Acts 4:2 - The New Testament in Islander Creole

² Dehn wehn uova beks bikaaz di apasl dem wende tiich di pipl dem seh, “Sieka weh Jesus wehn kom bak fahn di ded, pruuv seh di ded gwain riez bak op tu.”

Acts 4:2 Iomraidhean Croise

Acts 13:45

Bot wen di Jewish rilijos liida dem si di huol paila pipl weh kom, dehn wehn get uova jalas, so dehn staat seh Paul deh tel wan huol paila lai, ahn dehn insolt im op tu.

Acts 17:18

Ahn siem taim ihn wehn bok'op pahn som Epicurean ahn Stoic tiicha dem, ahn ihn gat wan aagyoment wid dem tu. Now Paul wende priich bout Jesus ahn di rezorekshan, so som a dem seh tu wan anada, “Dah weh dis disgostin man deh trai fi seh?” Bot som ada pipl seh, “Him luk laik ihn deh taak bout som gad weh wii no nuo bout.”

Acts 19:23

Roun di siem taim, big rokshan staat op iina Ephesus sieka Di Wie a di Laad.

Acts 24:21

Di ongl ting dehn kuda seh Ah wehn gilty ah, dah wen Ah wende stan op ahn deh hala out fronta dem ahn seh, ‘Ah deh pahn trayal tudeh bikaaz Ah biliiv iina di rezorekshan fahn di ded!’ ”

Acts 26:23

Di Christ gwain sofa ahn ihn gwain bii di fos wan fi riez bak fahn di ded, fi anouns di lait a salvieshan tu di Jew dem, ahn tu di Gentile tu.”

Acts 26:8

Ai no nuo wai unu Jew tink seh ih no pasabl seh God kuda riez pipl fahn di ded!

Acts 3:15

Unu kil di Wan weh gi laif; bot God riez'im op fahn di ded, ahn wii wiself dah wiknis tu dat.

Acts 5:17

Bot di Hai Priis ahn evrybady weh deh wid im, weh dah wehn paat a di Sadducee gruup, wehn uova jalas.

Romans 8:11

Memba seh: di siem Spirit a God weh mek Jesus riez'op bak fahn di ded ahn liv agen, dah di siem wan weh liv iinsaida unu. So, jos laik how God riez'op bak Jesus Christ agen, dah rait so, him gwain riez'op fi unu bady bak tu laif bai di siem Spirit.

1 Corinthians 15:23

Lisn, evry wan a wi gwain riez'op bak iina aada: Jesus ihnself dah wehn di fos wan fi riez'op bak fahn di ded. Den, fi him pipl dem gwain riez'op bak wen di Laad kom bak.