James 1:25 - The New Testament in Islander Creole

²⁵ So den, unu fi kiip deh stody di porfek Laa a God, dah Laa weh gi unu friidom. If unu hier'ih ahn kiip deh memba it, ahn den du weh ih seh, God gwain bles unu iina aal weh unu du.

James 1:25 Iomraidhean Croise

Luke 11:28

Bot Jesus ansa ahn seh, “Bot beta fi dem weh hapy deh hier God Wod, ahn obie ih!”

John 13:17

So, blesin gwain kom tu unu if unu nuo demya tingz ahn du dem.

John 8:36

So den, if God Son mek unu get frii fahn sin, den unu gwain frii, fi chruut.

Acts 13:43

Ahn afta muos a di pipl dem gaan, wan paila Jew ahn som Gentile pipl weh ton Jew tu, fala afta Paul ahn Barnabas. Ahn di apasl dem taak tu dem ahn inkorij dem fi kiip deh chros iina how God waahn luk afta dem gud.

Acts 2:42

Ahn dehn kantinyo fi laan fahn di apasl dem. Dehn spen taim tugeda deh iit, deh taak, ahn deh prie.

Acts 26:22

Bot God protek mi. Das wai Ah deh yah tudeh fi tel evrybady demya tingz, fahn di smaalis tu di bigis. Evryting, weh yu si Ah deh tiich yah, dah weh di prafit ahn Moses dehn seh wehn gwain hapm:

Romans 11:22

So, demya tingz mek wi si seh God gud, bot ihn kyan bii haad pahn unu tu. God haad pahn demde pipl weh yuuztu biliiv fos taim, ahn aftawod stap chros iina him! Bot ihn gud tu unu, if unu kiip aan deh chros iina ihn morsy. Bot, if unu stap chros iina him, God gwain kot unu aaf tu!

Romans 2:13

Jos bikaaz som pipl get fi hier weh di Laa seh, dat no mek dem rait wid God. Bot dem weh du weh di Laa seh, dah dem weh stan rait iina God sait.

Romans 7:12

So den, bredrin, laik Ah wehn seh: di Laa kom fahn God ahn ih huoly, ih rait, ahn ih gud!

Romans 8:15

bikaaz di Spirit weh God gi unu no gwain mek unu fried, laik how di sorvant fried fi dehn maasta. Insida dat, God gi unu di Spirit weh mek unu fi bii God pikniny, ahn dah Spirit gi unu di powa fi hala out tu God ahn seh, “Aba, Pupa Maasa!”

Romans 8:2

bikaaz di Holy Spirit weh gi wi nyuu laif weh kom fahn Christ Jesus, don set wi frii fahn sin ahn det weh dah paat a di Laa.

1 Corinthians 15:58

So den, unu weh dah mi fren dem weh Ah lov, unu fi stan op strang! No mek notn muuv unu. Ahn unu fi kiip aan deh du di Laad work wid evryting weh unu gat. Bikaaz, unu don nuo seh evryting weh unu du fi di Laad, no gwain bii fi notn!

2 Corinthians 13:5

So den, unu fi chek unu haat gud ahn si if unu deh liv iina fiet fi chruut. Tes out unuself ahn si if Christ Jesus riily deh liv iina unu. If unu no deh liv iina fiet, den unu fiel di tes!

Galatians 2:4

Bot lietaraan dehn wehn gat som neks man, weh wende priten fi bii Kristyan ahn weh wehn sniik iina fi wi gruup, so dehn kuda spai pahn wi, fi si weh kain a friinis wii gat sieka wi biliiv iina Jesus Christ. Dehn wehn waahn wi stie sliev tu aala demya ruul ahn regyulieshan fahn di Jewish Laa tu.

Galatians 5:1

Wii gat dis friinis, bikaaz Jesus Christ set wi frii. So den, tek unu stan iina dis friinis, ahn no mek nonbady mek unu go bak fi ton sliev tu eny ruul ahn regyulieshan agen.

Galatians 6:2

Unu fi help wan anada iina aal di trobl dem weh kom wi wie. Wen unu du dat, unu gwain deh obie di komaanment weh Christ gi wi.

Colossians 1:23

Bot unu hafy kiip aan deh chros ahn stie strang iina unu fiet, ahn unu no fi mek nonbady mek unu get fried iina di huop weh unu wehn get wen unu wehn fos hier di Gud Nyuuz. Dis dah di Gud Nyuuz weh wehn priich tu evrybady iina di worl. Ahn mii, Paul, deh work fi priich dat Gud Nyuuz tu!

1 Timothy 2:15

Bot God gwain siev di uman dem wen dehn pikniny deh baan, if dehn kiip aan deh chros iina Jesus Christ, lov di pipl dem, stie huoly, ahn if dehn deh liv wan diisent laif.

1 Timothy 4:16

Pie main, mi son, tu how yo deh liv ahn wat yo deh tiich di pipl dem. Mek shuor seh yo tiichin no chienj ataal. Yu no fi stap du demya kain a tingz nontaim, bikaaz if yu kiip aan deh du dem, yu gwain siev demya pipl weh deh lisn tu yu ahn yoself tu!

Hebrews 12:15

Mek shuor seh non a unu no ton unu bak pahn God gries. Ahn no mek non a unu get bita niida, laik wan paizn plaant weh tek ruut ahn spred ih paizn tu plenty pipl.

James 2:12

Bredrin, unu fi taak ahn ak laik pipl weh nuo demya kain a pipl gwain get joj bai di wie dehn triit wan anada. Dat dah di Laa weh set wi frii.

1 Peter 2:16

Unu dah no sliev; unu frii! Bot, no bikaaz unu frii, unu gwain yuuz dat laik wan ekskyuus fi go du rang. Unu frii fi liv laik wan sliev weh dah fi God!

1 John 2:24

So den, mek shuor seh, weh unu wehn hier fahn di biginin, aalwiez liv iina unu. If unu mek weh unu hier fahn di biginin aalwiez stie iina unu haat, den unu gwain aalwiez bii wan wid di Son ahn wid di Faada tu.

Revelation 14:13

Den, Ah hier wan vais fahn hevn seh, “Rait dong weh Ah deh tel yu now. Fahn yah go bak, God gwain bles aal demde pipl weh ded ahn weh wehn fala di Laad!” Ahn di Spirit ansa seh, “Dat dah chruut. Dehn gwain res now fahn dehn haad work. Dehn gwain get wan pie fi aal di gud tingz weh dehn du.”

Revelation 22:14

So den, God gwain bles aala demde pipl weh wehn wash dehn kluoz iina di blod fahn di Lam fi mek dehn kliin, bikaaz dehn gwain get di rait fi go chruu di giet dem iina di sity. Ahn dehn gwain gat di rait fi iit fahn di trii weh deh gi laif.