Acts 8:1 - The New Testament in Islander Creole

¹ Now Saul wende rait dehso; ihn wehn grii wid aal weh wehn gaan aan. Ahn pahn dat siem die wan big prablem brok out gens dem weh dah wehn paat a di chorch fahn Jerusalem. Ih wehn so moch dat aal di biliiva —eksep di apasl dem— wehn skyata aal uova Judea ahn Samaria kontry-said.

Acts 8:1 Iomraidhean Croise

Matthew 22:6

Ahn di res a di pipl dehn grab di king sorvant dem, haraas dem op, ahn den dehn kil dem!

Matthew 23:34

“Das wai Ai deh sen tu unu som prafit, som waiz man, ahn som ada tiicha weh nuo bout God wiez dem. Som a dem unu gwain kil ahn niel'op pahn wan kraas, ahn som a dem unu gwain biit'op iina unu sinigag dem. Di res unu gwain ron dong enywie dehn go iina di toun dem.

Matthew 5:13

“Unu dah laik saalt fi di pipl fahn di worl. Bot if dah saalt luuz ih ties, how ih gwain ties laik saalt agen? Ih no gwain gud fi notn ataal, ongl fi chruo pan di grong fi pipl waak pahn ih.

John 15:20

Unu no memba weh Ah wehn tel unu? Ah seh: ‘Wan sorvant no beta an ihn maasta.’ If di pipl dem wehn gi mi haad taim, den dehn gwain gi unu haad taim tu; if dehn wehn lisn tu mii, dehn gwain lisn tu unu tu.

John 16:2

Dehn gwain chruo unu outa di sinigag dem, ahn di taim gwain kom wen dem weh kil unu gwain tink seh dehn deh du'ih fi pliiz God.

Acts 1:8

Bot wen di Holy Spirit kom dong pahn unu, unu gwain get plenty powa, ahn unu gwain kyan go aal bout di plies deh tel di pipl bout mii. Unu gwain du dis iina Jerusalem, den di huol a Judea lan, den Samaria lan, iivn dongtu di laas paat a di worl.”

Acts 13:1

Now, iina di chorch dah Antioch yo wehn gat som prafit ahn tiicha, laik Barnabas ahn Simeon —weh dem kaal Naiger tu— ahn Lucius fahn Cyrene, ahn Manaen —weh wehn gruo'op wid Herod, di ruula— ahn Saul tu.

Acts 13:36

“Now God neva deh refa dis bout David, bikaaz afta David kompliit weh God wehn waahn ihn fi du mongs ihn pipl dem, ihn ded ahn dehn ber im iina wan tuum mongs ihn ansesta dem, ahn fi him bady wehn ratn.

Acts 2:47

ahn wende priez God tugeda. So dehn nieba dem, weh si how dehn wende liv, rispek dem plenty. Ahn evry die di Laad ad aan muo ahn muo pipl weh wende get siev.

Acts 22:20

Ahn wen dehn wende kil Stephen —weh yuuztu priich bout yo— wen dehn lik'im dong wid rak til ihn ded, dah mii wende stan rait op dehso, deh grii wid dem. Ah wehn dongtu deh help dem huol dehn kuot!’

Acts 26:10

Dat dah weh Ah yuuztu du dah Jerusalem. Ah get atarity fahn di chiif priis dem ahn put wan paila biliiva iina jiel; ahn wen dehn kandem dem tu det, Ai dah wehn wan a dem weh vuot gens dem.

Acts 5:18

So dehn grab di apasl dem ahn hiiv dem iina di sity jiel.

Acts 5:20

“Unu go, go stan op iina di Templ agen ahn tel di pipl dem evryting bout dis Nyuu Wie fi Liv.”

Acts 5:33

Bot wen di memba a di Kongsl dem hier dis, dehn wehn so beks dehn wehn waahn kil di apasl dem rait dehso.

Acts 5:40

Di Kongsl disaid fi fala di advais weh Gamaliel gi dem. So, dehn kaal iin di apasl dem, biit dem op, ahn aada dem no fi taak bout Jesus no muo. Den dehn let dem go.

Acts 7:38

Ahn Moses dah di siem wan weh wende wid di traib a Israel iina di dezart rait dehso wid di ienjel, weh wehn taak tu im pahn Mount Sinai, ahn wid wi ansesta dem, wen dehn wende get di mesij weh gi laif fi paas aan tu wi.

Acts 7:54

Now wen di memba dem a di Jewish Kongsl hier wat Stephen wehn tel dem, dehn get uova beks til dehn grain dehn tiit.

Acts 7:58

ahn chruo im outa di sity. Den, dem weh wehn tel lai pan Stephen, dehn gi dehn jakit tu wan yong man weh niem Saul fi huol, so dehn kuda lik'im dong.

Acts 8:14

Now wen di apasl dem iina Jerusalem hier bout how di pipl dem dah Samaria lan wehn aksep God mesij, dehn sen Peter ahn John dong deh.

Acts 8:2

Bot som ada man weh riily lov God ker Stephen bady, gaan ber'ih, ahn den dehn muon fi im deh baal out haad.

Acts 8:4

So, di biliiva dem wehn skyata aal uova di plies, ahn dehn staat priich God mesij evrywie dehn gaan.

Acts 8:5

Philip, wan a di biliiva dem, gaan dong dah wan sity weh wehn deh iina Samaria lan, ahn ihn tel dem bout di Mesaya.

Acts 9:31

So iina demde diez aal di chorch pipl dem iina Judea, Galilee, ahn Samaria lan wehn gat som piis. Ahn di Holy Spirit help dem gruo stranga, ahn muo ahn muo pipl jain dem. Dis hapm wail dehn shuo rispek fi God ahn wende liv rait.

Romans 1:32

Ahn iivn duo dehn nuo seh God Laa seh pipl weh du demde kain a tingz dizorv fi ded; stil yet, dehn kiip aan deh du dem. Ahn pan tapa dat, di muo wosa ting dah seh dehn inkorij ada pipl fi du di siem tingz tu!

Philippians 1:12

Now, bredrin, Ah waahn unu fi nuo seh, sieka aal weh wehn hapm tu mi, plenty muo pipl get fi hier di Gud Nyuuz ahn biliiv iina ih.

Hebrews 11:27

Ahn dah wehn bikaaz a Moses fiet iina God, weh mek ihn lef Egypt bitout fried fi di king niida —no mata how beks di king wehn beks! Moses wehn miin seh ihn neva gwain ton bak, bikaaz dah siem laik ihn wehn si di Wan ahn ongl God weh nonbady kuda si!