James 1:19 - The New Testament in Islander Creole

¹⁹ Ahn memba dis tu, bredrin: iich wan a unu shuda hory fi lisn. Bot tek unu taim bifuor unu taak, ahn no hory fi get beks niida.

James 1:19 Iomraidhean Croise

Matthew 5:22

Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Mark 12:37

“So, if David kaal di Mesaya ihn Laad, how ihn gwain bii David disendans tu?” Ahn di big kroud hier Jesus ahn get glad.

Mark 2:2

Ahn ih hapm seh di hous staat ful'op wid wan huol paila pipl. Ih wehn so ful til evrybady kudn huol, nat iivn bai di duo. Ahn den Jesus staat taak wid dem ahn tel dem di gud nyuuz.

Luke 15:1

Now wan paila taks kalekta, ahn sina staat draa nier fi hier weh Jesus wehn gat fi seh.

Luke 19:48

Bot dehn kudn fain no wie fi du'ih, bikaaz aala di pipl dem wehn hier evryting weh ihn wende seh.

Acts 1:15

Fyuu diez lieta dehn wehn gat wan miitn wid aal di biliiva dem —bout wan hundred ahn twenty a dem iina aal. Ahn Peter get'op fi taak.

Acts 10:33

So Ah mikies sen fi yo, ahn yu so kain fi kom. Now aala wi deh rait yah iina God sait fi hier weh God gi'yo fi tel wi.”

Acts 13:48

Wen di pipl dem weh dah neva Jew hier dis, dehn wehn uova glad ahn dehn priez God fi ihn Wod. Ahn aala dem, weh God wehn pik out fi iitornal laif, biliiv.

Acts 17:11

Now dah Berea di pipl dem wehn muo wilin fi lisn, no laik di wan dem dah Thessalonica. Dehn wehn iiga fi hier di mesij, ahn evry die dehn stody di Skriptyo fi si if weh Paul seh dah chruut.

Acts 2:42

Ahn dehn kantinyo fi laan fahn di apasl dem. Dehn spen taim tugeda deh iit, deh taak, ahn deh prie.

Ephesians 4:26

So, if unu beks so bad til unu deh si red, unu no fi mek dat mek unu sin muo wosa; bot siem taim mek'ih rait agen wid yo breda. Ahn no mek di son go dong wen unu stil yet beks wid im niida!

Ephesians 4:31

So, unu no fi gat non kain a bitanis iina unu haat, ahn no fi get so beks til unu get outa kanchruol! Unu no fi baal out pan wan anada, nar insolt'op wan anada, nar shuo non kain a hietful fiilin dem tu wan anada niida.

Colossians 3:15

Memba seh: iich wan a unu dah paat a wan bady. So den, mek dah siem piis weh Jesus Christ gi unu, kanchruol how unu tink, so unu wi liv iina piis wid wan anada evry die. Den, unu gwain aalwiez tank God.

Colossians 3:8

bot now unu fi put demde kain a tingz bihain unu ahn stap deh du dehn tingz —laik get beks iizy, ahn hiet'op wan anada, ahn insolt wan anada, ahn kos bad wod.

1 Thessalonians 2:13

Ahn no ongl dat, bot wi aalwiez tank God seh unu biliiv di mesij weh wi wehn priich tu unu. Unu wehn tek'ih laik dat dah wehn God mesij —ahn dah mesij wehn kom fahn God ihnself fi chruut! Dah neva notn weh wi wehn mek'op outa wi hed —ahn now dis siem mesij deh work iina unu laif tudeh stil yet!

James 1:16

So, bredrin, unu weh Ah lov so moch, unu main ahn no mek nonbady fuul unu op!

James 1:2

Bredrin, unu fi fiil glad enytaim unu ron iina eny kain a troblz ahn haad taim,

James 1:26

Bot if unu biliiv seh unu dah gud chorch pipl, ahn stil yet unu kyaahn huol unu tong, unu ongl deh fuul'op unuself, ahn unu rilijan no gud fi notn ataal!

James 2:1

Bredrin, laik how unu deh fala fi wii Laad Jesus Christ —di Laad a Gluory— unu no fi triit som pipl beta an ada pipl.

James 2:5

Hier dis, bredrin: God don pik demde pipl weh ada pipl luk pan az puor, fi bii rich iina fiet! Ahn ihn wehn pramis demde pipl weh lov im, wan plies iina fi him Kingdom.

James 3:10

Imajin bredrin! Priez ahn kosn deh kom outa di siem mout. Dis no rait, yu nuo.

James 4:11

Lisn, bredrin, unu no fi kritisaiz wan anada niida. Bikaaz, wen unu kritisaiz wan anada, or joj wan anada, unu deh kritisaiz di Laa a God ahn unu deh joj'ih tu. Ahn, if unu deh joj di Laa, den unu no gwain bii laik wan weh deh kiip'ih, bot unu deh mek unuself di joj a ih!

James 5:12

Ahn muo an eva, bredrin, unu no fi swie, nat bai hevn nar bai ort, nar bai notn ataal! Aal unu hafy seh dah wan plien, “Yees sah,” or “Nuo sah” —or els God gwain joj unu.

James 5:19

So, bredrin, di laas ting Ah gwain seh dah, if wan a unu strie fahn di chruut ahn wan nada wan a unu bring im bak,

1 John 2:21

So den, Ah no deh rait tu unu bikaaz unu no nuo di chruut, bot bikaaz unu don nuo ih aredy. Ahn unu nuo seh non lai no kom outa di chruut!