Acts 26:16 - The New Testament in Islander Creole

¹⁶ Bot get'op ahn stan op pahn yo fut dem. Ah shuo miself tu yu, bikaaz Ah deh pik yo out laik mi speshal sorvant. Yu fi go ahn tel evrybady weh yo si ahn hier weh wehn hapm tu yu tudeh, ahn tel dem bout som muo tingz weh gwain hapm tu yu iina di fyutyo.

Acts 26:16 Iomraidhean Croise

Luke 1:2

Dehn rait'ih dong jos laik how dehn hier'ih fahn di pipl dem weh wehn si demya tingz wen ih staat, ahn den gaan out, gaan priich di gud nyuuz.

Acts 1:17

Judas dah wehn wan a wi; bot bifuor ihn ded, ihn wehn help iina di work weh wi wende du fi di Laad.

Acts 20:24

Bot fi mi laif no wot notn ataal les Ah yuuz ih fi don du di work weh di Laad Jesus wehn gi mi fi du —dat dah fi tel evrybady di gud nyuuz bout di kainis ahn lov weh God gat fi pipl.

Acts 21:19

So, afta Paul hiel dem, ihn staat tel dem bout aal weh God wehn du mongs di Gentile pipl dem chruu ihn tiichin.

Acts 22:10

Den Ah seh, ‘Weh Ai fi du, Laad?’ Ahn di Laad ansa mi seh, ‘Get'op ahn go iina Damascus sity. Dehso yu gwain laan aal weh yu hafy du fi mi.’

Acts 23:11

Di neks nait, di Laad kom tu Paul, stan bai im ahn seh, “No gi'op, Paul. Di siem wie how yu wiknis bout mi yah dah Jerusalem, dah di siem wie yo gwain wiknis bout mi dah Rome.”

Acts 26:15

“Den Ah aks im, ‘Dah huu yuu, Laad?’ Ahn di Laad ansa, ‘Ai dah Jesus; di siem wan weh yu deh gi haad taim.

Acts 6:4

Den wii, di Laad apasl, kyan spen wi taim fi prie ahn priich di gud nyuuz.”

Romans 1:5

Dah wehn chruu Christ ahn sieka ihn niem, dat God don gi mi ihn gries ahn mek Ai bii wan a ihn apasl dem, so dat Ai kuda go help aala demde pipl weh dah no Jew fi chros iina ihn Son ahn fi obie im.

Romans 15:16

God wehn sen mi fi work laik wan sorvant a Christ Jesus mongs unu weh dah no Jew. Di Laad mek Ah work laik wan priis fi tel unu di Gud Nyuuz weh ihn wehn gi wi, so dat unu Gentile pipl kuda chros iina Christ, ahn bii laik wan sakrifais weh pliiz God. Di Holy Spirit don mek unu haat kliin, ahn mek unu God uon pipl dem tu.

2 Corinthians 4:1

So den, bredrin, bikaaz God iina ihn morsy gi wi dis speshal work fi du, wi no gwain gi'op nontaim.

2 Corinthians 5:18

Dah God du aala dis. Ihn wehn ton wi fahn bii ihn enimy tu ihn fren dem, chruu weh Jesus Christ du pahn di kraas. Ahn now ihn gi wi dis speshal work fi help mek plenty ada pipl get rait wid God tu.

Galatians 1:12

Ah neva get'ih fahn nonbady niida, ahn nonbady neva tiich mi it. Ah get'ih striet fahn Jesus Christ, huu ihnself wehn shuo mi dis mesij.

Galatians 2:2

Ah gaan, bikaaz God shuo mi seh Ah wehn fi go. Ahn wen Ah get deh, Ah wehn gat wan miitn wid di chorch liida dem. Ahn, wen wi wende bai wiself, Ah eksplien tu dem di Gud Nyuuz weh Ah wende priich tu di Gentile pipl dem. Unu si, Ah neva waahn aal dah work, weh Ah wehn don du, or weh Ah deh du tudeh, kount fi notn!

Ephesians 3:3

Dah wehn God ihnself wehn shuo mi ihn siikrit plan weh nonbady neva andastan op til now. Bredrin, Ai aredy staat rait tu unu wan likl bit bout'ih;

Colossians 1:23

Bot unu hafy kiip aan deh chros ahn stie strang iina unu fiet, ahn unu no fi mek nonbady mek unu get fried iina di huop weh unu wehn get wen unu wehn fos hier di Gud Nyuuz. Dis dah di Gud Nyuuz weh wehn priich tu evrybady iina di worl. Ahn mii, Paul, deh work fi priich dat Gud Nyuuz tu!

Colossians 1:25

God wehn pik mi fi sorv di chorch ahn so ihn sen mi fi go priich fi him huol mesij tu unu.

Colossians 1:7

Unu don laan dis fahn wi gud fren, Epaphras, weh dah wan sorvant a God tu. Ahn fi unu, ihn dah wan gud sorvant fi Jesus Christ.

1 Thessalonians 3:2

ahn sen wi breda, Timothy, fi go, go si unu. Timothy wehn work tugeda wid wii, deh du God work deh tel di pipl dem di Gud Nyuuz bout Christ. So, wi sen him fi strentn ahn inkorij unu, ahn help unu fi chros di Laad muo ahn muo,

1 Timothy 1:12

So den, Ah gi tanks tu fi wi Laad Christ Jesus, huu wehn gi mi strent fi du mi work. Dah him wehn chros mi wid ihn mesij, ahn pik mi out fi sorv im.

1 Timothy 4:6

So, Timothy, if yu tel aala dem weh dah fi wi uon fela biliiva fi du demya tingz yah, weh now Ah deh tel yo, yu gwain du di work weh Christ Jesus wehn gi'yo fi du. Ahn yu gwain gruo muo stranga iina Christ chruu demya tiichin weh yu don laan, weh gud ahn weh yu stil deh fala.

2 Timothy 4:5

Bot yuu, Timothy, yu fi kiip yo hed wid yu aalwiez. No fried fi sofa fi di Laad. Du di work a wan ivanjelis ahn finish di jab weh God wehn gi'yo fi du.