James 1:21 - The New Testament in Islander Creole

²¹ So unu shuda get rid ah aala di dotinis ahn wikidnis weh so kaman mongs unu. Ahn iina wan ombl wie, unu fi aksep di Wod weh God wehn plaant iina unu —dat siem Wod weh kyan siev unu suol.

James 1:21 Iomraidhean Croise

Matthew 5:5

Dem weh ombl now, bles; bikaaz di ort gwain bii fi dem.

John 6:63

Dah God Spirit weh gi riil laif; di bady no wot notn ataal. Di wod dem weh kom outa mi mout dah fahn God Spirit, so demde gat riil laif!

John 6:68

Simon Peter ansa ahn seh, “Laad, dah huu els wi gwain tu? Dah yuu weh gat di wod dem weh gi riil laif weh no gwain don nontaim ataal.

Acts 10:33

So Ah mikies sen fi yo, ahn yu so kain fi kom. Now aala wi deh rait yah iina God sait fi hier weh God gi'yo fi tel wi.”

Acts 13:26

“Mi fela Israelite weh kom fahn Abraham famaly ahn aala unu Gentile pipl weh ana God tu: Dah tu wii dehn sen dis mesij a salvieshan!

Romans 1:16

Az fi mii, Ai no shiem a di Gud Nyuuz ataal, bikaaz dis Gud Nyuuz dah God powaful wie fi siev evrybady weh chros iina Jesus Christ —fos dehn pipl weh dah Jew; ahn den, demde pipl weh dah no Jew tu. Aala dem gwain get siev if dehn chros iina him!

Romans 11:17

Now, unu pipl weh dah no Jew dah laik di lim dem fi wan wail aliv trii, weh dehn kot aaf ahn jain'op iina wan nada trii weh wehn don plaant aredy. Unu tek di plies a som a demde lim weh wehn get kot aaf fahn di trii. Ahn sieka dis, unu deh injai di laif weh kom, wen unu dah paat a di gud trii weh wehn don get plaant aredy.

Romans 6:17

So, mek aala wi gi tanks tu God, bikaaz iivn duo unu yuuztu bii sliev tu sin, now unu don set unu haat fi du aala dehn gud tingz weh wehn tiich unu bout God.

1 Corinthians 15:2

Ahn dah sieka dat siem mesij, unu deh get siev, if unu huol aan tu it gud —onles unu wehn biliiv fi notn!

2 Corinthians 7:1

Mi dier fren dem, sins God mek aala demya pramis tu wi, mek wi kiip faar fahn enyting weh gwain mek wi bady ahn wi spirit doty wid sin. Mek wi du wi bes fi liv wan huoly laif iina evrywie so dat wi kyan shuo rispek tu him!

Ephesians 1:13

Ahn unu wehn kom fi bii God pipl tu, wen unu hier disa chruu mesij. Dat dah di Gud Nyuuz weh gi unu salvieshan. Unu wehn chros iina Christ, ahn den God put ihn stamp pahn unu fi shuo seh ihn uon unu. Ahn dah stamp dah di Holy Spirit, weh ihn wehn pramis unu.

Ephesians 4:22

So den, unu fi gi'op unu uol wie a livin weh wehn mek unu du dehn bad tingz weh unu yuuztu du. Dah wie a livin wuda distrai unu, bikaaz ih wuda mek unu waahn du wan paila shiemin tingz chruu di faalsnis iina unu haat.

Ephesians 4:25

So den, bredrin, evry wan a unu fi stap tel lai! Unu fi tel di chruut tu wan anada —az breda ahn sista iina Christ— bikaaz aala wi tugeda dah fi Christ! Aala wii dah wan bady iina him!

Ephesians 5:4

Ahn ih no rait fi unu taak bad tingz niida, nar kos bad wod, nar tel doty juoks. Insida dat, unu shuda aalwiez gi God tanks fi weh ihn du fi unu!

1 Thessalonians 1:5

Bikaaz, wen wi wehn bring di Gud Nyuuz bout Jesus Christ tu unu, dah neva wid jos suoso wodz dem, bot dah wehn wid powa, bikaaz di Holy Spirit mek unu andastan dat —bitout non dout— weh wi seh dah chruut! Ahn unu nuo tu seh di laif weh wi wehn liv wen wi wende mongs unu, dah wehn fi unu uon gud.

1 Thessalonians 2:13

Ahn no ongl dat, bot wi aalwiez tank God seh unu biliiv di mesij weh wi wehn priich tu unu. Unu wehn tek'ih laik dat dah wehn God mesij —ahn dah mesij wehn kom fahn God ihnself fi chruut! Dah neva notn weh wi wehn mek'op outa wi hed —ahn now dis siem mesij deh work iina unu laif tudeh stil yet!

Titus 2:11

Bikaaz now a diez God don shuo ihn gries tu aal di pipl dem iina disya worl so dehn kyan get siev!

Hebrews 12:1

Ahn now, bredrin, bikaaz wi gat dis big kroud a pipl dem weh don shuo wi how fi get fiet iina God ahn now deh wiknis how gud wii deh du, mek wi get rid a evryting weh kyan kiip wi bak, speshaly demde sin weh no gwain mek wi go gud. Insida dat, mek wi ron haad wi ries weh deh hed a wi.

Hebrews 2:3

So tel mi, dah how wi gwain get-weh, if wi no pie no main tu soch a wandaful salvieshan? Dah di Laad Jesus ihnself dah wehn di fos wan weh tel pipl bout'ih; ahn demde pipl weh hier im, shuo wi seh ih dah wehn chruu.

Hebrews 4:2

Bikaaz, wi wehn hier di Gud Nyuuz aredy bout di plies a res weh God wehn get redy fi wi, jos laik how demde pipl weh wehn kom outa Egypt wehn hier bout'ih. Bot ih neva du dem no gud ataal, bikaaz dehn neva chros iina weh God wehn tel dem.

James 4:8

Kom nier tu God, ahn ihn gwain kom nier tu unu tu. Unu sinaz, wash unu han dem! Ahn unu hipokrit, unu fi kliin unu doty haat tu!

James 5:20

unu fi nuo dis chruut: Enybady weh ton wan sina fahn ihn rang wiez, ihn gwain siev dah sina suol fahn det, ahn dat gwain mek ihn get fargivnis fi wan huol paila sin dem. Amen!

1 Peter 1:22

Now, az breda ahn sista iina Christ, unu kyan gat chruu lov fi wan anada, bikaaz unu obie di Gud Nyuuz weh dah di chruut, ahn so now unu kliin fahn sin. So den, si tu it dat unu riily lov wan anada wid aala unu haat.

1 Peter 1:9

Ahn disa jai fi nuo muo ahn muo, bikaaz di pie fi weh unu put unu fiet iina im, dah di salvieshan a unu suol!

1 Peter 2:1

So bredrin, unu fi stap deh du di tingz dem weh hot ada pipl, ahn deh trai fuul dem op. Unu no fi bii wan hipokrit, nar jalas afta nonbady, nar taak bad bout dem niida!

1 Peter 2:11

Mi dier fren dem, unu dah no fi disya worl; unu dah farina ahn strienja. So, Ah deh waan unu: unu no fi giv iin tu dehn sinful fiilin weh deh fait gens unu uon suol!