James 1:17 - The New Testament in Islander Creole

¹⁷ Memba: evry gud ahn porfek gif kom fahn op iina hevn, fahn fi wi Faada weh mek aal di lait weh deh. Ahn him neva chienj nontaim, laik wan shaduo deh chienj.

James 1:17 Iomraidhean Croise

Matthew 7:11

No kya how yo bad, yo nuo seh yo wi gi gud tingz tu yo pikniny dem. So, ho moch muo unu Faada iina hevn gwain gi gud tingz tu dem weh aks im!

Luke 11:13

No kya how yo bad, yo nuo seh yo wi gi gud tingz tu yo pikniny dem. So ho moch muo unu Faada iina hevn gwain gi di Holy Spirit tu dem weh aks im?”

John 1:9

Yu si, di Wan weh dah wehn di chruu Lait wende kom iina di worl, ahn ihn wehn gwain shain pahn evrybady.

John 3:27

John tel dem, “Nonbady kyaahn get notn eksep weh God gi dem.

John 3:3

Jesus ansa ahn seh, “Hier dis chruut weh Ah deh tel yo: nonbady kyaahn bii wan paat a God Kingdom eksep dehn baan agen.”

John 8:12

Jesus staat taak tu dem agen ahn seh, “Mii dah di Lait fi di Worl. Enybady weh fala weh Ah seh gwain gat di lait weh gi riil laif, ahn dehn gwain neva deh iina di daaknis.”

Acts 11:18

Now, wen dem weh huol haad tu Moses Laa hier dis, dehn neva gat notn muo fi seh, ahn dehn priez God deh seh, “Den, God mek di Gentile pipl dem gat di siem chaans laik wi Jew fi ton fahn dehn sin dem ahn liv fareva, no chruut?”

Acts 5:31

God wehn ana im plenty, wen ihn mek im sidong pahn ihn rait han said fi bii Prins ahn Sievya, so ihn kuda gi wi Israel pipl di chaans fi chienj wi wikid wiez so ihn kuda fargiv wi sin dem.

Romans 6:23

Bikaaz di pie weh sin gi wi dah det, bot di gif weh God deh gi wi dah laif weh gwain laas fareva —ahn ih frii! Dat dah di laif weh wi get wen wi kom fi bii wan wid fi wi Laad Jesus Christ.

1 Corinthians 4:7

Lisn pipl! Dah huu mek unu beta an ada pipl? Dah God uonself weh gi unu evryting weh unu gat. So den, if dat dah chruut, wai unu deh buos ahn mek'ih luk laik God no gi unu notn ataal?

2 Corinthians 4:6

Bikaaz, God dah di Wan weh seh, “Mek lait shain fahn outa di daaknis!” Ahn dah him weh mek fi him lait shain iina wi haat. Ahn dah lait weh deh shain fahn Christ fies, mek wi nuo God gluory ihself!

Ephesians 1:18

Ah aks im fi mek unu main uopm fi si ihn lait, so dat unu wuda nuo wat dah di huop weh ihn wehn kaal unu fah. Ahn fi mek unu nuo how rich unu rich, bikaaz a di wandaful blesin dem weh ihn pramis fi aala ihn pipl dem.

Ephesians 2:8

So, wen God siev unu, dah bikaaz dah fi him gries chruu di fiet weh ihn gi unu fi chros iina im. Dis no gat notn fi du wid unu ahn weh unu kuda du; ih dah wan gif fahn God aluon!

Philippians 1:29

So now unu gat di privilij no ongl fi chros iina Christ, bot fi sofa far im tu.

1 Timothy 6:16

Ahn God dah di ongli'is wan weh gwain neva ded. Him liv iina di lait weh nonbady kyan iivn get nier tu. Nonbady wehn eva si'im iina di paas, ahn nonbady kyaahn si'im now. So, mek wi gi'im aal di ana, bikaaz dah him weh gat di powa fi ruul fareva ahn eva. Amen!

Hebrews 13:8

Memba seh: Jesus Christ neva chienj. Ihn dah di siem yestideh, tudeh, ahn fareva!

James 1:5

So, if eny a unu no gat di andastandin weh God gi, unu fi aks him fi gi'ih tu unu; ahn ihn gwain gi unu nof. Ahn di Laad no gwain get beks wid unu niida!

James 3:15

Dat kain a “wizdom” no kom fahn God iina hevn! Ih kom fahn dong yah iina di worl, fahn unu uon sinful nietyo ahn fahn di devl ihnself!

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

1 John 1:5

Dis dah di mesij weh wi wehn hier fahn ihn Son, ahn weh wi wehn priich tu unu seh, God dah lait, ahn non daaknis no deh iina him ataal.

1 John 4:10

Dis dah weh dah riil lov: dah no seh, wii wehn lov God bot dah seh, him wehn lov wii, ahn ihn sen ihn Son fi bii wan sakrifais, so ihn kuda paadn wi sin dem!

Revelation 21:23

Di sity no niid non son fi shain deh niida ahn ih no niid non muun, bikaaz di gluory lait weh kom out fahn God ahn di Lam ihnself dah di lait fi di huol sity!

Revelation 22:5

Dehn no gwain gat no muo nait deh agen, ahn di pipl dem no gwain niid non lamp niida. Dehn no gwain niid non lait fahn di son, bikaaz di Laad God gwain bii dehn lait. Ahn di pipl dehn gwain ruul laik king fareva ahn eva!