Acts 8:3 - The New Testament in Islander Creole

³ Bot Saul wende trai fi kil out aala di biliiva dem. Ihn wende go fahn hous tu hous deh jreg out di biliiva dem —man ahn uman di siem— ahn ihn dash dem iina di jiel.

Acts 8:3 Iomraidhean Croise

Acts 16:19

Wel, wen fi shii uona dehn riiyalaiz seh ihn gwain kyaahn mek no muo mony fi dem, dehn get beks. So dehn grab Paul ahn Silas ahn jreg dem fronta di atarity dem iina di poblik paak.

Acts 22:19

Den Ah seh, ‘Bot Laad, dehn gwain hier mi, bikaaz dehn nuo seh Ai yuuztu go fahn wan sinigag tu di ada fi grab, lak'op ahn biit dem weh wehn chros iina yo.

Acts 7:58

ahn chruo im outa di sity. Den, dem weh wehn tel lai pan Stephen, dehn gi dehn jakit tu wan yong man weh niem Saul fi huol, so dehn kuda lik'im dong.

Acts 8:2

Bot som ada man weh riily lov God ker Stephen bady, gaan ber'ih, ahn den dehn muon fi im deh baal out haad.

Acts 9:21

Ahn aal di pipl dem weh hier im wehn uova sopraiz ahn dehn aks wan anada seh, “Dis dah di siem man weh wende haraas di pipl dem weh deh fala Jesus iina Jerusalem, no chruut? Ihn mosy kom yah fi grab di biliiva, tai dem op ahn ker dem bak dah di chiif priis fi du di siem ting tu dem. Dah wada hapm tu him now?”

1 Corinthians 15:9

Ahn bikaaz Ai dah di liis ah aal di ada apasl dem, Ai no iivn fit fi mek dehn kaal mi wan apasl, bikaaz Ai wehn mek plenty a God pipl sofa uova bad.

Galatians 1:13

Aala unu memba how Ah yuuztu stan, wen Ah wehn dah fi di Jewish rilijan. Unu nuo how Ah yuuztu haraas demde pipl weh dah fi God chorch, so Ah kuda du weh wid dem.

Philippians 3:6

Ai wehn so iiga fi sorv God, Ah wehn iivn hont dong demde pipl weh chros iina Jesus; ahn wen Ah fain dem, Ah wehn lak dem op! Ahn wen ih kom tu obie di Jewish Laa dem, Ai wehn so huoly ahn raichos dat nonbady kudn fain wan likl faalt wid mi.

1 Timothy 1:13

Iivn duo Ai yuuztu insolt God, ahn Ah yuuztu ongl bii kruwil ahn mek ihn pipl dem sofa plenty; stil yet, Christ gat morsy pahn mi, bikaaz Ah neva wehn nuo beta, ahn bikaaz Ah neva chros iina Christ demde taim.

James 2:6

Bot unu deh disrispek dehn puor pipl! Tel mi now: dah no di rich pipl dem weh deh fuul unu op? Dah no dem weh deh haal unu dah kuot?