Acts 8:9 - The New Testament in Islander Creole

⁹ Now iina dah siem sity dehn wehn gat wan man niem Simon, weh dah wehn wan uobya man fahn lang taim. Di Samaritan pipl wehn uova sopraiz wid aal di tingz weh ihn kuda du wid ihn uobya. Sieka dis, ihn wehn tink seh him dah wehn wan uova impuotant man,

Acts 8:9 Iomraidhean Croise

John 7:18

Dem weh taak bout fi dem uon tingz ongl waahn buos bout dehn uonself. Bot di man, weh waahn di Wan weh sen im get di priez, no gat non faalsnis iina him ataal; ihn aalwiez tel di chruut.

Acts 13:6

Dehn travl chruu di huol ailant til dehn get dah Paphos, weh paat dehn bok'op pahn wan uobya man, wan Jewish faals prafit weh wehn niem Bar-Jesus.

Acts 13:8

Bot di uobya man, Elymas —weh dehn wehn kaal im iina di Greek langwij— wende gens Barnabas ahn Saul, ahn ihn trai fi diskorij di luokal govana fahn chros iina Jesus.

Acts 5:36

Unu memba wan man, Theudas, weh yuuztu mek prablem? Ihn wehn tink ihn so big, ahn bout four hundred man fala im. Bot ihn wehn get kil, ahn aala ihn falowa dem wehn skyata, ahn ihn huol muuvment gaan tu notn.

Acts 8:11

So di pipl dem hier im ahn biliiv im, bikaaz fi lang taim ihn wende uova sopraiz dem wid ihn uobya.

2 Thessalonians 2:4

Main, dat dah di man weh gwain fait gens God, ahn aala di spirit ahn di tingz dem weh di pipl dem kaal dehn god, ahn dehn waaship. Disya man gwain put ihnself op hai, deh seh ihn gat muo powa an aala demya tingz. Ihn iivn gwain sidong iina God Templ ahn tel evrybady seh, dah him dah God ihnself!

2 Timothy 3:2

Bikaaz yo gwain gat som pipl weh jos lov demself ahn lov mony tu. Ahn som ada wan dem weh gwain buos ahn tink dehn muo beta an di ada pipl dem. Som pipl gwain insolt ada pipl, ahn no gwain pie non main tu dehn muma, nar weh dehn pupa tel dem fi du. Dehn no gwain tel nonbady tanks fi notn ahn dehn no gwain waahn gat notn fi du wid di tingz dem bout God.

2 Timothy 3:5

Dehn gwain plie laik dehn deh fala fi wi rilijan, bot riily dehn no waahn God gat non kain a powa uova dehn laif ataal. Timothy, yu no fi miks'op wid demde kain a pipl nontaim!

2 Peter 2:18

Demde pipl buos bout demself wid wod weh no miin notn ataal. Ahn dehn yuuz dehn doty kain a laif fi trap demya pipl weh jos wende trai get-weh fahn liv datde kain a laif deh.

Revelation 22:15

Bot, di wikid pipl dem weh dah laik daag, dehn gwain stie outsaida di sity. Demde dah dehn pipl weh deh du uobya, ahn demde pipl weh deh sliip roun, demde pipl weh deh kil, demde pipl weh deh waaship di aidal dem, ahn aala dehn pipl weh lov fi tel lai, ahn kiip aan deh tel lai!