Acts 26:10 - The New Testament in Islander Creole

¹⁰ Dat dah weh Ah yuuztu du dah Jerusalem. Ah get atarity fahn di chiif priis dem ahn put wan paila biliiva iina jiel; ahn wen dehn kandem dem tu det, Ai dah wehn wan a dem weh vuot gens dem.

Acts 26:10 Iomraidhean Croise

Acts 7:58

ahn chruo im outa di sity. Den, dem weh wehn tel lai pan Stephen, dehn gi dehn jakit tu wan yong man weh niem Saul fi huol, so dehn kuda lik'im dong.

Acts 8:1

Now Saul wende rait dehso; ihn wehn grii wid aal weh wehn gaan aan. Ahn pahn dat siem die wan big prablem brok out gens dem weh dah wehn paat a di chorch fahn Jerusalem. Ih wehn so moch dat aal di biliiva —eksep di apasl dem— wehn skyata aal uova Judea ahn Samaria kontry-said.

Acts 8:3

Bot Saul wende trai fi kil out aala di biliiva dem. Ihn wende go fahn hous tu hous deh jreg out di biliiva dem —man ahn uman di siem— ahn ihn dash dem iina di jiel.

Acts 9:21

Ahn aal di pipl dem weh hier im wehn uova sopraiz ahn dehn aks wan anada seh, “Dis dah di siem man weh wende haraas di pipl dem weh deh fala Jesus iina Jerusalem, no chruut? Ihn mosy kom yah fi grab di biliiva, tai dem op ahn ker dem bak dah di chiif priis fi du di siem ting tu dem. Dah wada hapm tu him now?”

Acts 9:26

Wentaim Saul get dah Jerusalem, ihn trai fi jain'op wid di biliiva dem, bot dehn wehn fried fi him; dehn neva biliiv seh him dah wehn wan chruu biliiva.

Acts 9:32

Roun dis siem taim, Peter wende travl fahn plies tu plies fi vizit di biliiva dem. Pahn di wie ihn stap fi vizit dem weh wende dah di toun a Lydda.

Acts 9:41

Peter huol ihn han ahn help im fi stan op. Den ihn kaal iin aal di biliiva ahn di wido dem tu, ahn ihn shuo dem Tabitha wehn alaiv agen!

1 Corinthians 15:9

Ahn bikaaz Ai dah di liis ah aal di ada apasl dem, Ai no iivn fit fi mek dehn kaal mi wan apasl, bikaaz Ai wehn mek plenty a God pipl sofa uova bad.

Galatians 1:13

Aala unu memba how Ah yuuztu stan, wen Ah wehn dah fi di Jewish rilijan. Unu nuo how Ah yuuztu haraas demde pipl weh dah fi God chorch, so Ah kuda du weh wid dem.

Ephesians 1:1

Dis leta dah fahn mii, Paul, wan a Christ Jesus apasl, bikaaz dat dah weh God waahn Ah fi bii. Mi leta dah tu unu, God pipl iina Ephesus sity, unu weh fietful iina unu laif wid Christ Jesus.

Revelation 17:6

Ah kuda wehn si seh di uman wehn jronk wid di blod fahn God pipl dem —di blod fi dehn pipl weh wehn get kil— bikaaz dehn neva gi'op dehn fiet iina Jesus! Ahn wen Ah si dah uman, Ah kudn biliiv weh Ah wende si!