Acts 5:4 - The New Testament in Islander Creole

⁴ Di lan dah fi yuu fahn di fos, no chruut? Ahn wen yu don sel'ih, yu kuda yuuz di mony enywie yu waahn. Den, dah wai yo disaid fi du wan ting laik dis? Yuu no ongl deh tel lai tu man, bot dah God ihnself yuu deh tel lai tu!”

Acts 5:4 Iomraidhean Croise

Luke 10:16

Den ihn tel di disaipl dem, “Enybady weh hier unu, hier mi tu. Bot if dehn rijek unu, den dehn rijek mii tu. Ahn enybady weh rijek mi, rijek di wan weh sen mii.”

Acts 5:3

Bot Peter tel im seh, “Ananias, how yuu mek Satan kanchruol yo main, man! Yuu deh tel di Holy Spirit wan lai, wen yo kiip bak som a di mony fi yoself ahn den yu priten seh yo wende gi aala ih!

Acts 5:9

Den Peter seh tu im, “How di two a unu kuda grii tugeda fi lai tu di Laad Spirit, ahn den tink seh unu kuda get-weh wid ih? Luk yah! Di man dem weh ber yo hozban deh rait yahso dah di duo —ahn dehn gwain ker yuu out tu!”

1 Corinthians 8:8

Bot, wi nuo seh di fuud weh wi iit neva mek wi non beta iina God sait. Wi no gat notn fi luuz wid God, if wi no iit'ih; ahn wi no gat notn fi gien niida, if wi iit'ih.

1 Thessalonians 4:8

So den, if unu no waahn obie disya tiichin, dah no wii unu deh go gens, bot dah God unu deh ton unu bak pan —di Wan weh wehn gi unu ihn Holy Spirit!

Philemon 1:14

Bot, Ah neva waahn du notn bifuor yu tel mi fos weh fi du. So, Ah wehn waahn yuu shuo yo kainis, bikaaz yuu waahn, ahn no bikaaz nonbady deh fuos yo fi du'ih.

James 1:15

Ahn wen bad tinkin kom iina wi main, ih mek wi sin; ahn wen sin tek huol a wi, ih distrai wi!