James 1:26 - The New Testament in Islander Creole

²⁶ Bot if unu biliiv seh unu dah gud chorch pipl, ahn stil yet unu kyaahn huol unu tong, unu ongl deh fuul'op unuself, ahn unu rilijan no gud fi notn ataal!

James 1:26 Iomraidhean Croise

Matthew 15:9

Dehn waaship no wot notn ataal, bikaaz dehn mek fi dem uon ruul, ahn tiich dem laik dah God ruul.’ ”

Mark 7:7

Dehn waaship no wot notn ataal, bikaaz dehn mek fi dem uon ruul, ahn tiich dem laik dah God ruul.’

Luke 8:18

“Tek kier how unu lisn: di man weh hier ahn biliiv dis mesij, ihn gwain andastan muo, bot di man weh hier ahn no biliiv, dongtu di likl weh ihn tink ihn gat, God gwain tek weh fahn im.”

1 Corinthians 15:15

Ahn iivn muo an dat, ih wuda miin seh wi deh lai bout God, bikaaz wi wehn seh God don mek Christ riez'op bak fahn di ded, wen ihn neva riez im fi chruut —if di ded no gwain riez'op agen. Ahn dat no mek non sens ataal, bredrin;

1 Corinthians 15:2

Ahn dah sieka dat siem mesij, unu deh get siev, if unu huol aan tu it gud —onles unu wehn biliiv fi notn!

1 Corinthians 3:18

No mek non a unu fuul'op unuself! If eny a unu tink seh unu waiz akaadn tu di pipl dem iina disya worl, beta unu ton laik wan fuul ahn put-weh unu uon wizdom, so dat unu kyan ton wan waiz man iina God wizdom.

Galatians 2:6

So, Ah taak tu di pipl dem weh unu kaal unu liida. Bot demde pipl no miin notn tu mii wan wie or di ada how unu deh kaal dem, bikaaz God no kansida nonbady beta an di neks wan. Wel, tu di lang ron, dehn neva gat wan ada ting fi ad aan tu weh Ai wende priich!

Galatians 2:9

Iivn James, Peter, ahn John, huu dah wehn di muos impuotant chorch liida dem, wehn kom fi riiyalaiz seh God wehn bles di work weh Ah wende du. So dehn shiek han wid mi ahn Barnabas, fi shuo seh aala wi dah wehn paadna. Ahn dehn wehn grii seh mii ahn Barnabas wehn fi go priich tu di Gentile pipl dem, ahn dem wuda go tu dem weh dah Jew.

Galatians 3:4

So, aal demya tingz weh unu don ekspiriens, no miin notn tu unu now? Bredrin, dehn mosy miin somting tu unu!

Galatians 6:3

Bikaaz, if enybady tink seh ihn tuu impuotant fi lisn, ihn ongl deh fuul'op ihn uonself, ahn ihn don ton wan nonbady.

Ephesians 4:29

Ahn unu no fi seh notn hietful niida, weh no gwain du nonbady non gud. Insida dat, unu fi seh di wod dem weh gwain help ada pipl, so dat weh unu seh gwain kom fi bil dem op akaadn tu weh dehn niid fi hier. Iina dah wie, unu gwain bii wan blesin tu di pipl dem weh deh hier unu!

Ephesians 5:4

Ahn ih no rait fi unu taak bad tingz niida, nar kos bad wod, nar tel doty juoks. Insida dat, unu shuda aalwiez gi God tanks fi weh ihn du fi unu!

Colossians 4:6

Wen unu deh taak wid dem, taak tu dem iina wan nais ahn intrestin wie weh gwain mek dem waahn hier muo. Ahn den unu gwain kom fi nuo how fi gi di rait ansa tu evrybady.

James 1:19

Ahn memba dis tu, bredrin: iich wan a unu shuda hory fi lisn. Bot tek unu taim bifuor unu taak, ahn no hory fi get beks niida.

James 1:22

Main, unu no fuul'op unuself, ahn jos lisn tu God Wod. Unu hafy du weh ih seh unu fi du tu!

James 2:20

Unu fuul-fuul man! Unu waahn mek Ai shuo unu seh fiet bitout akshan no gud fi notn? Ai gwain du'ih:

1 Peter 3:10

Bikaaz ih rait dong iina di Skriptyo seh: “If unu waahn mek unu laif hapy, ahn liv wan gud laif, unu no fi taak bad tingz, ahn unu no fi tel non lai niida.