James 1:22 - The New Testament in Islander Creole

²² Main, unu no fuul'op unuself, ahn jos lisn tu God Wod. Unu hafy du weh ih seh unu fi du tu!

James 1:22 Iomraidhean Croise

Matthew 12:50

Bikaaz enybady weh du weh mi Faada iina hevn seh ihn fi du, dah mi breda, mi sista ahn mi muma.”

Matthew 28:20

ahn tiich dem how fi obie aal di tingz weh Ah wehn komaan unu. Memba dis: Ai gwain aalwiez deh wid unu dongtu di en a di worl!”

Luke 11:28

Bot Jesus ansa ahn seh, “Bot beta fi dem weh hapy deh hier God Wod, ahn obie ih!”

John 13:17

So, blesin gwain kom tu unu if unu nuo demya tingz ahn du dem.

Romans 2:13

Jos bikaaz som pipl get fi hier weh di Laa seh, dat no mek dem rait wid God. Bot dem weh du weh di Laa seh, dah dem weh stan rait iina God sait.

1 Corinthians 15:33

No mek nonbady fuul unu op. “Bad kompany gwain spail gud karakta.”

1 Corinthians 3:18

No mek non a unu fuul'op unuself! If eny a unu tink seh unu waiz akaadn tu di pipl dem iina disya worl, beta unu ton laik wan fuul ahn put-weh unu uon wizdom, so dat unu kyan ton wan waiz man iina God wizdom.

1 Corinthians 6:9

Tel mi now: Unu no nuo seh aal di wikid pipl dem no gwain gat non paat iina God Kingdom? No fuul'op unuself! Aala demde kain a pipl weh waaship di aidal dem, ahn demde kain a pipl weh sliip roun ahn weh gat ada uman wid dehn waif, or ada man wid dehn hozban; ahn demde kain a man weh sliip wid nada man;

Galatians 6:3

Bikaaz, if enybady tink seh ihn tuu impuotant fi lisn, ihn ongl deh fuul'op ihn uonself, ahn ihn don ton wan nonbady.

Galatians 6:7

Bot, no mek nonbady fuul unu op niida: Memba seh: nonbady kyaahn tek God ahn mek papishuo. Bikaaz, enyting weh wan man plaant, lietaraan ihn gwain pik aala ih!

Philippians 4:8

Ahn now bredrin, demya dah di laas ting dem weh Ah gwain seh tu unu: Enyting weh aanes ahn chruu, enyting weh gud, enyting weh rait, enyting weh kliin, enyting weh lovly, enyting weh gud fi unu admaya ahn demde tingz weh riily gud nof fi unu priez God fah —dem dah di kain a ting dem weh unu fi aalwiez deh tink bout.

Colossians 3:17

So den, bredrin, iina evryting weh unu du or seh, unu fi du'ih iina di niem a di Laad Jesus, wail unu gi tanks tu God di Faada chruu him!

2 Timothy 3:13

Dehn gwain gat muo wikid pipl, ahn muo pipl weh tel lai tu; so, ih gwain get wosa ahn wosa. Dehn gwain fuul'op plenty pipl ahn siem taim dehn gwain fuul'op demself tu.

Titus 3:3

Bikaaz wii yuuztu bii fuulish tu. Wi neva yuuztu obie God, ahn wi neva pie im non main. Wi dah wehn sliev tu evryting weh wi gat di fiilin fi du ahn weh mek wi fiil gud. Wi liv wi laif deh huol malis gens pipl, ahn deh groj weh dehn wehn gat. So, di pipl dem wehn hiet wi, ahn wii wehn hiet dem bak!

James 1:26

Bot if unu biliiv seh unu dah gud chorch pipl, ahn stil yet unu kyaahn huol unu tong, unu ongl deh fuul'op unuself, ahn unu rilijan no gud fi notn ataal!

James 4:11

Lisn, bredrin, unu no fi kritisaiz wan anada niida. Bikaaz, wen unu kritisaiz wan anada, or joj wan anada, unu deh kritisaiz di Laa a God ahn unu deh joj'ih tu. Ahn, if unu deh joj di Laa, den unu no gwain bii laik wan weh deh kiip'ih, bot unu deh mek unuself di joj a ih!

James 4:17

So den, enybady weh nuo di rait ting fi du ahn den ihn no du'ih, him deh sin gens ihn uon suol.

2 Peter 2:13

Sieka weh dehn wehn mek di pipl dem sofa, demya fals tiicha gwain sofa ahn get pie bak fi weh dehn du. Iivn iina di die taim dehn laik fi gat wail paaty, ahn du evryting dehn fiil laik wid dehn bady! Ahn dehn dah wan shiem ahn disgries, wen dehn kom tugeda wid unu fi iit. Dah dat taim dehn get hapy, bikaaz a di wie dehn deh fuul unu op!

1 John 1:8

If wi seh wi no gat non sin, wi ongl deh fuul'op wiself, ahn wi no gat di chruut iina wi haat.

1 John 2:3

Now di wie weh wi kyan shuor seh wi nuo im, dah if wi obie di komaanment dem weh ihn wehn gi wi.

1 John 3:7

Unu, weh dah mai likl pikniny dem, no mek nonbady fuul unu op. Evrybady weh du weh rait, dehn raichos iina God sait, siem laik how Jesus raichos.

3 John 1:11

So, mi gud fren, yuu no fi fala di bad tingz —ongl fala di tingz dem weh gud. Memba seh: enybady weh du gud, dah fi God. Bot enybady weh du bad, neva si God yet!

Revelation 12:9

So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.

Revelation 22:7

Ihn seh, “Lisn tu mi! Ai suun kom, ahn Ah gwain bles di pipl dem fi chruut weh du di tingz dem weh don rait dong iina disya buk weh gwain hapm!”