Acts 26:7 - The New Testament in Islander Creole

⁷ Dat dah di siem pramis weh di twelve traib fi wi pipl dehn luk fah, az dehn waaship God die ahn nait. Stil yet, yo Majesty, fi dis huop di Jew dem deh akyuuz mi.

Acts 26:7 Iomraidhean Croise

Matthew 19:28

Jesus seh tu dem, “Ah deh tel unu di chruut: wen di Son a Man kom sidong pahn ihn gluoryos chruon fi ruul, wen God mek aal tingz nyuu, aala unu weh wehn fala mi gwain sidong pahn twelve chruon fi joj di twelve traib a Israel.

Luke 2:25

Now iina dah taim dehn wehn gat wan man, weh liv iina Jerusalem, niem Simeon. Ihn wehn raichos ahn ful a di Spirit, ahn ihn wende wiet fi Israel get siev. Di Holy Spirit wende wid Simeon,

Luke 22:30

Unu gwain iit ahn drink roun di tiebl wid mii iina mi Kingdom, ahn unu gwain sidong pahn chruon fi joj di twelve traib a Israel.

Acts 20:31

So, unu stie pahn unu gyaad, iivn muo so wail unu memba seh how nait ahn die fi three yierz Ah wehn priich mongs unu, ahn neva stap waan unu —Ah dongtu hala uova evry wan a unu.

Acts 24:15

Ah gat fi mi huop iina God, jos laik dehn man weh deh yah, dat wan die God gwain riez aal pipl bak op fram di ded, di raichos ahn di wikid fi joj dem.

Acts 26:2

Ihn seh, “Dah wan gud ting seh Ah deh fronta yu tudeh, King Agrippa, fi difen miself gens aal dehn tingz weh di Jew dem deh akyuuz mi fah.

Acts 26:3

Bikaaz Ah nuo seh yu dah wan ekspert wen ih kom tu Jewish kostom ahn dehn kwaaril weh dehn laik gat. So Ah deh aks yu fi hier mi ahn gat pieshens wid mi.

Acts 28:20

ahn sieka dis, Ah kaal unu fi wi taak ih uova. Dah fi di huop weh wi Israel pipl gat, Ah deh yah tai op wid dis chien.”

Philippians 3:11

wid di huop seh som die Ah gwain get riez'op bak fahn di ded!

1 Thessalonians 3:10

Ahn now, die ahn nait wi deh prie wid aal wi haat dat wi gwain si unu fies tu fies, so wi kyan help unu wid enyting weh unu niid fi help unu fiet get stranga ahn stranga.

1 Timothy 5:5

So, dehn gat two kain a wido: Wan dah wehn wido fi chruut, bikaaz shii no gat nonbady fi help im; so shii gwain luk tu God fi help. Dah uman gwain prie juurin di die ahn juurin di nait tu, deh aks God fi ihn help.

James 1:1

Dis leta dah fahn mii, James, weh deh sorv God ahn di Laad Jesus Christ. Ai deh rait tu aala God pipl dem weh skyata aal uova di worl. Mek God bles aala unu!