Acts 9:2 - The New Testament in Islander Creole

² ahn aks im fi som leta fi ker dah di sinigag dem iina Damascus, fi get dem fi help im grab enybady rait dehso weh deh fala Di Nyuu Wie —no mata if dah man or uman— ahn ker dem tai wid chien bak dah Jerusalem.

Acts 9:2 Iomraidhean Croise

Matthew 10:17

Luk out fi di pipl dem, bikaaz dehn gwain grab unu ahn ker unu dah di Kongsl dem, ahn dehn gwain biit unu op wid wan wip iina dehn sinigag tu.

John 14:6

Jesus ansa ahn seh, “Mii dah di Wie, di Chruut, ahn di Laif; nonbady kyaahn kom tu di Faada eksep chruu mi.

Acts 18:25

Som taim abak dehn wehn tiich im bout di wie weh di Laad tel wi fi fala, so sins ihn kuda priich, ihn taak uova gud bout Jesus, bot ihn ongl wehn nuo til John baptizam.

Acts 19:23

Roun di siem taim, big rokshan staat op iina Ephesus sieka Di Wie a di Laad.

Acts 19:9

Bot som a dem wehn ongl stobant ahn neva waahn biliiv. Dehn pik op wan atityuud ahn staat seh wikid tingz bout Di Wie a di Laad rait fronta evrybady. So Paul lef dem luon ahn disaid fi muuv out wid di disaipl dem. Him ahn ihn disaipl dehn gaan mek fi dem uon diskoshan evry die dah Tyrannus skuul.

Acts 24:14

Bot, Ah hafy tel yu seh dah chruu seh Ah fala Di Wie, weh dehn kaal wan kolt. Ah waaship fi wi ansesta dehn God, ahn Ah biliiv evryting weh deh jos laik weh di Laa seh wi fi du, ahn aal weh di prafit dehn rait bout.

Acts 24:22

Paul shet op ihn kies rait dehso. Den Felix, sieka ihn wehn nuo bout “Di Wie” aredy, neva waahn mek wan disizhan siem taim, so ihn put aaf di miitn. Ihn seh, “Unu wiet til Komanda Lysias kom yah; den Ah gwain disaid di kies.”

Acts 26:10

Dat dah weh Ah yuuztu du dah Jerusalem. Ah get atarity fahn di chiif priis dem ahn put wan paila biliiva iina jiel; ahn wen dehn kandem dem tu det, Ai dah wehn wan a dem weh vuot gens dem.

Acts 26:12

“Dah wehn fi dis siem riizn wai Ah wende go dah Damascus wid atarity ahn aadaz fahn di chiif priis dem.

Acts 6:9

Bot dehn wehn gat som man weh wende gens im tu, weh kom fahn wan Jewish sinigag weh wehn niem “Sinigag a di Frii Sliev.” Dem dah wehn Jew fahn Cyrene, Alexandria, Cilicia, ahn Asia, ahn dehn wende aagyo wid Stephen bout weh ihn tiich.

Acts 7:19

ahn ihn fuul fi wi ansesta dem ahn wehn kruwil tu dem tu. Ihn fuos dem fi put dehn bieby outa duo ahn lef dem deh fi ded.

Acts 9:14

Ahn now ihn deh yah, bikaaz ihn gat piepa fahn di chiif priis dem weh gi'im di atarity fi grab eny biliiva iina Damascus tu!”

Acts 9:21

Ahn aal di pipl dem weh hier im wehn uova sopraiz ahn dehn aks wan anada seh, “Dis dah di siem man weh wende haraas di pipl dem weh deh fala Jesus iina Jerusalem, no chruut? Ihn mosy kom yah fi grab di biliiva, tai dem op ahn ker dem bak dah di chiif priis fi du di siem ting tu dem. Dah wada hapm tu him now?”

2 Corinthians 11:32

Wen Ah wende dah Damascus, di govana weh wende aanda King Aretas wehn gat di sity aanda gyaad fi si if dehn kuda wehn grab mi.

Galatians 1:17

Di chruut dah seh, Ah neva gaan tu eny a di apasl dem dah Jerusalem, weh dah wehn apasl hed a mii. Bot, Ai gaan striet tu Arabia, ahn aftawod Ai gaan bak dah Damascus.