Acts 5:3 - The New Testament in Islander Creole

³ Bot Peter tel im seh, “Ananias, how yuu mek Satan kanchruol yo main, man! Yuu deh tel di Holy Spirit wan lai, wen yo kiip bak som a di mony fi yoself ahn den yu priten seh yo wende gi aala ih!

Acts 5:3 Iomraidhean Croise

Matthew 13:19

Di siid wi bii laik God Wod, ahn som taim, laik di siid weh drap pan di trak ruod, wan man hier di mesij bout di Kingdom, bot laik di bord weh iit'op di siid, di devl kom ahn tek weh di mesij, so di man neva andastan ih ahn kiip'ih iina ihn haat.

Luke 22:3

Den Satan get iina Judas Iscariot —huu dah wehn wan a di twelve disaipl dem.

John 13:2

Now, bifuor dehn gaan fi iit di Paasuova sopa, di devl wehn don get iina Judas Iscariot suol fi mek ihn sel out Jesus. Dis dah di siem Judas huu dah wehn Simon son.

John 13:27

Ahn az suun az ihn don gi'im di piis a bred, Satan get iina Judas. So Jesus tel im, “Weh yu gwain du, mikies ahn du'ih.”

Acts 5:2

Bot ihn kiip bak paat a di mony fi ihnself, ahn ker di res —laik if dah wehn aala ih— ahn gi'ih tu di apasl dem. Ihn waif wehn wel ahn nuo weh ihn wende du.

Acts 5:4

Di lan dah fi yuu fahn di fos, no chruut? Ahn wen yu don sel'ih, yu kuda yuuz di mony enywie yu waahn. Den, dah wai yo disaid fi du wan ting laik dis? Yuu no ongl deh tel lai tu man, bot dah God ihnself yuu deh tel lai tu!”

Acts 5:9

Den Peter seh tu im, “How di two a unu kuda grii tugeda fi lai tu di Laad Spirit, ahn den tink seh unu kuda get-weh wid ih? Luk yah! Di man dem weh ber yo hozban deh rait yahso dah di duo —ahn dehn gwain ker yuu out tu!”

James 4:7

So den, unu fi nuo unu plies wid God. Stan op ahn fait di devl, ahn ihn gwain ton roun ahn ron weh fahn unu!

1 Peter 5:8

Stie pahn unu gyaad tu, ahn wach out! Unu enimy —weh dah di devl— him dah laik wan laiyan weh deh ruor. Him deh waak roun fahn plies tu plies deh si huu ihn kyan iit'op!