Acts 7:2 - The New Testament in Islander Creole

² Ahn Stephen ansa im seh, “Mi fela Jew, yong ahn uol, hier weh Ah gat fi seh: Bifuor wi ansesta Abraham gaan, gaan liv dah Haran, di God weh dah aal gluoryos apier'op tu im iina Mesopotamia ahn seh,

Acts 7:2 Iomraidhean Croise

Matthew 6:13

Ahn kiip wi weh fahn temtieshan, ahn fahn di Bad Wan weh waahn liid wi astrie. [Bikaaz yu dah di ongli'is wan weh gat aal di Kingdom atarity, di powa ahn di gluory fi aal di taim, Amen!]’

Luke 2:14

“Gluory bii tu God hai op iina hevn, ahn piis tu aala dem pan ort weh ihn pliiz wid!”

John 1:14

So, di Wod ton hyuuman ahn ihn kom, kom liv mongs wi. Ahn wii wiself wehn si wid wi uon two ai how ihn wandaful, fi huu gluory kom bikaaz ihn dah di Wan ahn ongl Son a God. Dah him weh shuo wi plenty kainis ahn lov weh wi no dizorv, ahn ihn tel wi di chruu mesij fahn God.

John 12:41

Isaiah wehn seh dis bikaaz ihn wehn si ho moch powa Jesus wehn gwain gat, ahn ihn eksplien bout'ih iina di Skriptyo.

Acts 22:1

“Bredrin, yong ahn uol, hier weh Ah gat fi tel unu!”

Acts 23:7

Wel, wen dehn hier dis, wan aagyoment brok out bitwiin di Pharisee ahn di Sadducee liida dem.

Acts 7:1

Den di Hai Priis aks Stephen, “Aal di tingz weh dehn deh seh gens yuu dah chruu?”

1 Corinthians 2:8

Non a dehn ruula fahn disya worl neva andastan dah kain a wizdom, bikaaz if dehn wehn andastan ih, dehn neva wehn gwain niel di Laad a Gluory pahn di kraas.

Ephesians 1:17

ahn aks di Laad Jesus Christ God —di Faada weh ful a gluory— fi mek him ful unu op wid ihn Spirit, huu gwain gi unu wizdom ahn andastandin, so dat unu kyan nuo him muo beta evry die.

Titus 2:13

Wi fi liv laik dat, wail wi wiet fi dat Blesed Die weh wi deh huop fah, wen wi gwain si di gluory a wi griet God ahn Sievya, Jesus Christ.

Hebrews 1:3

God Son dah di Lait weh shuo wi God griet gluory. So, wen unu si di Son, unu deh si God tu, bikaaz di Son dah di siem jos laik God. Ahn chruu di powa a ihn wod, di huol worl ahn evryting weh egzis, deh huol tugeda. So, wen God Son don wash weh fi wi sin dem, ihn gaan op iina hevn, gaan sidong bai di rait saida God di Muos Powaful Wan!

Hebrews 11:8

Dah wehn, bikaaz a Abraham fiet iina God, mek im obie God wen ihn kaal im, ahn tel im fi go dah wan lan weh ihn wehn gwain shuo im —weh gwain bii fi Abraham. So, ihn lef fi him uon kontry ahn set out bitout iivn nuo weh paat ihn wehn gwain!

James 2:1

Bredrin, laik how unu deh fala fi wii Laad Jesus Christ —di Laad a Gluory— unu no fi triit som pipl beta an ada pipl.

Revelation 4:11

Fi wi Laad ahn wi God, dah ongl yu weh gat di rait, fi get aal di gluory, ahn di ana ahn di powa; bikaaz yu dah di Wan weh mek evryting weh egzis. Yu mek dem aal ahn gi iich wan laif, bikaaz yu du dat fi yo uon plezha.