Acts 3:12 - The New Testament in Islander Creole

¹² Bot wen Peter si dis, ihn seh tu dem, “Unu man fram Israel, dah wai dis sopraiz unu so? Unu dedeh deh stier pahn wi laik if wi du dis iina fi wi uon powa, or laik wi so huoly seh wi mek dis man waak?

Acts 3:12 Iomraidhean Croise

John 7:18

Dem weh taak bout fi dem uon tingz ongl waahn buos bout dehn uonself. Bot di man, weh waahn di Wan weh sen im get di priez, no gat non faalsnis iina him ataal; ihn aalwiez tel di chruut.

Acts 13:26

“Mi fela Israelite weh kom fahn Abraham famaly ahn aala unu Gentile pipl weh ana God tu: Dah tu wii dehn sen dis mesij a salvieshan!

Acts 2:22

Den Peter kantinyo, “Unu man fram Israel, hier weh Ah deh tel unu: Jesus fahn Nazareth dah wehn wan man weh God shuo seh ihn wehn kom fahn him; ihn shuo dis chruu di wandaz ahn mirakl dem weh God du chruu im. Unu nuo dis dah chruut, bikaaz aala dis hapm rait yah mongs unu.

Acts 3:11

Az di man weh yuuztu beg grab aan tu Peter ahn John, aal di ada pipl weh dedeh wehn uova sopraiz ahn ron gaan si weh wende go aan dah di plies weh dehn kaal Solomon Pieza.

Acts 3:13

Nuo sah, dah di God a Abraham, Isaac ahn Jacob, ahn fi wi ada ansesta dem weh du dis fi bring gluory tu ihn sorvant Jesus. Bot unu wehn waahn him ded; unu ker im ahn disuon him fronta Pilate, di Roman govana, iivn wen Pilate wehn disaid fi let im go.

Romans 11:1

So den, mek Ah aks unu somting: bikaaz di Jew dem wehn waahn go dehn uon ribelyos wie, God wehn rijek dem? Nuo sah, ihn neva seh dat! Mii miself dah wan Jew. Ai dah wan a Abraham uon disendant dem. Di chruut dah seh, Ai kom fahn Benjamin famaly lain!

Romans 9:4

Di pipl fahn Israel dah di pipl weh God wehn pik out lang taim abak fi bii ihn uon pikniny dem. Ahn God wehn shuo dem fi him gluory. Ihn mek agriiment wid dem ahn gi dem ihn Laa. God shuo dem how fi waaship him, ahn aala fi ihn pramis dem, dah fi dem tu.

2 Corinthians 3:5

Dah no wii tink seh wi kyan du enyting bai wi uonself, bikaaz dah ongl God weh gi wi di powa fi du aal weh wi du.

Revelation 7:13

Den, wan a di elda dem aks mi seh, “Yu nuo dah huu demya pipl, weh deh wier wait goun? Yu nuo weh dehn kom fram?”