Acts 6:1 - The New Testament in Islander Creole

¹ Now iina demde diez, az di nomba a Jesus falowa dem gruo muo ahn muo, wan aagyoment staat mongs di biliiva dem. Dem weh wehn taak Greek komplien gens di nietiv Jew dem. Di Greek dem wende seh fi dem wido neva get dehn fier shier a di fuud weh dehn shuda get evry die.

Acts 6:1 Iomraidhean Croise

Matthew 23:13

Den Jesus kantinyo deh seh, “How haad unu gwain gat'ih, unu tiicha a di Laa ahn Pharisee pipl, unu hipokrit! Unu deh henda pipl fahn go iina di Kingdom a Hevn. Unu uonself neva gwain go iin, nar mek nonbady els go iin niida.

Acts 11:20

Bot som a dem weh kom fahn Cyprus ahn Cyrene gaan dah Antioch ahn priich di gud nyuuz bout di Laad Jesus tu di pipl dem weh dah wehn Greek tu.

Acts 11:26

Wen ihn fain im, ihn ker im bak dah Antioch, ahn fi wan huol yier Saul ahn Barnabas stie wid di chorch deh tiich wan huol paila pipl weh kom. Dah wehn rait dah Antioch dehn wehn kaal di pipl dem weh chros iina Jesus “Kristyan” fi di fos taim.

Acts 11:29

So di biliiva dehn disaid fi sen som ah weh dehn wehn gat fi di breda dem weh liv iina Judea lan. Iich a dem gi aal weh dehn kuda gi fi help dem.

Acts 2:41

Ahn az ihn wende priich, dehn aksep ihn mesij ahn get baptaiz. So dah die bout three thousand wehn jain'op wid di gruup a pipl weh wehn chros iina Jesus.

Acts 2:45

Laik dehn staat sel dehn lan ahn ada tingz weh dehn wehn uon, ahn dehn gi di mony weh dehn get fahn ih tu aala dem weh wehn niid ih.

Acts 2:47

ahn wende priez God tugeda. So dehn nieba dem, weh si how dehn wende liv, rispek dem plenty. Ahn evry die di Laad ad aan muo ahn muo pipl weh wende get siev.

Acts 4:35

ahn gi'ih tu di apasl dem. Ahn aftawod dehn wuda ton roun ahn shier'ih op so evrybady get weh dehn niid.

Acts 4:4

Bot plenty pipl iina di kroud, weh wehn hier dehn mesij, biliiv'ih. So bai now, di apasl dem wehn gat bout five thousand man iina dehn gruup.

Acts 5:14

Iin spaita dat, muo ahn muo man ahn uman chros iina di Laad, ahn wan paila dem jain dem.

Acts 5:28

“Wi gi unu strik aadaz no fi kantinyo deh tiich iina Jesus niem, no chruut? Stil yet, unu gaan ahed ahn priich iina dah niem, so dat aal di pipl rait yah iina Jerusalem wehn hier weh unu gat fi seh. Wosa yet, unu mek'ih luk laik dah wii wiself wehn kil Jesus!”

Acts 6:2

So di twelve apasl kaal di huol gruup a biliiva tugeda ahn seh, “Ihn no rait fi wi stap priich God mesij sieka deh luk afta di amount a fuud pipl get.

Acts 6:7

So God mesij kiip deh spred. Ahn muo ahn muo pipl iina Jerusalem staat biliiv di gud nyuuz bout Jesus Christ, ahn plenty Jewish priis dem staat biliiv tu.

Acts 9:29

Ahn ihn wehn taak ahn aagyo wid som Jewish pipl weh taak Greek tu, bot dehn wende trai fain wan wie fi kil im.

Acts 9:39

So Peter kom wid dem ahn wen ihn get deh, dehn ker im opstiez dah di ruum. Ahn wen ihn gaan iinsaid, di ruum wehn ful'op a som wido weh wende muon ahn hala. Wen dehn si Peter, dehn kom roun im ahn shuo im di difrent kain a kluoz weh Dorcus yuuztu mek wen ihn wehn alaiv.

Acts 9:41

Peter huol ihn han ahn help im fi stan op. Den ihn kaal iin aal di biliiva ahn di wido dem tu, ahn ihn shuo dem Tabitha wehn alaiv agen!

Romans 12:7

If God gi unu di gif fi help ada pipl, den dat dah weh unu fi du. If unu gif dah fi tiich ada pipl, den dat dah weh unu fi du.

1 Corinthians 10:10

Ahn wi no fi grombl niida, laik weh som a dehn pipl wehn du ahn mek di Det Ienjel distrai dem!

2 Corinthians 11:22

Eny a demde suo-kaal apasl dah Hebrew? Ai dah dat tu. Eny a dem dah Israelite? Mii tu. Dehn dah fahn Abraham famaly lain? Mii tu!

Philippians 3:5

Ai wehn get sorkomsaiz eight diez afta Ai baan, ahn Ai dah wan Israelite fahn outa di traib a Benjamin. Ai dah wan chruu-chruu Hebrew, ahn akaadn tu di Jewish Laa, Ai dah wehn wan gud Pharisee.

1 Timothy 5:3

Ahn yo fi triit di wido dem, weh no gat nonbady fi help dem wid ana tu.

1 Timothy 5:9

So, Timothy, yu ongl fi put pahn di chorch lis di niem a wan wido weh gat sixty yierz, ahn weh wehn fietful tu ihn ded hozban.

Hebrews 13:1

So, bredrin, unu fi kiip aan deh lov wan anada laik breda ahn sista iina Christ.

James 1:27

Memba, di kain a rilijan weh God luk pan az kliin ahn porfek dah laik dis: ih luk afta dehn pikniny weh no gat non muma nar pupa, ahn di uman dem weh dehn hozban ded. Ahn dat kain a rilijan wi kiip wi frii fahn get doty fahn di worl tu.

James 4:5

Or, unu tink seh di Skriptyo no miin notn wen ih seh, “Di spirit, weh God put iina wi, dah wan uova jalas spirit.” Ihn no gwain shier him plies iina fi wi haat wid nonbady els!

James 5:9

Ahn bredrin, unu no fi grombl gens wan anada niida, bikaaz God gwain joj unu if unu du dat. Wach yah! Di Joj deh rait bai di duo rait now, redy fi joj unu.