James 2:16 - The New Testament in Islander Creole

¹⁶ ahn unu tel im seh, “God bles yo ahn Ah huop tingz work out fi yo! Tek kier a yoself, ahn Ah huop yu iit gud tu.” Weh gud dat gwain du fi dat porsn, if unu no help im out wid weh ihn niid?

James 2:16 Iomraidhean Croise

Matthew 15:32

Den Jesus kaal ihn disaipl dem ahn tel dem, “Ah fiil sary fi dehn pipl, bikaaz dehn wende wid mi three diez now, ahn dehn no gat notn fi iit. Ah no waahn sen dem bak huom hongry, main dehn drap dong lang di ruod.”

Matthew 25:35

Bikaaz Ah wehn hongry ahn unu gi mi somting fi iit. Ah wehn torsty ahn unu gi mi somting fi drink. Ah dah wehn wan strienja ahn unu aksep mi.

Matthew 25:36

Ah neva gat non kluoz, ahn unu gi mi som fi put aan. Ah wehn sik, ahn unu tek kier a mi. Ah wehn deh iina jiel ahn unu kom vizit mi tu.’

Mark 5:34

Ahn Jesus seh tu im, “Daata, yo fiet mek yo get beta. Yo kyan go huom now iina piis. Yo sofarin uova now.”

Romans 12:9

Wen unu lov sombady, unu fi lov dem wid aal unu haat, ahn no jos priten seh unu deh lov dem. Ahn unu fi hiet enyting weh wikid, ahn huol aan tu weh gud!

2 Corinthians 8:8

Main, Ah no deh gi unu dis wod laik wan komaan; bot Ah jos waahn tes unu out fi si if unu lov dah laik fi di ada bredrin dem.