James 1:10 - The New Testament in Islander Creole

¹⁰ Ahn di rich breda shuda glad tu, bikaaz God bring im dong fi si ihn niid. Siem laik di wail flowaz dem, him gwain ded som die tu.

James 1:10 Iomraidhean Croise

Matthew 5:3

“Dem weh puor iina spirit, bles; bikaaz di Kingdom a Hevn dah fi dem!

Matthew 6:30

If dat dah how God dres op di graas weh deh iina di fiil, weh deh yahso tudeh, ahn weh dehn chruo iina di faiya tumaara, unu no tink seh ihn no gwain mek shuor seh unu dres op plenty beta? Wai unu gat so likl fiet, man?

1 Corinthians 7:31

Ahn demde pipl weh gat bizniz wid aal di tingz iina dis worl, dehn shuda no spen aal dehn taim pahn demde tingz. Bikaaz dis worl, laik how wi nuo ih now, gwain suun disapier!

Philippians 3:8

Ahn, wen Ah tink bout how ih so gud fi nuo Christ Jesus az mi Laad, Ah luk pahn evryting els laik dehn dah no notn. Sieka Christ, Ah don weh wid evryting els, ahn Ah luk pahn aala demde tingz laik robij so Ah kyan gat him aluon!

1 Timothy 6:17

Now, Timothy, demya pipl weh rich ahn gat plenty tingz iina disya worl, yu fi tel dem seh dehn no fi bii proud, nar chros iina dehn paila fansy tingz weh dehn gat. Bikaaz nonbady no nuo fi chruut how lang demde tingz gwain laas. Insida dat, dehn fi chros iina God. Dah him dah di Wan weh gi wi evryting wi niid —iivn muo an nof fi mek wi hapy.

James 4:14

Bot unu no iivn nuo weh gwain hapm tumaara! Unu laif dah laik wan likl bit a stiim weh unu si fi wan likl wail, ahn den ih disapier!

1 Peter 1:24

Dah jos laik weh di Skriptyo seh: “Hyuuman bi'in dah jos laik graas, weh iizy fi ded. Dehn pritinis fied-weh iina nontaim ataal, jos laik som prity flowaz.

1 John 2:17

Ahn di worl, ahn evryting iina it —weh dem weh no chros God waahn— gwain disapier, bot demde pipl weh du weh God seh wi fi du, gwain liv fareva.