina evryting weh yu du, so evrybady kyan fala yo egzampl. Ahn, wen yu deh tiich, yu fi shuo seh yu miin weh yu seh ahn yu siiryos fi chruut.

Hebrews 11:31

Ahn dah wehn bikaaz a Rahab di prastityut fiet iina di God a Israel, mek shii neva get kil lang wid di pipl dem weh neva obie God, bikaaz shii wehn help di spai dem fahn Israel.

Hebrews 11:33

Dah wehn bikaaz a dehn fiet, dehn du tingz laik uova-chruo plenty kingdom ahn du weh rait, ahn so dehn wehn get weh God wehn pramis dem. Dehn wehn shet laiyan mout tu;

Hebrews 11:6

Di chruut dah seh, nonbady kyaahn pliiz God if dehn no gat fiet iina him, bikaaz enybady weh waahn kom tu God hafy biliiv seh him deh, ahn dat God gwain gi gud tingz tu di pipl dem weh saach far im wid aala dehn haat!

James 2:14

Bredrin, weh gud ih gwain du if sombady seh ihn chros iina God, bot ihn no shuo ihn fiet bai di wie ihn liv? Unu tink dat kain a fiet kyan siev im?

James 3:13

Wan nada ting, bredrin: enybady deh mongs unu, weh waiz ahn gat gud sens? Den, mek dem shuo ih bai di gud wie dehn liv. Dehn hafy smaat nof fi no priez'op dehn uonself, wen dehn du dehn gud work.