Acts 9:6 - The New Testament in Islander Creole

⁶ Now get'op ahn go iina di sity ahn yo gwain hier weh yo hafy du.”

Acts 9:6 Iomraidhean Croise

Acts 22:10

Den Ah seh, ‘Weh Ai fi du, Laad?’ Ahn di Laad ansa mi seh, ‘Get'op ahn go iina Damascus sity. Dehso yu gwain laan aal weh yu hafy du fi mi.’

Acts 26:16

Bot get'op ahn stan op pahn yo fut dem. Ah shuo miself tu yu, bikaaz Ah deh pik yo out laik mi speshal sorvant. Yu fi go ahn tel evrybady weh yo si ahn hier weh wehn hapm tu yu tudeh, ahn tel dem bout som muo tingz weh gwain hapm tu yu iina di fyutyo.

Philippians 2:12

So den unu, weh dah mi gud fren dem, jos laik how unu aalwiez du —weh Ah wehn tel unu fi du wen Ah wende wid unu— ih iivn muo impuotant fi du weh Ah tel unu now, wen Ah no dedeh wid unu. Siem wie, sieka weh Jesus Christ deh siev unu, unu shuda gat so moch rispek fi God seh unu wuda fried fi du enyting weh wuda mek unu luk laik unu no siev! Bikaaz, God dah di wan weh deh work iina unu haat fi mek unu mek'op unu main fi du di gud tingz weh ihn don plan fi unu, ahn ihn gwain gi unu di powa fi du'ih tu.

Romans 10:20

Den, Isaiah di prafit neva fried ataal, wen ihn wehn tel di pipl dem seh: “Di pipl dem weh neva wende trai fain mi, dehn don fain mi! Ah don apier'op tu demde pipl weh neva wende luk fi mi.”

Romans 10:3

Dehn no andastan God wie fi mek pipl rait wid him. Insida dat, dehn deh huol aan tu fi dehn uon wie fi get rait wid him, ahn dehn no put demself aanda di Laad wie fi mek di sina dem rait wid imself.

Romans 7:9

Now, Ah yuuztu liv bitout nuo weh di Laa seh. Bot, wen Ah kom fi nuo di Laa, di sin weh deh iina mi jomp op fi liv iina mi, ahn dat mek Ah waahn sin bad,

Romans 5:20

God sen di Laa fi mek di pipl dem andastan how sinful dehn sinful. Bot di muo di pipl dehn sin, God gries deh plenty muo.

Acts 10:32

Now sen som man dah Joppa fi aks fi Simon, huu dehn kaal Peter tu, fi kom. Ihn deh stie iina Simon hous, di man weh mek tingz outa leda, weh liv nier di sii.’

Acts 10:22

Dehn ansa seh, “Kyapm Cornelius sen wi. Him dah wan gud man iina God sait ahn ihn ana im plenty, so aal di Jewish pipl dem gi'im dehn rispek. Jos now wan ienjel fahn God tel im fi sen fi yo, ahn mek yo go dah ihn hous, so ihn kuda hier weh yo gat fi seh.”

Acts 10:6

Him wende stie wid wan nada man weh niem Simon, weh liv nier di sii ahn mek tingz outa leda.”

Acts 2:37

Now, wen di pipl dem hier dis, dehn wehn shak ahn fiil uova bad. So dehn aks Peter ahn di ada apasl dem, “Bredrin, dah weh wi fi du now?”

Luke 3:10

Den di kroud aks John, “So den, weh wi fi du?”

Matthew 19:30

Bot plenty pipl weh deh iina fos plies now, gwain deh laas wen dah taim kom; ahn siem wie, huu deh laas now, gwain deh fos wen dah taim kom.

James 4:6

Memba seh: di gries weh God gi wi muo stranga an di wikidnis a disya worl! Das wai di Skriptyo seh, “God deh gens demde pipl weh proud, bot ihn help di pipl dem weh ombl.”

Acts 9:5

“Dah huu yu, Laad?” ihn aks. Ahn di vais ansa seh, “Ai dah Jesus, di siem wan weh yu deh gi haad taim.