Acts 6:3 - The New Testament in Islander Creole

³ So den, bredrin, pik out seven man fahn mongs unu weh di pipl dem rispek ahn weh ful a di Holy Spirit ahn gat plenty gud sens. Ahn mek wi put dem inchaaj a dis huol bizniz.

Acts 6:3 Iomraidhean Croise

Matthew 23:8

Bot unu no fi mek nonbady kaal unu ‘Griet Tiicha,’ bikaaz unu ongl gat one tiicha, ahn aala unu dah breda.

John 21:23

So wan taakin staat spred mongs di res a Jesus falowa dem seh, dah disaipl deh neva wehn gwain ded. Main, Jesus neva seh, dah disaipl neva wehn gwain ded, bot ihn wehn seh, “If Ah waahn him liv til Ah kom bak, weh mek yu waahn nuo weh gwain hapm tu im?”

Acts 1:15

Fyuu diez lieta dehn wehn gat wan miitn wid aal di biliiva dem —bout wan hundred ahn twenty a dem iina aal. Ahn Peter get'op fi taak.

Acts 1:21

“So, wi hafy pik sombady els fi tek Judas plies. Ihn hafy bii wan man weh wehn aalwiez travl wid wi wen Jesus wende yah mongs wi,

Acts 10:22

Dehn ansa seh, “Kyapm Cornelius sen wi. Him dah wan gud man iina God sait ahn ihn ana im plenty, so aal di Jewish pipl dem gi'im dehn rispek. Jos now wan ienjel fahn God tel im fi sen fi yo, ahn mek yo go dah ihn hous, so ihn kuda hier weh yo gat fi seh.”

Acts 15:23

Den dehn sen wan leta wid dem. Dah so di leta riid: Fram di apasl ahn di bredrin dem, weh dah chorch liida tu, Tu aala wi Gentile breda dem weh liv iina Antioch, Syria ahn Cilicia: Griitinz.

Acts 16:2

Di bredrin dah Lystra ahn Iconium laik Timothy plenty ahn dehn taak gud bout im.

Acts 2:4

Aala dem wehn get ful'op wid di Holy Spirit ahn dehn staat taak iina aal kain a difrent langwij. Dah di Spirit weh wehn gi dem di wod dem fi seh.

Acts 22:12

“Wen Ah get dah di sity, wan man weh niem Ananias kom fi si mi. Ihn wehn strik wen ih kom tu kiip di Laa, ahn so di Jew dem weh wehn dedeh, rispek im.

Acts 28:14

Wen wi get deh, wi fain som Kristyan weh aks wi fi stie wan wiik wid dem. Afta dat, wi get tu Rome.

Acts 6:2

So di twelve apasl kaal di huol gruup a biliiva tugeda ahn seh, “Ihn no rait fi wi stap priich God mesij sieka deh luk afta di amount a fuud pipl get.

Acts 6:5

Dis wehn mek sens tu evrybady, so dehn pik out Stephen, wan man weh wehn gat plenty fiet ahn weh wehn ful a di Holy Spirit. Neks dehn pik Philip, Prochorus, Nicanor, Timon, Parmenas, ahn Nicolas fahn Antioch sity. Nicolas dah neva wan Jew fos, bot ihn wehn jain di Jewish rilijan bifuor ihn chros iina Jesus.

Acts 6:6

Den dehn ker dem fronta di apasl dem, ahn di apasl prie fi dem ahn put dehn han pahn dem fi bles dem.

Acts 9:30

Bot wen di ada biliiva dem wehn hier bout'ih, dehn ker Saul dong dah Caesarea ahn dehn sen im aaf tu Tarsus.

1 Corinthians 12:8

So, di Spirit kyan mek wan porsn seh wan mesij fahn God weh ful a wizdom, ahn dah siem Spirit kyan mek wan nada wan taak wid plenty nalij.

1 Corinthians 16:3

Den, wen Ah kom, Ah gwain sen demde pipl weh unu seh unu chros, fi ker dah mony weh unu kalek laik wan gif fi di biliiva dem dah Jerusalem. Ahn Ah gwain gi dem som leta fi ker tu, so demde pipl dah Jerusalem kyan nuo seh dah wii sen dem.

Ephesians 5:18

Ahn unu no fi jrink so moch wain til unu get jronk, bikaaz if unu du dat, unu ongl gwain du weh di fuul dehn du, ahn mes'op unu laif! Insida dat, unu fi liv ful'op wid di Holy Spirit ihnself!

1 Timothy 5:10

Pan tapa dat, di pipl dem hafy nuo disya wido fi di gud tingz weh shii deh du. Ihn fi bii wan uman weh wehn riez'op ihn pikniny dem rait, ahn weh yuuztu welkom pipl iina ihn hous, ahn weh yuuztu wash di fut dem a God pipl dem, ahn help demya pipl weh deh sofa tu. Ihn fi bii wan uman weh wehn du plenty gud ting aal di taim.

James 1:17

Memba: evry gud ahn porfek gif kom fahn op iina hevn, fahn fi wi Faada weh mek aal di lait weh deh. Ahn him neva chienj nontaim, laik wan shaduo deh chienj.

3 John 1:12

Bot, evrybady taak gud bout Demetrius, iivn di chruu mesij weh ihn tiich, ahn wi grii wid dem. Ahn unu nuo seh weh wi deh seh dah chruut.