James 2:1 - The New Testament in Islander Creole

¹ Bredrin, laik how unu deh fala fi wii Laad Jesus Christ —di Laad a Gluory— unu no fi triit som pipl beta an ada pipl.

James 2:1 Iomraidhean Croise

Matthew 22:16

So dehn sen dehn disaipl ahn som a King Herod falowa tu Jesus, ahn dehn seh tu im, “Tiicha, wi nuo seh yu tel di chruut aal di taim ahn yo tiich God wie bitout non lai. Yu no wory bout wat pipl gwain seh, ahn yu no pie main pan dehn kandishan.

Acts 10:34

Den Peter tel dem seh, “Ah andastan now: fi God aala wi dah di siem iina ihn sait.

Acts 20:21

Ah wehn gat wan mesij fi di Jew pipl dem ahn di Greek dem tu —seh dehn hafy ripent ahn ton tu God, ahn chros iina di Laad Jesus Christ fi siev dem.

Acts 24:24

Som diez lieta Felix kom wid ihn waif Drusila —shii dah wehn wan Jew— ahn sen fi Paul fi kom taak tu im bout weh ih miin fi gat fiet iina Christ Jesus.

Acts 7:2

Ahn Stephen ansa im seh, “Mi fela Jew, yong ahn uol, hier weh Ah gat fi seh: Bifuor wi ansesta Abraham gaan, gaan liv dah Haran, di God weh dah aal gluoryos apier'op tu im iina Mesopotamia ahn seh,

Romans 1:11

Ah uova waahn go, go si unu, so Ah kuda shier som gif fahn di Holy Spirit weh gwain strentn unu.

1 Corinthians 2:8

Non a dehn ruula fahn disya worl neva andastan dah kain a wizdom, bikaaz if dehn wehn andastan ih, dehn neva wehn gwain niel di Laad a Gluory pahn di kraas.

Colossians 1:4

Wi tank im bikaaz wi hier how strang unu deh chros iina Christ Jesus, ahn how unu lov aala God pipl dem.

1 Timothy 1:19

Yuu fi chros iina God ahn du weh yu nuo dah di rait ting fi du. Som pipl don ton weh fahn weh dehn nuo fi bii rait, ahn bikaaz a dat, dehn don mes'op dehn fiet iina Christ.

1 Timothy 5:21

So den, Timothy, fronta God ahn Christ Jesus, ahn di Laad ienjel dem, Ah deh waan yu fi du demya tingz yah, weh Ah deh tel yu fi du. Yu fi triit evrybady di siem wie, ahn no shuo non kain a fievaritizm nontaim.

Titus 1:1

Dis leta dah fahn mii, Paul, weh dah wan a God sorvant ahn wan apasl a Jesus Christ. God sen mi fi go, go inkorij ihn pipl dem weh ihn wehn pik, fi dehn gat beta fiet ahn fi dehn andastan how dehn fi liv iina wan wie weh gwain pliiz God.

Titus 2:13

Wi fi liv laik dat, wail wi wiet fi dat Blesed Die weh wi deh huop fah, wen wi gwain si di gluory a wi griet God ahn Sievya, Jesus Christ.

Hebrews 1:3

God Son dah di Lait weh shuo wi God griet gluory. So, wen unu si di Son, unu deh si God tu, bikaaz di Son dah di siem jos laik God. Ahn chruu di powa a ihn wod, di huol worl ahn evryting weh egzis, deh huol tugeda. So, wen God Son don wash weh fi wi sin dem, ihn gaan op iina hevn, gaan sidong bai di rait saida God di Muos Powaful Wan!

Hebrews 12:2

Ahn mek wi kiip wi ai dem pahn Jesus, bikaaz wi fiet dipen pahn him fahn staat til wi get dah di en! Memba seh: him gaan chruu di shiem ahn mek dem niel'im op pahn wan kraas, ahn ihn neva tink notn a ih bikaaz ihn nuo seh, pahn di en ihn wehn gwain mek im hapy fi du'ih. Ahn now, ihn deh sidong pahn di rait han saida God chruon!

James 1:16

So, bredrin, unu weh Ah lov so moch, unu main ahn no mek nonbady fuul unu op!

James 1:19

Ahn memba dis tu, bredrin: iich wan a unu shuda hory fi lisn. Bot tek unu taim bifuor unu taak, ahn no hory fi get beks niida.

James 2:3

If unu triit di man iina prity kluoz gud ahn tel im seh, “Si wan gud siit rait yah fi yo,” bot unu tel di puor man, “Stan op uova deh,” or, “Sidong rait yahso pahn di fluo bai mi fut dem,”

James 2:9

Bot if unu deh shuo fievaritizm, den akaadn tu di Laa unu deh sin, ahn di Laa gwain kandem unu bikaaz unu deh brok'ih.

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

2 Peter 1:1

Dis leta dah fahn mii, Simon Peter, weh dah wan sorvant ahn wan apasl a Jesus Christ. Ah deh rait dis leta tu aala unu weh shier di siem preshos fiet weh wi gat. Ahn dah fiet wehn kom fahn Jesus Christ, wi God ahn Sievya, bikaaz him dah di Wan weh mek wi kliin iina ihn sait.

Jude 1:16

Demde kain a pipl —aal weh dehn deh du dah grombl'op ahn komplien, ahn deh du som paila wikid tingz weh dehn fiil laik! Dehn shuo aaf, ahn dehn swiit'op pipl wid dem big mout jos fi get weh dehn waahn.

Revelation 14:12

Dis miin seh God pipl fi bier'op ahn kantinyo fi du ongl weh God tel dem fi du, ahn dehn no fi stap chros iina Jesus nontaim!