Acts 3:6 - The New Testament in Islander Creole

⁶ Den Peter seh, “Ah no gat non mony ataal, bot weh Ah gat, Ah gwain gi'yo. Chruu di powa a Jesus Christ fram Nazareth, get'op ahn waak!”

Acts 3:6 Iomraidhean Croise

Matthew 10:9

Unu no fi ker non guol, silva, nar kapa chienj iina unu mony bag,

Matthew 7:22

Plenty pipl gwain tel mi pahn Dat Die, ‘Laad, Laad, wii neva priich God mesij iina yo niem? Ahn iina yo niem wii neva tek out bad spirit? Ahn iina yo niem wii neva du plenty mirakl tu?’

Mark 14:8

Dis uman du wat ihn kuda du. Ihn puor aintment pan mai bady bifuor taim fi pripier ih fi wen dehn ber mi.

Mark 16:17

Ahn di pipl weh biliiv gwain iebl fi du plenty mirakl weh shuo seh dehn priich God mesij. Dehn gwain tek out bad spirit iina mai niem; dehn gwain taak iina som ada langwij;

John 19:19

Pilate mek dem put wan sain pahn di kraas weh seh, “Jesus fahn Nazareth, di Jewish pipl dehn King.”

Acts 10:38

God wehn pik out Jesus fahn Nazareth fi bii di Mesaya ahn ihn gi'im di Holy Spirit ahn powa. Den Jesus gaan aal bout di plies deh du gud ahn ihn kyuor aal weh wende aanda di kanchruol a di devl, bikaaz God wende wid im.

Acts 16:18

Shii gaan aan ahn aan wid dis fi som diez til Paul get taiyad a ih. So wan die ihn jos ton roun ahn seh tu di bad spirit iina im, “Iina di niem a Jesus Christ, Ah aada yo fi kom outa shii!” Ahn siem taim di bad spirit kom outa im!

Acts 2:22

Den Peter kantinyo, “Unu man fram Israel, hier weh Ah deh tel unu: Jesus fahn Nazareth dah wehn wan man weh God shuo seh ihn wehn kom fahn him; ihn shuo dis chruu di wandaz ahn mirakl dem weh God du chruu im. Unu nuo dis dah chruut, bikaaz aala dis hapm rait yah mongs unu.

Acts 2:36

“So, aala unu Jew pipl fahn Israel, mek Ah tel unu klier-klier: disya Jesus weh unu wehn niel'op pahn wan kraas, dah him weh God wehn mek Laad ahn Mesaya!”

Acts 3:16

Hier'so wi kyan si seh dah chruu fiet iina di powa fahn Jesus niem weh mek disya man —weh unu si ahn nuo— get bak gud rait fronta aala unu.

Acts 3:5

So di man staat pie atenshan tu dem; ihn wehn tink seh dehn gwain gi'im somting.

Acts 3:7

Peter grab im bai ihn rait han ahn haal'im op, ahn siem taim di man ankl ahn ihn fut get strang!

Acts 4:10

den mek aala unu ahn evrybady els mongs fi wi Israel pipl nuo dis: chruu di powa weh deh iina di niem a Jesus fahn Nazareth —huu unu wehn kruusifai, bot God riez'op fahn di ded— dis man rait yahso get kyuor!

Acts 4:7

Den, dehn ker Peter ahn John fronta dem ahn staat kwestyan dem deh seh, “Dah weh kain a powa unu yuuz, ahn iina fi huu niem unu deh du aala dis?”

Acts 9:34

Peter seh tu im, “Aeneas, Jesus Christ kyuor yo! Get'op ahn spred yo bed.” Siem taim Aeneas get'op pan ihn fut!

1 Corinthians 4:11

Iivn op tu tudeh, wi no gat nof tingz fi iit nar jrink. Wi no gat notn bot tier op kluoz fi wier. Di pipl dem deh biit wi op aal di taim. Wi no iivn gat non wie fi liv, ahn wi deh wanda fahn plies tu plies.

2 Corinthians 6:10

Wi haat hevy, bot wi stil kyan rijais. Wi no gat plenty tingz, bot plenty pipl get rich blesin chruu weh wi priich. Wi no uon notn, bot stil evryting dah fi wi.

2 Corinthians 8:12

Ahn ih no mata ho moch unu gat, az lang az unu wilin fi gi. Memba, God ongl waahn unu gi weh unu gat, no weh unu no gat.

2 Corinthians 8:9

Bikaaz, unu nuo how fi wi Laad Jesus Christ wehn so kain tu wi iivn duo him wehn so rich; bot sieka ihn lov fi unu, ihn mek ihnself get puor so dat chruu fi him puonis, unu kuda bii rich.

James 2:5

Hier dis, bredrin: God don pik demde pipl weh ada pipl luk pan az puor, fi bii rich iina fiet! Ahn ihn wehn pramis demde pipl weh lov im, wan plies iina fi him Kingdom.

1 Peter 4:10

Memba seh: God wehn bles evry wan a unu wid wan a ihn speshal gif dem, so unu kyan yuuz ih fi sorv ada pipl.