James 1:18 - The New Testament in Islander Creole

¹⁸ Dah wehn God ihnself baan wi chruu ihn Wod weh dah chruut, so wi kuda get di fos plies mongs aala ihn kricha dem!

James 1:18 Iomraidhean Croise

John 1:13

Dehn neva ton God pikniny chruu di naamal wie how bieby baan laik how man du'ih, bot dah wehn God ihnself gi dem wan nyuu kain a laif.

Romans 4:17

Dah jos laik weh di Skriptyo seh bout Abraham: “Ah gwain mek yu bii di pupa a plenty nieshan.” So den, iina God sait Abraham dah fi wi pupa, ahn di Aalmaity dah di wan weh Abraham wehn chros iina —di siem Wan weh mek pipl weh don ded kom bak tu laif agen, ahn di Wan weh jos seh di wod ahn demya tingz weh neva deh iina di worl aalava sodn dehn dedeh tu!

1 Corinthians 4:15

Iivn if unu gat ten thousand pipl fi tiich unu bout Christ Jesus, Ai dah jos laik wan pupa tu unu, bikaaz dah mii wehn tiich unu di Gud Nyuuz bout di Laad fos.

2 Corinthians 6:7

Wi wehn fietful fi priich di chruut, ahn God powa wende work iina wi. Wen wi liv rait wid God, dat dah laik wi wepan weh wi wehn yuuz fi atak ahn fi difen wiself.

Ephesians 1:12

So den, mek aala wi, weh dah wehn di fos pipl dem fi gat huop iina Christ, priez di gluory a God porfek plan!

Ephesians 1:13

Ahn unu wehn kom fi bii God pipl tu, wen unu hier disa chruu mesij. Dat dah di Gud Nyuuz weh gi unu salvieshan. Unu wehn chros iina Christ, ahn den God put ihn stamp pahn unu fi shuo seh ihn uon unu. Ahn dah stamp dah di Holy Spirit, weh ihn wehn pramis unu.

2 Timothy 2:15

Ahn du aal weh yu kyan fi mek God satisfai wid yu, laik wan workman weh no gat notn fi bii shiem fah; ahn weh tiich di pipl dem di chruu Wod a God iina di rait wie, jos laik yu shuda tiich'ih.

James 1:15

Ahn wen bad tinkin kom iina wi main, ih mek wi sin; ahn wen sin tek huol a wi, ih distrai wi!

James 1:21

So unu shuda get rid ah aala di dotinis ahn wikidnis weh so kaman mongs unu. Ahn iina wan ombl wie, unu fi aksep di Wod weh God wehn plaant iina unu —dat siem Wod weh kyan siev unu suol.

James 3:14

Bot iina unu haat, if unu grojful ahn gat red ai, ahn ongl kansaan bout unuself, den unu no fi buos bout aal weh unu nuo. Dat dah no di rait wie niida.

1 Peter 1:23

Unu baan agen chruu God Wod weh alaiv ahn gwain laas fareva. Unu no baan agen fahn wan muma ahn pupa fahn dis ort, bikaaz di laif weh dehn gi'yo gwain en'op iina det. Bot disya nyuu laif gwain laas fareva, bikaaz ih kom fahn God Wod, weh alaiv ahn gwain laas fareva.

1 Peter 1:3

Bredrin, mek wi gi tanks tu God, di Faada a wi Laad Jesus Christ, bikaaz dah fi him griet morsy dah wai ihn mek wi kyan baan agen. Ahn siem taim ihn gi wi wan huop weh alaiv, sieka weh Jesus Christ riez'op bak fahn di ded!

1 John 3:9

Bot, aala di pipl weh dah God pikniny dem no gwain kantinyo deh sin, bikaaz God laif deh iina dem. Dehn kyaahn kiip aan deh sin, bikaaz dehn dah God pikniny.

Revelation 14:4

Demya dah wehn di man dem weh neva sliip wid non uman yet, bikaaz dehn wehn waahn stie pyuor —so dehn dah wehn vorjin. Dehn fala di Lam enywie weh ihn go, ahn dehn dah wehn di fos wan dem weh get pik out fahn mongs di pipl dem pahn di ort ahn dehn dah wehn wan speshal aafrin tu di Lam ahn tu God.