Acts 26:4 - The New Testament in Islander Creole

⁴ “Aal di Jew dehn nuo how Ai wehn liv. Dehn nuo how Ah spen mi huol laif, laik how Ah wende liv iina mi uon kontry fram Ah yong, ahn afta dat how Ah kom liv dah Jerusalem.

Acts 26:4 Iomraidhean Croise

Acts 22:3

“Ai dah wan Jew, baan iina di sity a Tarsus, weh deh iina di kontry a Cilicia, bot Ah wehn riez'op iina disya sity. Ai dah wehn wan a Gamaliel styudent dem ahn Ah wehn gat gud edyukieshan iina evry Laa fahn fi wi ansesta dem. Ahn Ah wehn az strik az unu fi obie aala God Laa weh dehn paas dong tu wi.

Acts 24:14

Bot, Ah hafy tel yu seh dah chruu seh Ah fala Di Wie, weh dehn kaal wan kolt. Ah waaship fi wi ansesta dehn God, ahn Ah biliiv evryting weh deh jos laik weh di Laa seh wi fi du, ahn aal weh di prafit dehn rait bout.

Galatians 1:13

Aala unu memba how Ah yuuztu stan, wen Ah wehn dah fi di Jewish rilijan. Unu nuo how Ah yuuztu haraas demde pipl weh dah fi God chorch, so Ah kuda du weh wid dem.

Philippians 3:5

Ai wehn get sorkomsaiz eight diez afta Ai baan, ahn Ai dah wan Israelite fahn outa di traib a Benjamin. Ai dah wan chruu-chruu Hebrew, ahn akaadn tu di Jewish Laa, Ai dah wehn wan gud Pharisee.

2 Timothy 3:10

Bot yuu, Timothy, yu wehn pie atenshan tu demya tingz weh Ai don tiich yo. Yuu wehn si how Ai wende liv, ahn yu nuo weh Ah wehn waahn du wid mi laif. Yu nuo bout mi fiet iina di Laad, mi pieshens ahn lov, ahn aal di sofarin weh Ah put'op wid iina di paas.