Acts 5:2 - The New Testament in Islander Creole

² Bot ihn kiip bak paat a di mony fi ihnself, ahn ker di res —laik if dah wehn aala ih— ahn gi'ih tu di apasl dem. Ihn waif wehn wel ahn nuo weh ihn wende du.

Acts 5:2 Iomraidhean Croise

Matthew 23:5

Dehn du evryting jos fi pipl si dem. Jos so, dehn mek dehn filaktry ahn tasl dem uova big.

John 12:6

Bot ihn neva seh dis bikaaz ihn wehn kier bout di puor pipl dem; dah bikaaz ihn dah wehn wan tiif. Him wehn main di mony bag fi di ada disaipl dem ahn ihn wehn stie deh dip ihn han iina ih.

Acts 2:44

Ahn aal di biliiva dem kiip tugeda ahn shier evryting weh dehn wehn gat wid wan anada.

Acts 4:37

Dis Barnabas sel wan piis a lan weh ihn wehn uon, ahn den ihn ker di mony ahn gi'ih tu di apasl dem.

Acts 5:1

Now wan neks man, weh wehn niem Ananias, ahn ihn waif Sapphira wehn sel wan piis a lan tu.

Acts 5:3

Bot Peter tel im seh, “Ananias, how yuu mek Satan kanchruol yo main, man! Yuu deh tel di Holy Spirit wan lai, wen yo kiip bak som a di mony fi yoself ahn den yu priten seh yo wende gi aala ih!

Acts 5:8

Peter aks im, “Tel mi somting: dat dah aal di mony weh yuu ahn yo hozban get fi di lan?” Ahn shii ansa, “Yees sah; dat dah aal di mony.”

Philippians 2:3

Ah prie seh unu no du notn outa selfishnis nar breginis, bot unu fi bii ombl ahn no fi tink seh unu beta an enybady els.

1 Timothy 6:10

Bikaaz di lov a mony mek plenty pipl du aal kain a wikid tingz. Ahn bikaaz demde pipl waahn mony so bad, dehn gaan aaf far fahn God, ahn now dehn sofa plenty.