Acts 5:11 - The New Testament in Islander Creole

¹¹ So evrybady iina di chorch, ahn evrybady els, weh wehn hier bout weh wehn hapm, get uova fried fi weh God kuda du.

Acts 5:11 Iomraidhean Croise

Acts 19:17

Wen evrybady —Jew ahn Greek tu— weh liv iina Ephesus hier dis, dehn wehn get uova fraitn ahn dehn si seh dehn beta ana di niem a di Laad ahn rispek him.

Acts 2:43

Evrybady kudn haaly biliiv dehn ai wen dehn si aal di wandaz ahn mirakl dem weh di apasl dem wende du.

Acts 5:5

Wen Ananias hier dis, siem taim ihn jrap dong ded! Ahn aala di pipl dem get uova fraitn, wen dehn hier weh hapm.

Acts 9:31

So iina demde diez aal di chorch pipl dem iina Judea, Galilee, ahn Samaria lan wehn gat som piis. Ahn di Holy Spirit help dem gruo stranga, ahn muo ahn muo pipl jain dem. Dis hapm wail dehn shuo rispek fi God ahn wende liv rait.

Philippians 2:12

So den unu, weh dah mi gud fren dem, jos laik how unu aalwiez du —weh Ah wehn tel unu fi du wen Ah wende wid unu— ih iivn muo impuotant fi du weh Ah tel unu now, wen Ah no dedeh wid unu. Siem wie, sieka weh Jesus Christ deh siev unu, unu shuda gat so moch rispek fi God seh unu wuda fried fi du enyting weh wuda mek unu luk laik unu no siev! Bikaaz, God dah di wan weh deh work iina unu haat fi mek unu mek'op unu main fi du di gud tingz weh ihn don plan fi unu, ahn ihn gwain gi unu di powa fi du'ih tu.

Hebrews 11:7

So den, dah wehn bikaaz a Noah fiet iina God, mek God waan im bout somting weh ihn neva si hapm yet. Ahn Noah bil wan big-big buot weh him ahn ihn famaly get siev iina. Noah fiet iina God wehn shuo seh di ada pipl dem iina disa worl wehn wikid, bot dat Noah wehn raichos iina God sait.

Hebrews 12:15

Mek shuor seh non a unu no ton unu bak pahn God gries. Ahn no mek non a unu get bita niida, laik wan paizn plaant weh tek ruut ahn spred ih paizn tu plenty pipl.

Hebrews 12:28

So den bredrin, mek wi aafa op wi tanks tu God, bikaaz dah him weh gi wi wan Kingdom weh notn kyaahn shiek nontaim. Mek wi waaship im wid wan fier weh huoly, ahn mek wi shuo im plenty ana ahn rispek tu;

Hebrews 4:1

Now, di pramis weh God wehn mek seh wi kuda get dah res weh him wehn aafa wi stil gud, so aala wi fi wach out seh non a wi no mis out pan ih.

1 Peter 1:17

Unu nuo seh God dah unu Faada, bot memba tu seh, ihn no gat non fievarit nontaim. Him gwain joj unu, or ihn gwain pie unu bai weh unu du. So den, spen di res a unu laif yah pahn ort, deh ana ahn rispek im!

Revelation 15:4

Laad, enybady deh, weh no gwain gi'yo ana? Enybady deh, weh no gwain priez yo niem? Nuo, Laad! Yuu dah di Wan chruu God; yuu dah di ongl wan weh huoly! Ahn aal di pipl dem fahn aal di nieshan, dehn gwain kom ahn waaship yu, bikaaz evrybady don si seh, yuu du di tingz dem weh rait fi chruut!”