James 1:6 - The New Testament in Islander Creole

⁶ Bot, wen unu aks God, unu fi biliiv seh ihn gwain gi unu jos laik ihn wehn seh —ahn no dout ihn wod nontaim! Bikaaz enybady weh dout ihn wod, dah laik wan wiev iina di sii weh di briiz deh bluo dis wie ahn dat wie fram said tu said.

James 1:6 Iomraidhean Croise

Matthew 14:28

So Peter ansa ahn seh, “Laad, if dah yuu fi chruut, mek Ah go weh paat yo deh pan tapa di waata.”

Acts 10:20

Mikies ahn go dong stiez, ahn no tink haad fi go wid dem. Dah mii sen dem.”

Ephesians 4:14

Den, iina dah taim deh, wi no gwain bii laik likl pikniny no muo, weh iizy fi chienj weh dehn biliiv az kwik az dehn hier enyting weh nyuu. Dehn dah laik wan likl buot weh di wiev dem kyan fling bout, wen di strang briiz kiip aan deh chienj ahn bluo di buot dis wie ahn dah neks wie. Demde pipl weh deh trai fi fuul wi op wid dehn rang tiichin, dah jos laik demde win. Dehn liid som biliiva astrie wid dehn triky tiichin dem, weh dehn mek'op dehn uonself!

1 Timothy 2:8

So den, Ah waahn aal di man dem evrywie fi prie. Dehn fi bii pipl weh gi God aredy dehn laif, ahn weh deh liv far im. So, wen dehn lif op dehn han fi prie, dehn no fi get beks wid nonbady, ahn dehn no fi stie deh aagyo wid nonbady niida.

Hebrews 10:23

Mek wi stan strang, ahn huol aan tait tu di huop weh wi seh wi gat, bikaaz wi kyan chros God fi kiip ihn pramis.

Hebrews 11:6

Di chruut dah seh, nonbady kyaahn pliiz God if dehn no gat fiet iina him, bikaaz enybady weh waahn kom tu God hafy biliiv seh him deh, ahn dat God gwain gi gud tingz tu di pipl dem weh saach far im wid aala dehn haat!

Hebrews 13:9

Ahn unu no fi mek aal kain a difrent tiicha deh fuul unu op. Insida dat, ih beta fi get strent fahn God gries, ahn no fahn aala demde ruulz bout fuud weh no help non a demde pipl weh fala dem.

James 1:7

So, if unu dout, no tink seh unu gwain get enyting fahn di Laad.

James 5:15

Ahn wen dehn prie wid fiet, di Laad gwain mek di sik porsn get beta; dehn gwain stan op strang agen. Ahn if dehn wehn sin, God gwain fargiv dem tu.

2 Peter 2:17

Ahn dem wikid pipl deh, dah siem laik wan wel weh no gat non waata iina it ataal. Dehn dah laik wan daak kloud weh deh shuo seh rien gwain kom, bot wan strang briiz bluo'ih weh, ahn so non rien neva kom. God deh kiip wan uova daak plies fi put demya kain a pipl iina!